ISAI 13:10 - PATHIAN LEKHABU THIANGTHO (BSI)

¹⁰ Van ah aksite leh aksi honte chun a vâk uh sua ta pua’n au; jingkal nisale thim ta’n tin, thapi le vak ta pua’n a.

ISAI 13:10 ပူးပေါင်းရင်းမြစ်များ

JOB LEKHABU 9:7

nisa chu thu a pia’n, a hung suakdok lo mai ah; aksitele a khâk khum in,

THUGENTU 12:2

nisa a hem khawvak a hem, thapi a hem leh aksite a hem a hung thim masang leh, gawzuk nung ah sûmpi a kile’kit nung ua;

ISAI 24:21

Zia ni phat chuleh, van mun ah chun, van sepai honte leh, lei ah lalte chu lei chung ah hin, Lalpa‘n hun gawt ta’n a.

ISAI 24:23

Zia ni phat chuleh, thapi kisel ta’n tin, nisale zakcha ta’n a; Sepaite Lalpa chun, Zion tâng leh Jerusalem ah chun, vai a hawm ding ziak leh, a mipi puitute ma-âng ah a lopina, a tâklat tâk ding ziak in.

ISAI 47:5

Aw Kaldai chanu, thipbek in kitung inla, thim lak zuan in, lenggamte chung ah lengnu hi talo ding la hi’ngâl a.

ISAI 5:30

Zia ni chuleh, tuisuagiat gi hum hum gual in, amau haw do-na’n hamgi hum hum ta’n au. Gam chu kua’nle a vak et chun, thimna leh lungkhamna bep in dim zo ta’n a; tichun, vâk nalua chule sûmpi’n lia thim zo ta’n a.

ISAI 50:3

Vante chu thimna’n ka tuam a, a kituamna ding un saidip puan ka pia’i.

JOEL 2:10

A âng un lei a kilîng in, vante a kithing hi. Nisa leh thapi a thim in, aksite’n a vâk uh a sêlgu tau hi.

JOEL 2:31

Lalpa ni lopi tak leh tizat um tak a hung tun masang in; nisa thim intin, thapi le thisan suak in a.

JOEL 3:15

Nisa leh thapi suk thim a hiu a, aksite’nle a vâk uh a sêlgu tau hi.

AMOS 5:20

Lalpa ni chu vâk hilo in, vâkna him him nei lo thimna hilo a hem?

NAHUM 1:8

Tuisuagiat in a hi’siat gual in, a mêlmate chu hi’sia dim dem in a; ama do taphot chu a thi’na ding uh, thim lam in sawl lut ta’n a.

ZEKARIAH 14:6

Zia ni chu a hung tun phat leh, votna ahiloleh vûk ah khalna him him um ta pua’n a.

MATTHAI 24:29

Zia buaina hun zaw zaw ah chun, nisa hung thim intin, thapi’n le a vak sua ta pua’n a; van ah kipat in aksite hung kia’n tin, van thil hi’theinate hilîng in um in a.

MARKA 13:24

Himaleh, zia buaina huaisia tak chu a hung tun zaw tak leh, Nisa hung thim intin, thapi le vâk ta pua’n tin;

LUKA 21:25

Chuleh, nisa leh thapi leh aksite ah khin tepte’nate hung um intin, tuipite leh tuifawn kinawk ziakin lei chung ah nam tinte lak in buaina leh lungdonna tung in a.

NASEPTE 2:20

Nisa chu thim hung suak intin, thapi chu thisan suak in a; Lalpa ni thupi leh lopi tak a hung tun masang ah chun.

THUPUAN 8:12

Chun, vansawlchâk palina chun a pengkul chu a mût leh, nisa mun thum ah khen mun khat leh, thapi mun thum ah khen mun khat leh, aksite mun thum ah khen mun khat chu suksiat in a um tau ah; ziate chu mun thum ah khen mun khat a hung thim tâk ziakin, sûn le mun thum ah khen mun khat a thim ta’n, jan le zia gual ma chun a hung um tai.