ISAI 13:20 - PATHIAN LEKHABU THIANGTHO (BSI)

²⁰ Tu’ leh khang zosia tiang inle, kuama chêng kit ta pua’n au; Arab khualzinte’n a puanbûk uh jak kit ta pua’n tin uh, belam chingte’nle a belamteu, kualsak kit ta pua’n au.

ISAI 13:20 ပူးပေါင်းရင်းမြစ်များ

2 KHANGTHU 17:11

Philistinte lak ah khenkhatte chun, Jehoshaphat kiang ah thilpiak leh lei man ding dangkate le a hun piau ah; Arabte chunle belamchal sang sagi leh za sagi tawh, kêlchal sang sagi leh za sagi le a hung piau a.

JOB LEKHABU 3:7

Ahi, zia jan chun kuama piang ki’hen la, zia ni’ chun kipakna husa him him gidok ki’hen.

SOLOMON LÂ 1:7

Ei hil in, aw ka hinna’n a hepi, la gan hon khoi ah la tatsak in, sûn leh khoi ah la kualsak sek em? Bang dingin em midangte gan hon lak ah, nang ka hung hawl ding?

ISAI 14:23

Buibawng chênna gam leh tui kidîlna mun suaksak ing ka tin; siatna munphi’n phiatnâm ding ka hi, sepai honte Lalpa‘n a tii.

ISAI 21:1

Tuisuagiat ah gamthip Babulon siatna ding chungchâng ah thusuak chu: Negeb lam ah chîmpei hung hâng gual in gamkeu ah kipat in, siatna tizat um tak in a hung hi.

ISAI 25:2

Nang in khawpi chu thilsia kisung vûm in la siam ah, khawpi kul ah ki-ûmte chule la hisia’n; mêlmate lal In haw chu khawpi hita lo dingin la siam ah, tundin kit hita pua’n au.

ISAI 34:17

Amau channa dingin âi a sân ta’n, a khut in a gam ding uh khen thâk piak in, khau a zan tai; zia tak chu kumtuang in lua ta’n tiu in, a khang a khang in chêng zing ta’n au.

JEREMIAH 49:33

Hazor chu sa-uakte bep chênna mun hung hita’n tin, kumkhua’n seden ta’n a; zia chun kuama chêng ta pua’n tiu in, kuama’n um mun khual ta pua’n au.

JEREMIAH 50:13

Lalpa a chung ah a lungnat ziakin, kuama chên lo’na leh a hawm ah nutsia hung hita’n a; Babulon haw kha taphot in tiza’n, a beliamna zosia ziakin cheksa’n au.

JEREMIAH 50:21

Merathaim gam ah chia to un, a do dingin kuan unla, Pekod ah chêngte chu do unla, a leng un hawi nei lo in that gam un, ka hun thupiak zosia kha zawm un, Lalpa‘n a tii.

JEREMIAH 50:3

Mallam ah kipat ama do ding nam khat a hung kuandok tai; a gam chu a hawm ah nutsia in hung umsak intin, a sung ah kuama chêng ta pua’n ah; mihing leh gancha zosia’n taisan sik sek ta’n au.

JEREMIAH 50:39

Ziaziakchun, Babulon ah chun, gamsa, sa-uakte leh Vasakolte chêng ta’n au; zia gam chu mipi’n lua talo in, suan zosia tiang in a hawm ah nutsia hung hita’n a.

JEREMIAH 50:45

Ziaziakchun, Babulon do-na ding ah Lalpa thil guanggal leh, Kaldaite gam do-na ding ah a thil tupte hi ngaituau in: Matheilo in gan hon lak ah a note chu kaimang hung hi’n tiu in, gancha huang chu lauthawnsak ta’n a.

JEREMIAH 51:25

Aw tâng, khawvel pumpi hisetu, ka hun do la hi, Lalpa‘n a tii; nangma do dingin ka khut hun lâm ing ka tin, kênliang ah hun lîktha’ng ka tin, tâng kihâl châi in hun siam ding ka hi.

JEREMIAH 51:29

Babulon gam ah kuama chêng talo ah, a hawm ngawn ah nutsiasak ding leh, Babulon chung thu ah Lalpa thil guanggal dan a het un, gam pumpi lau ah kithing in a kilîng hi.

JEREMIAH 51:37

tichun, Babulon chu ki’dak paikhawmna, si-alte chênna mun leh, mitin tizat leh eulau leh, kuama chênlo’na hung suak ta’n a.

JEREMIAH 51:43

A khawpite haw chu tizat um a suak ta’n, gam gawchâk leh gamkeu, kuama chên tâk lona leh, mihing chotkhâk lona gamgil a suak tai.