ISAI 13:14 - PATHIAN LEKHABU THIANGTHO (BSI)

¹⁴ Sapeng kidel thachawl tak gual leh, belam hon a ching umlo gual in, amau mite kiang lam chiat ah chia intiu in, a gam lam chiat uh del ta’n au.

ISAI 13:14 ပူးပေါင်းရင်းမြစ်များ

1 LENGTE 22:17

Ziaphatchun, Mikaiah in, “Israelte zosia chu tâng chungte ah belam a ching ding nei lo gual ah taijak in ka mu’n; chuleh, Lalpa‘n, ‘Ziate hi hotu bei a hiu hi; mi tin thamuang tak in a In lam chiat un chiasak un,’ a tii,” ti’n a dawnhu a.

1 LENGTE 22:36

Ziazaw, nisa tum ding kuan vêl in sepaite lak ah, “Mi tin ama khawpi chiat leh a gam lam chiat del un!” ti’n a kiko pek tau hi.

ISAI 17:13

Namtin tuisânglet husa gual in, a kitum lut lut ui; maleh, Pathian in amau chu vau intin, busi hui in a mut mang gual in, mual lak ah del chek ah um in, chîmpei in leivui a mûtlên gual in, gamla tak ah jam mang ta’n au.

ISAI 21:15

Chemjam ah kipat leh chemjam jukdawsa lak ah kipat leh, thalpi kiloisa, kido’na lau um tak lak ah kipat hung taidok ahi ngâl un.

ISAI 47:15

La sepgim ga la chung ah tung ding chu, zia gual hi ahi: La khangdawn lai ah la khualzin khawmpite chu, amau nopna lam chiat in a vâk vêl tau a, nang hun hukdam ding kuama um ta pua’n au.

JEREMIAH 25:12

Kum sawmsagi a ti’n zaw phat leh, Babulon lengpa tawh, zia nam leh Kaldaite gam chu a khawlona ziak un gawt ding ka hi; tichun, a gam uh chu suchavai dik dek ding ka hi, Lalpa‘n a tii.

JEREMIAH 50:16

Babulon ah kipat in, buchi the’te chu naw mang unla, bu lâk hun ah kawite chawite le naw mang un; zaw’na chemjam lau in mitin, a chipiteu lam ah kile’kit in, a gam lam chiat uh zuan in jam ta’n au.

JEREMIAH 51:9

Babulon chu sukdam ka guau a, maleh, sukdam kit thei ding dan a hita puai. Nusiau inla, mitin I gam lam chiat un chia kit mai tai tiu; ama thiamlona chung ah vaihawmna’n van a thawng in, van sûmte chan ah vawk to ahi tai.

NAHUM 3:18

Aw Assuriate lengpa, la belamte a ipmu zo tau in, la mi thupite chule a ipmu vuang zo hi. La mipite tâng tin chung in, a tai chek zo tau in, amau pui khawm kit ding kuama a um ta puai.

MATTHAI 9:36

Mipite chu a mu phât in, a ching ding umlo belam gual ah genthei leh chavai ah um chu a mu in a lainat ma ma a.

MARKA 6:34

Kuang ah kipat a hung pawt daw leh, mipi tam tak chu a hun mu ta’n, a lungsiat ma ma ah, amau haw chu a ching ding umlo belam gual in a mu’n; tichun, thil tam tak a hil tai.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.