ISAI 13:11 - PATHIAN LEKHABU THIANGTHO (BSI)

¹¹ Khawvel chu a gitlona ziakin gawt ing ka tin, mi nunsiale a thilbawl siat ziakin gawt ta’ng ka; chuleh, mihuhamte kisaktheina le hitawp ing ka tin, leng gilo leh lungpawngte chu koi niam ding ka hi.

ISAI 13:11 ပူးပေါင်းရင်းမြစ်များ

JOB LEKHABU 40:12

Mi kiletsak zosia chu en inla, hiniam in; mi nunsiate chu a umna mun chiat un tawden ma tiam in.

THUPILTE 11:31

Midikte bawn lei chung ah piak thuk kit a hiu chun, mi nunsia leh migilote chu, bang gual bep ah nasa’n thuk kit a hita diam uh maw!

THUPILTE 8:13

Lalpa launa chu thil phalo huatna ahi. Chapona leh kihisakna leh, thil phalo chîngte leh a kalek ah thugente hi, ka huat lam tak ahi.

ISAI 11:4

himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

ISAI 14:21

A pateu gitlona ziakin a chapateu, thalupna ding hun guanggal in, lei hun lua ding leh, khawvel pumpi khawpite siam ah lua dim kit dingin, hung thodok kit kha’n au.

ISAI 14:5

Lalpa‘n mi nunsiate moltum chu a hibot piak a; vaihawmte lal tiangkhut,

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

ISAI 2:12

Sepai honte Lalpa chun mi chapote, kingaisângte leh mite chung ah, kichawisâng zosia chung ah, vaihawmna ding ni a tiam ta’ngâl a;

ISAI 2:17

Mihing kingaisânna chu hi’niam hi’ntin, mi tin kisaktheina chu hi’tawm in um in a; ziaphat chuleh, Lalpa bep chu, choisân in um ta’n a.

ISAI 22:14

Sepai honte Lalpa ma ma chun, ka nakhang ah ei hun hil a: “Matheilo in, la thi masiau, la thil bawl khial uh ngaidam hita pua’n a,” ti’n sepai honte Lalpa Pathian in a gen hi.

ISAI 23:9

Sepai honte Lalpa guanggal ahi, mi lopite kisuanpi zosia bangmalo sua ding leh, lei chung zosia’n a ngaisân uh hi’mualphona dingin.

ISAI 24:21

Zia ni phat chuleh, van mun ah chun, van sepai honte leh, lei ah lalte chu lei chung ah hin, Lalpa‘n hun gawt ta’n a.

ISAI 25:3

Ziaziakchun, mihatte chun hun chawihoi intiu in, nam huham takte khawpi chun, hun ki’cha ta’n a.

ISAI 25:5

gam gawchâk ah khawlum, a thok-hak gual ah mêlmate husa chu, nisa satna sûmpi’n la lia liap sak gual in, a satna chu la hivot tai; mi huhamte Hân La chu a thip tai.

ISAI 26:21

Zia lei chung ah chêngte bawsiatna gawt dingin, Lalpa chu a umna kipat hung pawtdok ding ahi ngal a; lei hin a chung ah thisan kisua chu hun tâklang ta’n tin, a mi tha’lupte chu sêlgu ta pua’n a.

ISAI 29:20

Mi khawksak beite chu bangmalo hung hi’n, mi musitte chule hi’mangthai ah um in, thil phalo bawl ding chânggu zosia leh,

ISAI 29:5

Himaleh, la mêlmate chu vang, leivui nêl gual bep hi’ntin uh, mi khawksak bei ah tawite chule, busi hui in a taw mang gual bep hung hita’n au. A kigin lo kâl un phutlo in, zia gual siatna chu a chung un tung intin;

ISAI 3:11

Thil bawlkhialte chung a gik na e! A thil bawl khial uh tawh kigûn in, a chung un bawl thuk hiding a hiziak un, mi vangsia ahi nau e!

ISAI 5:15

Mite chu sukniam a hitau a, mi zosia kainiam ah um in, kiletsak ah mittêt sângte chule sawt niam a hitau hi.

ISAI 65:7

amau khawlona tawh a pu leh pateu khawlo’na chu, a leng in thuk khawm ding ka hi, Lalpa‘n a tii. Mualvum tincheng ah kithawi in, tâng tin ah ei demsiau ah; a la bawlsau zosia tawh kiphu tawk in, a pheichung un têdaw piak ing ka,” ti in.

JEREMIAH 48:29

Moab kiletsak dan tak chu ka la hiau a, a kiletsak leh a huhamnate, leh a lungthim ki-uansak dante leh, a kidoikhop dante zosia chu.

DANIAL 4:34

A hunte chu a bei phatin, keima, Nebukadnezar in van lam ka etto ah, ngaituana pangai ka hun nei kit phatin; Hat Chungnung chu ka pâkcha tai. Ama kumtuang ah hingzingpa chu pâk in ka chawihoi ta’n: A lalna’n kumtuang a dai in, a lenggam in khang zosia a dai hi;

HABAKKUK 2:4

Chapote chu vak en tia! A thagau a sung un a dik ta puai; himaleh, midik chu a ginna ziakin a hing ui.