ISAI 13:8 - PATHIAN LEKHABU THIANGTHO (BSI)

⁸ lungthuai zo ta’n au. Natna leh lungngaina’n man intin, numei naunei ding gual in, nat thuak in thûm ta’n a. Lamdangsa’n ki-entua intin uh, a mai uh zakcha’n mual ta’n a.

ISAI 13:8 ပူးပေါင်းရင်းမြစ်များ

2 LENGTE 19:26

Ziaziakchun a sung ah umte chu, hatna neucha bep nei in a um ua, amau chu lungdong leh mualpho sek a hiu kha: tichun, loulai hampa tawh bang mai in, hampa hing mai mai gual leh, Inchung ah hampa kekte gual mai leh, a khandaw ma’ mangthai kitte gual mai la hiu.

SAM 48:7

sualam hui in Tarshish long liante, a mût siat gual in a um tau.

ISAI 26:17

Numei nauvop, a nau suak ding kuan ah na sa talua’n, kilek lumlet ah peng peng gual in, aw Lalpa, nangma ngai in ka kap ui;

JEREMIAH 13:21

La kithuapi ding ah la zil thiamsak te, la chung ah thunei ah a hung pan phat ua leh, bang la gen ta diam? Numei nauvei gual ah nat in, hun tuam suak talo ding a hem?

JEREMIAH 30:6

Dong un la en vêl ma tiam un, pawsal in nau a nei thei him him em? Numei nau nei ding gual ah, bang ding ah pawsal zosia’n a tâi uh sawn a hiu em? Bang ding ah a mêl zosiau dâng ahi tam?

JEREMIAH 4:31

Numei naunei gual ah gim aw ka hia’n, a chatil nei ding gual ah thuakgim aw gi gual ah, Zion chanu halâ tak ah a khut van ah kiko chun, “Ka chung a gik na lawm lawm e! Ei that dingte âng ah chun ka basam tai,” ti aw chu ka he ta ahi.

JEREMIAH 46:5

Bang ding ah amau lauthawng ah hun mu ka hem? A kinungchawn tau a; a gâl hangsanteu tawden a hitau a, kin-gang tak in a taichek zo tau hi. Nung lam en talo in, tizatna’n a tuamchak zo tai, Lalpa‘n a tii.

JEREMIAH 48:41

Khawpite chu lâk hi’ntin, kulpi dette chu lûdaw in um in a. Zia ni chuleh Moab sepai hangsante lungchang chu, numei naunei dingte lungchang gual in, lauthawng ta’n au.

JEREMIAH 49:22

En un, mupi kikhaw suk kikhaw to gual in Bozrah chu hun baw intin, zia ni chuleh, Edom mi hangsante lungchang chu, numei nauvei lungchang gual in hung um ta’n a.

JEREMIAH 49:24

Damaska chu a jawngkhâl ta’n, taisiat a gaw ta’n, numei nauvei gual in, dipchâkna’n a man tai; patau leh lungngaina’n a dim tai.

JEREMIAH 50:43

A chanchin uh Babulon lengpa’n a la het phat in, a khutte chu a zawitha tai; numei naunei ding natna’na hun tut gual in a hun tut tai.

JEREMIAH 51:30

Babulon sepai hangsante chun, a gâldo’nau haisan in, a kulpi sung un a kikulkhup zo tau hi; a pawsal phatnau a bei ta’n, numei gual bep a hung hi zo tau hi; a Insak teu chu mei in a kâng tum ta’n, a thîkjawlteu chule a bong zo tai.

EZEKIEL 20:47

Negeb gammâng kiang in, Lalpa thugen hi ngai un: Lalpa Pathian in zia gual hin a gen hi: La lak un mei hun sêm ing ka tin, zia mei chun la lak ua thinghing hi’n, a keu hileh kâng tum in ah; zia meikuang chu mit pua’n tin, simlam ah kipat mallam tiang ah mite maichang zosia kâng ta’n a.

HOSEA 13:13

Numei nauvei natna gual a chung in a hung tung a; himaleh, ama chu chapa ngol ahi. A pian hun tak in nau pianna kot lam a hun zuan ta puai.

JOEL 2:6

A âng un mipite suknat in a um un, mai zosia a thidâng tai.

NAHUM 2:10

Chomnâm ah um, nutsia ah um leh, suksiat dim dem ahi tai! Lungthim a basam in, khûp zosia a kithing tai; kawng zosia a kithing na zo ta’n, maisua zosia a ngûi zo tai!

JOHAN 16:21

Numei chun nau a vei lai in a thuak gim sek ah, a hun tung ahi ziakin. Nau a nei zaw tak leh vang, khawvel ah mihing pakhat a hung pianbe ziak in, a lungkhamna chu a hemil zo ta sek hi.

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.