ISAI 14:2 - PATHIAN LEKHABU THIANGTHO (BSI)

² Chuleh, namtin a mun un hun pui khawm kit intiu in; tichun, Israel Inkuante chun Lalpa gam ah chun, namtin ah mite chu suak numei leh suak pawsal in nei ta’n au; amau sal ah a la mante kha sal in man zaw ta’n tin uh, amau a la tawdente kha hun tawden ta’n au.

ISAI 14:2 ပူးပေါင်းရင်းမြစ်များ

EZRA 2:65

ziate bân ah chun a suak numei leh pawsalteu chu sangsagi za thum sawmthum leh sagi a hiu ah; amau in La sa mi numei leh pawsal za ni a nei un;

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

ISAI 18:7

Zia hun phat chuleh, sepai honte Lalpa â dingin kipakna thilpiak, mi sâng leh nal te, mi zosia tizat, a gamla leh a nai tuam ah mite, gâlhat leh guallel ngailote, luiliante’n a khenna gam ah chêngte chun, sepai honte Lalpa min lamna, Zion tâng ah chun hun chawi khawm ta’n au.

ISAI 31:8

“Ziaphat chuleh, Assuriate chu mihing chemjam hilo, chemjam in thi’n au; mihing chemjam hilo, chemjam in ne zo in a; chuleh, chemjam ah kipat tai mang in, a tangvalteu chu midangte suak in pang ta’n au.

ISAI 45:14

Zia gual hin Lalpa‘n a gen a: Aigupta gam ah hausakna leh, Ethiopia gam ah sumkawlveina thil zosia, mi duangting tak tak Sabeante chule, la kiang ah hung intiu in, nang uh chang ta’n la tiu in, la nung uh hun zui ta’n au; thîkkol but kawm ah hung in, la mau ah hung khiangkho ta’n au. La kiang ua la jangainau don in, “Nang uh kiang bep hin Pathian a um in, kuama dang kiang in a um puai; ama tilo ngâl Pathian dang him him a um puai,” hun ti ta’n au.

ISAI 49:22

Lalpa Pathian in zia gual hin a gen hi: Nam tinte lam in ka khut lâm ing ka tin, mitin kiang ah ka tepte’na tâkdok ding ka hi; tichun, la chapateu chu hun âng pai in, la chanuteu chu hun liangkawlosot in lau.

ISAI 49:23

Lengte chu la pateu hung hita’n tiu in, lengnute chule a hun dontu la nuu hung hita’n au. La ma-âng un lei tual si hial in hung bokkhup intiu in, la kengpêk ua leivui nasan, hun liak thian piak ta’n au. Ziaphat chuleh, Keima hi Lalpa ka hi ti hun he ta’n lau; keima ei ngâkte chu mualpho ngai ngai pua’n au.

ISAI 49:25

Himaleh, Lalpa‘n zia gual hin a gen hi: Mihat khut ah saltângte natiang ladok ing ka tin, lal gilo tak khut ah sal matte chule, tandok kit ding ka hi. Nangma hun do-te chu, keima’nle do ing ka tin, la chate chu hukdok ding ka hi’ngal a.

ISAI 54:3

Changlam leh veilam ah, hung kikêk lian ding la hi’n, la suan leh pâkte’n namtin chung ah vaihawm in, khawpi a hawm ah nutsiasate chu, hun lua dim kit ding ahi ngal un.

ISAI 60:14

Nangma hun sugentheite suan leh pâkte chule, la kiang lam ah chun a boksa’n hung ta’n tiu in; chuleh, nang a la musit zosia kha, la kengbul ah hung bokkhup ta’n au; ziaphat chuleh, nangma chu Lalpa khawpi, Israel Mithiangtho Zion, hun ti ta’n au.

ISAI 60:4

Hung khawdak inla en tiam in; a hung kipâ khawm un, la kiang in a hung khawm ui; la chapate chu khual gamla tak ah kipat hung intiu in, la chanute chule amau donte chun hun pai in au.

ISAI 61:5

Mêlhetlote hung kisalâ in, la belam honteu hun vâk piak intiu in, gam dang mite chun la lou uh hun kai piak in, la grep guiteu hung ha’piak in au;

ISAI 66:12

Zia gual hin Lalpa‘n a tii: Ngaitia, a chung ah vangphatna chu, lui gual in hun luan jaksak ing ka tin; namtin hausakna chu lui luanglet gual in, hung luang lut ta’n tin; nawi gual in chêp ta’n la tin, nang hun enkol ah a khut ah hun pâi in, a khup chung ah kichopsak in um ta’n la.

