ISAI 13:22 - PATHIAN LEKHABU THIANGTHO (BSI)

²² A gâlvênbûkteu ah chun sa-uak hâm intin, a lal In nuam tak teu ah chun si-alte hâm ta’n au; zia hun chu a nai ma ma ta’n, a nite chu vokchawn hipua’n a.

ISAI 13:22 ပူးပေါင်းရင်းမြစ်များ

SAM 44:19

ahi’n, si-al hon lak in lei koi a, thim sâ tak in lei tuam nalai hi.

ISAI 14:23

Buibawng chênna gam leh tui kidîlna mun suaksak ing ka tin; siatna munphi’n phiatnâm ding ka hi, sepai honte Lalpa‘n a tii.

ISAI 25:2

Nang in khawpi chu thilsia kisung vûm in la siam ah, khawpi kul ah ki-ûmte chule la hisia’n; mêlmate lal In haw chu khawpi hita lo dingin la siam ah, tundin kit hita pua’n au.

ISAI 32:14

Lal In chu taisan ah um in, mipi ah dim khawpi chule, nutsia ah hung um ding ahi ngal un; tângsâng leh a chung ah gâlvênbûk chu, gammâng hung hiden ta’n tin, gam sabiltungte kipakna mun leh, belam hon tatna mun hung hita’n a;

ISAI 34:13

A lal In uh lingbuk in jam khum ta’n tin, a kulpiteu chu zakthâi leh linggui in jam dim ta’n a. Ngei hon chên muanna mun leh, vagawlsaute chênna mun hung suak ta’n a.

ISAI 34:14

Sangak tawh sa-uak takhawm intin uh, Sakêl a lawite ko in hâm ta’n tin; zia tak ah chun, Lilith kichawl malam intin, chawldamna mun mu ta’n a.

ISAI 35:7

piaunêl sa lut lut chu, dil hung suak ta’n tin; gam gawchâk chu tuinâk hung hita’n a; Ngei hon chênna mun chu, dawp lak hung suak ta’n tin, phâiluang leh pumpêng kek dim ta’n a.

ISAI 43:20

Gamlak sate’n ei hun ja intiu in, si-al leh vagawlsauten le ei hun ja ta’n au; gamthip ah tui ka piak ah, gamkeu ah luiliante luansak in, ka mi têlchuamte dawn ding ka piak ah,

JEREMIAH 48:16

Moab siatna ding chu a nai ta’n; la vangsiatna ni ding chun, kin tak in a hun nai hi.

JEREMIAH 51:33

Sepai honte Lalpa, Israelte Pathian in, zia gual hin a la gen a: Babulon chanu chu buchilna phual gual ahi; chomlokâl in buchil hun, pawltâk chu hung tung pai ta’n a.

JEREMIAH 9:11

Jerusalem chu thilsia kisunvûmna leh, ngei hon kul in siam ing ka tin; Judai gam ah khawpite chu, kuama chên lona, khawhawm in siam ing ka.

KÂ LATE 4:3

Si-alte’n bawn a noteu a nawi uh, a chêpsak sek un; ka mite vang gamthip ah, Va sakol tawhbang ah gilo a hiu.

MIKAH 1:8

Ziaziak hin lungngai a kap in, mau ding ka hi; ngawnchang leh keng ngawn ah chia ing ka tin; si-alte gual ah ham in, vasakolte gual in thûmsak ing ka.

HABAKKUK 2:3

Huntiam bîk â ding ah kilâkna bîk a um nalai in; tawpna ding thu a gen chu thawn pua’n a; vaigei ding ah a kilat chun ngâk ham ham inla, hung tung tho tho ding ahi’n, hung vaigei ta pua’n a.

ZEPHANIAH 2:14

Zia tak ah chun bawng hon leh, gamsa chitinte kual ta’n au; gamthip simbupi leh simbuchânglit, a sûtpite ah chun chêng intiu in; a tukvan ah te chun simbu hâm intin, a In mai tual ah chun va-âk tâ ta hen; sidar thing ah In kisate chu a siat gam tâk ziakin.

DAN LEKHABU 32:35

A kalsuan uh a tawnâl phat uh leh, phuba lâkna leh dit kitna chu kei â ahi; a buaina ni ding uh a nai ta’n, a chung ua siatna kin tak in tung ding ahi.

2 PETER 2:3

Chuleh, sum etlâna ziakin zuau thu in hun subuai in au. Amau chu malai ah kipat a chung ua a thiamlo channau leh manthaina ding thu, a la um tasa chu kilîng diak lo in a um zing hi.