ISAI 14:1 - PATHIAN LEKHABU THIANGTHO (BSI)

¹ Himaleh, Lalpa chun Jakob hun lainat kit intin, Israel chu hun têl kit ta’n a; chuleh, a gam uh tungding kit in a. Chuleh, gam dang mite tawh kizop ta’n tiu in, Jakob Inkuan lak ah hung pang ta’n au.

ISAI 14:1 ပူးပေါင်းရင်းမြစ်များ

ESTHER 8:17

Lengpa thupiak tunna gambung tin leh khawpi tin ah chun, Judate â ding ah kipakna leh limna a um ziakin, luaithe’na leh awllênna’n a mang tau a. Zia mai chule hilo in, Judate a lau ziak un mi tam tak chu Juda mi ka hi ti’n a hung pang tau hi.

SAM 102:13

Tho inla tin, Zion khawtua ding la hi, doisak hun lai tak ahi ngal a; hun guat chu a tung tai.

SAM 102:14

La suakte’n a suangte chule a ngainau hen, a leivui natiangle a ngaina ngal un.

SAM 143:12

La ngilneina ziakin ei do-te chu sumangthai inla, ka mêlmate zosia sumangthai in, la suak ka hi’ngal a.

SAM 98:3

Israel Inkuante chung ah a ngilneina leh, a thutakna a hezing hi. Kawl kîmvêl tiang ah mi zosia’n le, I Pathian zaw’na a mu tau hi.

ISAI 19:18

Zia ni phat chuleh, Aigupta gam ah chun Kanaante pauthaw khawpi panga leh, sepai honte Lalpa â ding ah kitiam hung um in au. Zia khuate lak ah khat chu Nisa Khawpi ti min sak hi’n a.

ISAI 21:1

Tuisuagiat ah gamthip Babulon siatna ding chungchâng ah thusuak chu: Negeb lam ah chîmpei hung hâng gual in gamkeu ah kipat in, siatna tizat um tak in a hung hi.

ISAI 27:6

Tu’nung leh, Jakob in zung hun tha’n tin, Israel hung hingdok kit in hung dawndok kit intin; tichun, khawvel pumpi a ga hung dim kit ta’n a.

ISAI 41:8

Himaleh, nang Israel ka nasempa, ka gualpa Abraham suante lak ah ka têlchuam nang Jakob,

ISAI 41:9

lei mong lam pek ah kipat ka hun puidok a, leimun gamla pen ah kipat ka hun kodok a, la kiang in: Nang hi ka suak la hi, keima ngei in ka hun têlchuam la hi’n, hun paitha lo ding ka hi;

ISAI 44:1

Tu’hin, aw Jakob ka suakpa, Israel, ka mi têlchuam chun zia hi ngai un!

ISAI 45:14

Zia gual hin Lalpa‘n a gen a: Aigupta gam ah hausakna leh, Ethiopia gam ah sumkawlveina thil zosia, mi duangting tak tak Sabeante chule, la kiang ah hung intiu in, nang uh chang ta’n la tiu in, la nung uh hun zui ta’n au; thîkkol but kawm ah hung in, la mau ah hung khiangkho ta’n au. La kiang ua la jangainau don in, “Nang uh kiang bep hin Pathian a um in, kuama dang kiang in a um puai; ama tilo ngâl Pathian dang him him a um puai,” hun ti ta’n au.

ISAI 47:1

Babulon chanu, nungak thiangtho, hung suk inla, leivui lak in hung chu’n! Kaldai chanu, lalchutpha hilo, lei tual ah kitung in! Mi nuamsa leh tino’ ti hi talo ding la hi’ngâl a!

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

ISAI 49:13

Aw vante haw, kipak in La sau in, aw khawvel, lim ta’n; aw tângte haw, La sa’n hung kikodok un! Lalpa‘n a mite a thamuan ta’n, genthei thuakte chung in, a lainatna tunsak ding ahi ta’ngal a.

ISAI 49:15

Numei in a cha nawichep lai a hemil thei em? Ama sûl ah piang ngei ngei chu, lainatna nei lo in um thei ding a hem? Amau chun hemil thei ziangleu le, ke’n vang hun hemil pua’ng ka.

ISAI 49:25

Himaleh, Lalpa‘n zia gual hin a gen hi: Mihat khut ah saltângte natiang ladok ing ka tin, lal gilo tak khut ah sal matte chule, tandok kit ding ka hi. Nangma hun do-te chu, keima’nle do ing ka tin, la chate chu hukdok ding ka hi’ngal a.

ISAI 49:7

Israelte Tandokpa leh a Mithiangtho, nam tinte musit leh ki’dak ah um, vaihawmte suakpa Lalpa chun zia gual hin a gen hi: “Lengte’n la pawtdok uh mu’n dingdok intiu in, lalte’n hun mu’n, la ma’n bokkhup in au. Lalpa ginum leh, Israel Mithiangthopa’n nang uh, hun têldokpa ziakin,” ti in.