JEREMIAH 30:16

Ziaziakchun, nang a la ne zo tapo chu, nêk zaw in hung um intiu in; la mêlmate chu a leng un sal ah, pui mang sik sek hung hita’n au; nang hun suam gam tapo chu, suam gam in hung um intiu in, gâlhing ah hun man tapo chu, gâlhing ah matsak ing ka.

JEREMIAH 49:2

Ziaziakchun, Ammonte khawpi, Rabbah do-na ding ah pengkul ka mûtna ding hun chu, hung tung ngei ngei ding ahi; mualbawk nutsia ah um gual bep hi’ntin, a khawchate chule mei ah hâl tum hi’n a; ziaphat chuleh, Israelte’n amau suandokte chu, suandok kit ta’n au, Lalpa‘n a tii.

EZEKIEL 39:10

tichun, gamlak ah thing a puak uh ngai ta pua’n tin, gammâng thing a phûk uh le ngai diak pua’n a; gâlvante chu thing ah tik ta ding a hiziak un; amau sim ah hungte chu amau in sim zaw ta’n tiu in; chuleh, amau suam ah hung kuante chu amau in a la suam zaw ta’n au, Lalpa Pathian in a tii.

DANIAL 7:18

Himaleh, Chungnung pen ah Mithiangtho chun lenggamte chang intin, kumtuang tiang in changden ta’n a,” a hun ti tai.

JOEL 3:8

La chapateu leh la chanuteu chu Judah mite khut in zuak ing ka tin; amau in gamla tak ah nam khat, Sabeante kiang ah zuak sawn in au; ti’n Lalpa chun a gen ta’ngal a.

THIAMPUTE LEKHABU 25:44

Suakpa leh suaknu ding chu, la chênna gam tuam ah mite lak ah kipat hin la kichawk ding uh a hizaw ngâl a.

OBADIAH 1:17

Himaleh, Zion tâng ah chun, a suakchate chu um intiu in, a thiangtho hita’n au; Jakob Inkuante chun, amau a la chomgamte ma ma chu, hun chom gam ta’n au.

ZEKARIAH 2:13

Mizosiate haw, Lalpa âng ah chun thip chil chel tau in, ama chu a mun thiangtho ah kipat in a hung thodok ta ahi.

ZEKARIAH 2:9

Tu’hin en in, amau kãl in ka khut lâm ding ka hi, amau suakte ma ma simmaw in um in au; ziaphat chuleh, sepai honte Lalpa chun ei sawl ka hi ti hechian ta’n lau.

LUKA 12:45

Ahi’n, zia suakpa chun a lungthim in, Ka pu chu hung vak pua’n tin, ti hen la; a suak chanpite chu a numei a pawsal in a la jep ta hen la, ne leh dawn in a la kham ta leh;

ROMTE 15:27

Zia a thilbawl uh chun amau a kipaksak ah, zia gual thil hi, chu a bat uh le ahi him a; Jentelte chun thagau lam ah a thil chanteu chu a hun kikoppi tâk ziak un, taksa lam thil ah amau tâksapnau a kithuapiu chu, a bawl ding dawl uh le ahi him hi.

2 KORINTH 10:5

Lungthim ah ngaitua kawm ah mi nialna leh Pathian do-na ah kigêl thilsâng tak te chu suchim in, lungthim ngaituana zosia chu suak ah pui in Khrista thu ka nunsak sek ui.

GALATIA 5:13

Nanghaw, suapite haw, suak hilo ding ah ko la hiu a; himaleh, suak la hi’lonau chu taksa â ding ah lemchâng in mang kiu inla, hepina’n na kisep tua piak chiat zaw tau in.

EPHESA 4:8

Ziaziakchun, “Chung lam ah a chia to lai khan, matte chu sal in a pui ah, mite kiang ah chun thilpiakte a piai,” ti ahi.

THUPUAN 3:9

Juda tak hilo pi, juau thu Juda kitite, Setan lawi kikhopna pangsekte kha ka hun pia ahi; amau hun sawl ing ka tin, la kengbul ah kûn sak ing ka, ka hun hepi dan hi a hetna ding un.