ISAI 14:12 - PATHIAN LEKHABU THIANGTHO (BSI)

¹² Aw jingsol, phalvak chapa, bangtidan ah van ah kipat hung ketha ziang la hem! Nang, namtin kiakniamsakpa, bangtidan ah lei tual chan ah, phûk pâi ah hung um ziang la hi tam!

ISAI 14:12 ပူးပေါင်းရင်းမြစ်များ

ISAI 13:10

Van ah aksite leh aksi honte chun a vâk uh sua ta pua’n au; jingkal nisale thim ta’n tin, thapi le vak ta pua’n a.

ISAI 34:4

Van ah aksite zosia mangthai ta’n tin, van chule lekhabu zialthaw gual ah zial daw in um ta’n a. Van lam ah thil um zosia chu, grep dua kâu a gui ah kipat a pul ah, theichang ga hût a kung ah a pulthâk gual in, pultha zo ta’n au.

JEREMIAH 50:23

Khawvel pumpi khetna sektum chu, khetbot leh khet phel in a um tai! Namtin lak in Babulon chu, tizat um a suak tai!

JEREMIAH 51:53

Babulon chu van chan ah kal sâng in, a kulbângte sâng tak in siamdet ma leh, ama susia dingte chu keima ah kipat in, a chung un tung ding ahi ngâl a, Lalpa‘n a tii.

KÂ LATE 2:1

Lalpa‘n a lungnatna ziak ah, Zion chanu bang gual lawm ah, sumualpho ahi tam! Israel hoina van ah kipat in, lei ah a hun septha ta’n; a lungnat ni’n a keng ngakna a he’pha ta puai.

EZEKIEL 26:17

Tichun, nang Sûnna La zia gual hin lem ta’n au: “Aw, khawpi minthang, khatvei chu nang leh la sung ah chêng zosia, tuisuagiat chung ah gâlhat la la hita’n; gam zosia chung ah tizat um, bangtidan ah tuisuagiat ah mangthai ziang la hitam!

OBADIAH 1:4

Mupi gual ah sâng tak in leng male chin, aksite lak ah bû sia male chin, zia kipat chun hun latha ding ka hi, Lalpaa tii.

LUKA 10:18

Himaleh, ama’n a kiang un, “Setan van ah kipat kawlphe gual ah hung ketha ka mui.

2 PETER 1:19

Tichun, genlawkna thu det zaw diak I nei ui, khua a hung vâk ah, jingsol aksi chu la lung sung ua a suak masia, zia chu thim lak ah thaumei vâk a ngaisak gual ua la ngaisak ua leh a hi’pha hi’n lau.

2 PETER 2:4

Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.

THUPUAN 2:28

Ka pa ah kipat thuneina ka mu tâk gual in, a zo te chu jingsol aksi chu pia’ng ka.

THUPUAN 22:16

Kei Jesu hin, zia thute hi kochuamte hiatsak ding ah ka vansawlchâk chu ka sawl ahi. Keima David suan leh a phung bulpi Jingsol aksi vâk chu ka hi, a tia.

THUPUAN 8:10

Chun, vansawlchâk pathumna chun a pengkul a hun mût leh, van ah kipat aksi lian tak, meisel gual ah kuang chu lei lam in a hung ketha’n; zia chun tuinâkte leh luite mun thum ah khen ah mun khat a delkhum tai.

THUPUAN 9:1

Vansawlchâk pangana chun a pengkul a mût leh, aksi pakhat van ah kipat lei ah ketha ka mu, ama chu leikawkhuk tawp neilo honna chabi chu piak a hia;