ISAI 13:9 - PATHIAN LEKHABU THIANGTHO (BSI)

⁹ En in, Lalpa‘n a lungnatna huaisia tak leh, a thangtawm hiamngamna a suklatna ding ni chu, hung tung ding ahi tai. Zia ni chun ama’n lei chung ah mihingte hi hi’mangthai in, lei chu a hawm ah nutsia in hun umsak in a.

ISAI 13:9 ပူးပေါင်းရင်းမြစ်များ

SAM 104:35

Migilote chu lei ah kipat hin hi’mangthai in um uh hen la, mi nunsiate le bei tau hen. Ka hinna, Lalpa chu pâk in! Lalpa chu pâk un!

THUPILTE 2:22

mi gi’nalote chu lei chung ah kipat hi’mangthai hi’n tiu in, mi ginumlote chu a bul a bâl ah bawdaw in um ding a hiu.

ISAI 13:6

Patau un, Lalpa Ni chu a nai ta’ngal a; Hat Chungnung ah kipat siatna, hung tung gual chu ahi.

ISAI 2:12

Sepai honte Lalpa chun mi chapote, kingaisângte leh mite chung ah, kichawisâng zosia chung ah, vaihawmna ding ni a tiam ta’ngâl a;

ISAI 34:8

Lalpa‘n phuba a lâk ni ding leh, Zion hukdawna ding ah thukna hun ding a guat ta’ngal a.

ISAI 63:4

Ka lungchang in phuba lâkna ni ding chu a gêl ten ah; chuleh, ka tatdawna kum chule a hung tung tai.

ISAI 66:17

Huan tincheng ah lût ah, a lailung tiang tiang ah zui lut ah, voksate leh ki’dak um tak tak, santhîm sa nasan ne ah kihithiangtho ah kithianthosak ma ma te chu, sukmangthai khawm sik sek hung hita’n au, Lalpa‘n a tii.

ISAI 9:19

Sepai honte Lalpa lungnatna ziakin, gam pumpi a kâng ta’n; mipite chu a meisel ah a pan tâk ziak un, khat cha’nle midang khat a hukdok thei ta puau hi.

EZEKIEL 13:5

Lalpa ni guat kido’na hun ah, Israel Inkuan a pan zaw theina ding in, a bâng siatna mun vêng ding leh a siatna siampha nuam a um puau hi.

EZEKIEL 30:3

Zia ni chu a nai ta’n, Lalpa ni ngei chu a nai ta’ngal a; sûmpi ji’n ni leh nam tinte vangsiat ni ding chu ahi.

JOEL 1:15

Zia ni chu a chung a gik na e! Lalpa ni chu a nai ta’ngal a; Hat Chungnung Pa ah kipat in, manthaina hung tung ding ahi.

JOEL 2:1

Zion ah pengkul mût un; ka tâng thiangtho ah chun patau aw sua un! Gam ah chêngte zosia lau in kithing tau hen. Lalpa ni hung tung ding ahi ta’ngal a; zia hi a nai tai;

JOEL 2:31

Lalpa ni lopi tak leh tizat um tak a hung tun masang in; nisa thim intin, thapi le thisan suak in a.

NAHUM 1:2

Pathian doichilgil leh phuba la chu Lalpa chu ahi’n; Lalpa chu phuba la sek leh lungnat hat ahi; Lalpa‘n a dodâlte chung ah phuba a la sek ah; ama do-te chung ah a lungnatna kuanjaksak sek chu ahi.

NAHUM 1:6

A lungnatna ma-âng ah chun kua a hem ding zo ding? A lungnatna chu kua a hem thuak zo ding? A lungnatna chu meikuang gual ah buak thâk ahi’n, ama ziakin suangpite chu khet nawn in a um ui.

NAHUM 1:8

Tuisuagiat in a hi’siat gual in, a mêlmate chu hi’sia dim dem in a; ama do taphot chu a thi’na ding uh, thim lam in sawl lut ta’n a.

ZEPHANIAH 1:15

Zia ni chu thangtawmna ni hi’ntin, lungjinna ni leh beidon ni, siatna leh pûksiat ni, thim ni leh lungthuai ni, sûmpi ji’n ni leh thim sâna ni,

ZEKARIAH 14:1

Ngai un, Lalpa vaihawmna ni hung tung ding ahi tai; zia phat chuleh, la van uh a hun lâkpiakteu chu la mit mu ngei un kihawm ta’n au.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

THUPUAN 18:8

Ziaziakchun, ni khat sung in a gawtna: thina leh lunggimna leh kialna tung intin; ama chu mei ah hâltum hi’n a; a chung ah vaihawm Lalpa Pathian chu a hât ngal a,” ti in.