ISAI 15:1 - PATHIAN LEKHABU THIANGTHO (BSI)

¹ Moab gam chung thu chu: Ar khua chu jan khat thu phiat nâm ah a um tâk ziakin, Moab chu zawsa ahi; Kir khua chu jan khat thu phiat nâm ah a um tâk ziakin, Moab chu zawsa ahi.

ISAI 15:1 ပူးပေါင်းရင်းမြစ်များ

2 LENGTE 3:25

Khawpite chu a bungbutun ua, chuleh gam phatna mun taphot ah chun suang a sep lut ua, a hukdim kei tau a; tuinâk taphot chu a huk tan ua, thingpha taphot le a phuk tau hi. Kir-hareseth bep in suang kulbângte chu a um zing a, ahi’n vaisuangse choite’n a hun ûm ua, a do tau hi.

ISAI 11:14

Tumlam ah Philistinte do khawm intin uh, sualam ah mite suam in pang khawm ta’n au. Edom tawh Moab do-na’n a khut lâm khawm ta’n tin uh, Ammonte’n le a thuu jawm ta’n au.

ISAI 13:1

Amoz chapa Isai in Babulon chungchâng ah a thil mu lawk chu zia gual hi ahi:

ISAI 14:28

Lengpa Ahaz a thi kum in, zia thu hi a hung tung a:

ISAI 16:11

Ziaziakchun, Moab sûnna gawsem gual in, ka lungchang a phu dûp dûp in, ka hinna’n le Kir-heres lungsiat ziakin a phu zot zot hi.

ISAI 16:6

Moab kiletsak dan ka la hiau a, a kiletsak na lawm lawm e! A kingaisânna, a kiletsakna leh, a lungchom dante ka hiau; a kisuanpiteu chu bangmalo mai mai a hiu.

ISAI 16:7

Ziaziakchun, Moab patau hen la, mitin in Moab sûn in, patau chiat tau hen. Kir-hareseth khawpi grep ho ah vaithum kisiam a nêk lai niteu kha, lungthim ngui tak in sûn uh hen; lungdonna tawp khawk a tuak tau hi.

ISAI 25:10

Zia tâng ah hin Lalpa khut chu, kichawl den ta ding ahi ngal a. Bupawl buaksia khûk ah chotchil ahi gual in, Moab mite chu a umna mun un chotchil in hung um ta’n au.

ISAI 25:12

A kulbâng sâng tak takteu chu, hi’chip in hung um ta’n tin; lei tual ah leivui lakah, paithâk in um ding ahi tai.

JEREMIAH 9:26

Gam keu ah chêng, a chalsam uh tan sek zosia, Aiguptate, Judate, Edomte, Ammonte leh Moabte chung ah vaihawmna ding chu. Zia namte zosia hin a zek uh a tan puau a, Israelte zosia le a lungthim uh zektanlo ngen ahi ngal un.

KISIMNA LEKHABU 21:28

Heshbon ah kipat in mei a kuangdok ta’n, Sihon khawpi ah kipat meikuang in, Moabte Ar a kângtum ta’n, Arnon lopina zosia tawh a kâng tum tai.

DAN LEKHABU 2:18

“Tu’ni hin Ar mun ah Moab gamgi kân ah chia ding la hitau.

DAN LEKHABU 2:19

Ammonte gamgi la hung tun phat ua leh, amau chu hi’buai kiu inla, kidopi diak kiu in; Ammonte gam hi Lot suante â ding ah ka piaksa ahi tâk ziakin, a gam uh chu neuchale nang uh hun pelo ding ka hi,” a ti hen.

DAN LEKHABU 2:9

Lalpa‘n ka kiang in, “Moabte chu subuai kiu inla, kidopi ding inle chok tho kiu in; Ar gam hi Lot suante â ding ah ka piaksa ahi tâk ziakin, a gam uh chu neuchale nang uh hun pelo ding ka hi,” ti’n a gen tai.