ISAI 13:2 - PATHIAN LEKHABU THIANGTHO (BSI)

² Tângsâng tak chung ah diallap tâkdok unla, ngai tak in uau un; miliante kotpi a bulu theina ding un la khut un jap un.

ISAI 13:2 ပူးပေါင်းရင်းမြစ်များ

SAM 60:4

Nangma laute â dingin puanlap la pia hen, thalchang ah kipat a bittheina ding un.

ISAI 10:32

Tu’ni hin ama chu Nob khua’n a nichuang in, Zion chanu mual Jerusalem umna tâng ah chun, a khuttum a lûmzial hi.

ISAI 11:12

Nam tinte â dingin tepte’na diallap tâkdaw piak intin, Israelte lak ah nawdaw ah umte leh, Judah lak ah the’chek ah a la umte chu, lei killi’ kipat in hun lakhawm kit in a.

ISAI 11:15

Aiguptate tuisuagiat likawi chu, Lalpa‘n susia dim dem intin; thil kânggawp thei khop ah huilum chun, Luilian chu a kât gawpsak theina dingin, a khut hun lâm ta’n a; tichun, luicha sagi ah khenjak in, keng ah pal kâi thei hun sua ta’n a.

ISAI 18:3

Ngai un, nanghaw lei chung ah chêng zosiate haw, mualvum ah tepte’na diallap hung kikhâi ding chu en un! Pengkul a hung kimut phat leh a la ngai un!

ISAI 19:16

Zia ni phat chuleh, Aigupta chu numei tawhbang bep hita’n tin, amau gawt ding ah sepai honte Lalpa‘n a khut a hun lap phat leh, lau in kithingse ta’n au.

ISAI 31:9

A kulpi detdo takteu chu, tizat umna ziakin chim intin; sepai hotute’n le a panmunteu chu, lauthawng tak in nusia ta’n au,” ti’n, Zion ah meikuang leh, Jerusalem ah tummeipi Lalpa chun, a gen ta’ngal a.

ISAI 5:26

Gamla tak ah nam khat kona tepte’na hun bawl intin, leimong langkhat lam ah mite ko’na saisilît hun mût in a; a kinthei pen in, kin tak in, a hung taikhawm ui!

JEREMIAH 50:2

Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

JEREMIAH 50:41

En un, mallam ah kipat in, mipite a hung suk ui; nam hat tak leh leng tam tak, leimun tawp lam ah kipat in, a hung kuandok ui.

JEREMIAH 51:12

Babulon kulbângte do dingin kipan un; gâlvêngtute hihat un; gâl chângpang dingte le koi unla, gâl chânggu dingle koi tau in; Babulon ah mite chungchâng ah Lalpa‘n a gen gual in, a guanggal in a bawl zo ta ahi.

JEREMIAH 51:25

Aw tâng, khawvel pumpi hisetu, ka hun do la hi, Lalpa‘n a tii; nangma do dingin ka khut hun lâm ing ka tin, kênliang ah hun lîktha’ng ka tin, tâng kihâl châi in hun siam ding ka hi.

JEREMIAH 51:58

Sepai honte Lalpa chun zia gual hin a gen a: Babulon kulbâng thupi tak chu, lei tual tawh kikim intin, a kul kotkhak sâng takte chule, mei ah hâl tum hung hita’n a. A sung ah mipite chu a gim thawn mai mai a hiu a, mei kat tum ding bep ah namtin in sêm gim a hiu.