ISAI 54:3

Changlam leh veilam ah, hung kikêk lian ding la hi’n, la suan leh pâkte’n namtin chung ah vaihawm in, khawpi a hawm ah nutsiasate chu, hun lua dim kit ding ahi ngal un.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

ISAI 56:3

Gam dang mi, Lalpa hun kizoppitate chun, “Lalpa‘n a mite lak ah kipat in, ei khen chuam ding ahi,” ti kiu hen la; mi kiget chunle: “Kei vang thingbul gawtek gual bep ka hi,” ti diak kiu hen.

ISAI 60:10

Gam dang mite chun la kulbâng uh hun bawl piak intiu in; chuleh, a lengteu chunle la nau hun sep piak ta’n au; ka lungnat ziakin ka hun vaw pâi ta’n, maleh, ka hun doisakna ziakin, la chung in ja’ngaina ka nei tai.

ISAI 60:14

Nangma hun sugentheite suan leh pâkte chule, la kiang lam ah chun a boksa’n hung ta’n tiu in; chuleh, nang a la musit zosia kha, la kengbul ah hung bokkhup ta’n au; ziaphat chuleh, nangma chu Lalpa khawpi, Israel Mithiangtho Zion, hun ti ta’n au.

ISAI 66:20

Israel chate’n Lalpa In ah bêl thiangtho ah thillat ding a hun choi sek gual ua khan, Jerusalem ah ka tâng thiangtho ah chun, Lalpa kiang ah lat dingin namtin lak ah kipat in la suapiteu chu, sakol chung ah te, sabiltung chung ah te leh gancha hat tak tak te chung in hun pui khawm in au.

JEREMIAH 16:15

mallam ah kipat leh gam tin ah thejakna kipat Israel mipite hun pui khawm kitpa Lalpa chu a hinnâk leh ti’na hun hung tung ding a hi. A pu leh pateu kiang ah piak ka la tiamna, a gam ua chun hun pui tung kit ding ka hi’ngal a, Lalpa‘n a tii.

JEREMIAH 29:14

hun kimusak ding ka hi, Lalpa‘n a tii; chuleh, vangphatna hun vuk ing ka tin, nam tinte leh gam tin ah sal ah ka hun nawmangna mun zosia ah kipat in, hun tungding kit in, hun pui khawm ing ka tin, la gam lam un hun pui tung kit ing ka, Lalpa‘n a tii.

JEREMIAH 30:8

Sepai honte Lalpa chun zia gual hin a gen a: Zia ni phat chuleh, a ngawng ah ngawngkol chu khetbot piak ing ka tin, a thîkkol bûte chule hitan piak ta’ng ka; tichun, mêlhet lo mite chun suak leh sal in man ta pua’n au.

JEREMIAH 31:4

Aw, nungak thiangtho Israel, hun tungding kit ing ka tin, tundin kit hung hita’n la! Tichun, la khuang neute chu pan inla, kipakna siam ah lâmte lak ah pang dingin kipandok in.

JEREMIAH 50:33

Sepai honte Lalpa chun zia gual hin a gen hi: Israelte chu tawden ah a um gual un, Judate chule tawden in a um ui; sal ah amau mante chun pawtsak nuam lo in a tuchak tinten ui.

JEREMIAH 51:51

Hosiatna ka thok ziak un, sukmualpho in ka um un, jachatna’n ka dim tau hi; Lalpa In ah mun thiangtho sung zosia’n, het ngai lo mite a hung lut tau hilam.

EZEKIEL 16:60

himaleh, la khangdawn lai ah la kiang ah thuthung ka siam kha hezing ing ka tin, nang tawh I kikâl in kumtuang dai ding thuthung siam ing ka.

EZEKIEL 47:22

Nanghaw tawh gam dang mi, la lak ua chêngden ah cha leh naunei ta te kiang in gochan dingin la kihop diu ahi. Amau chu Israelte cha ma ma leh a gam ah piangte gual ah la pom diu ahi; amau le la lak un, Israel phung tin lak ah gam chanvo la guan piak diu ahi.

ZEKARIAH 1:17

Zia thu hile genjak un: Sepai honte Lalpa chun, “Ka khawpite chu hausakna’n luanglet kit intin; Lalpa‘n Zion chu thamuan kit ta’n tin, Jerusalem le têlchuam kit ta’n ah, ti’n,” ei hun tia.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

LUKA 1:54

A jangaina chu a hetmil lo ziakin, a suak Israelte chu a panpi tai;

LUKA 2:32

vâk, Jentelte salvâk ding leh, la mi Israelte lopina ding chu,” a tia.