ISAI 14:32 - PATHIAN LEKHABU THIANGTHO (BSI)

³² Nam palai ah hungte chu kua’n bangti’n a dawnhu ta diam? “Lalpa‘n Zion a tungding ah, a mipite lak ah tasamte chun, ama ah chun bitna mu ta’n au”.

ISAI 14:32 ပူးပေါင်းရင်းမြစ်များ

2 SAMUEL 8:10

Lengpa Toi chun Lengpa David kiang in chibai bûk ding leh Hadadezer a zaw’na ziak ah kipakpi’na thu tut dingin a chapa Joram chu a sawl a. Zia lai ah chun, Hadadezer leh Toi chu kicho ah kido veu sek a hiu in. Joram in dangka thik, sana leh sum-eng thikte a puak piak a;

SAM 102:16

Lalpa‘n Zion chu tung ding kit intin, a lopina kithuam in hung kilang kit in a.

SAM 102:28

La suakte chate chu bit tak in um intiu in; a suan leh pâkteu chu la ma’n phudet hi’n au.

SAM 48:4

Ziaphatchun, lengte a kikhawm un, a pang khawm tau hi.

SAM 87:1

Tâng thiangtho ah chun, a khawpi suangphûm chu a um in;

SAM 87:5

Zion chungchâng thu ah chun zia gual hin gen in au: “Zia pa hi tawh zia pa saw zia tak ahi piang a hiu,” ti’n au. Chungnung Penpa chun zia chu a phudet ahi ta’ngal a.

THUPILTE 18:10

Lalpa min hi kulpi det ahi hen, midik in zia chu a bêl in humbit in a um sek hi.

ISAI 11:4

himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 25:4

Migentheite’n kisêlna’n a hun mang un, a lungdon lai ua tasamte kisêlna la hi’n; thigawpi lak ah bitna leh, nisa lak ah dailîm la hi. Phalbi lai ah thigawpi gual ah mi huhamte’n a nawu a,

ISAI 28:16

Ziaziakchun, Lalpa Pathian chun: “Ngai un, Zion ah chun, a suangphûm patna dingin suang pakhat, etchianna suang–suangphûm lûl tak khat chu ka lem in, ‘Ama ging taphot chu zakcha pua’n au!

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 37:32

Jerusalem ah kipat a thibang sunte hung pawtdok intiu in, Zion tâng ah kipat a suakcha honting tak pawtdok in au; sepai honte Lalpa phatchuam ngaina chun zia chu bawl ding ahi.

ISAI 37:9

Tu’hin, Lengpa Sennakherib in, Ethiopia Lengpa Tirhakah chu ama do ding in a hung kuan hi ti thuthang a la he ta’n. Zia thu chu a het phat phatin Hezekiah kiang in thangko a sawl a,

ISAI 39:1

Zia hun lai ah chun, Babulon Lengpa Baladan chapa Merodakh-baladan in, Hezekiah damlo thu leh a damlona kipat a dam kitna thu a la het ziakin, a kiang ah lekhathot tawh thilpiak tam tak thot in palai a sawl a.

ISAI 4:6

Sûn ah nisa lum in a kâtlona ding leh, huipi leh gawpi lak ah le bêl thei dingin bûkcha hung hita’n a.

ISAI 44:28

Kuras chung thu in: “Ama chu belam gual ah ei chingpa ahi’n, ka thil guanggal zosia hun bawldok ding ahi,” ti’pa leh, Jerusalem chung thu ah: “Bawl thak ah um kit ding la hi,” ti leh, tempul chung thu ah: “La suangphûmte lep thak ah um kit ding ahi,” ti’pa chu ka hi, ti’n a gen tai.

ISAI 54:11

Aw, nang sukgenthei ah um, thigawpi’n a mût lumlet, thamuanna him him nei lo, la suangte kha a jem hoi tak in, hun siam piak ing ka tin, la In suangphûm ding chu, sapphire suang mantam in hun lep piak ing ka.

ISAI 57:13

La patau phat uh leh, la milim lâk khawm haw chun hun hukdok tau hen! Hui in tokmang hen la, hu in mût mang ziang ta hen. Himaleh, keima ei bêl taphot chun, gam hi hun lua in, ka tâng thiangtho hi go in hun lua ta’n au.

EZEKIEL 48:35

Khawpi kîmvêl chu tong sîng khat leh sang giat hual sung ahi. Chuleh, zia hun ah kipat chun a khawpi min chule, “Zia hin Lalpa a um hi,” ti hita’n a.

ZEPHANIAH 3:12

Nanghaw lakah mi kingaitawm leh, mi niamte chu nutsia ah um ding a hiziak un. Amau chun Lalpa min bêl intiu in,

ZEKARIAH 11:11

Zia ni ma ma ah chun phel kit a hita’n; belam zuakte, ei la entha zingte chun zia thu chu Lalpa kamsuak ahi ti a hiau a.

ZEKARIAH 11:7

Chutichun, belam thalup ding ah umte zuakpa thasâng in, belamchingtu in pang ing ka. Tiangpum pani ka la’n: khat chu, Doisakna ka sak ah, a dang khat chu, Kipumkhatna ka sak ah; zia gual ah chun gan-gual chu ka ching ta ahi.

MATTHAI 16:18

Nang Peter la hi, ti ka hun hil belap hi; ahi’n, zia suangpi chung ah hin ka kochuam chu lem ing ka tin; mithi kul kotkhak chun lang zo pua’n a.

HEBRAITE 11:10

Ama’n khawpi buldet Pathian siam leh sak chu a ngâk hi.

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?