ISAI 12:4 - PATHIAN LEKHABU THIANGTHO (BSI)

⁴ chuleh, zia ni phat chuleh, zia gual hin hun gen ta’n lau: Lalpa kiang ah kipak thu gen unla, a min chu ko un; nam tinte kiang in a thilbawl hiatsak unla, a min chu choisân in a um tai, ti tâklang tau in.

ISAI 12:4 ပူးပေါင်းရင်းမြစ်များ

1 KHANGTHU 16:8

Aw Lalpa kiang ah kipak thu gen in, a min thiangtho chu ko unla; nam tin lak ah a thil bawlte hiatsak tau in.

1 KHANGTHU 29:11

Aw Lalpa, letna leh thilhitheina, lopi’na, zaw’na leh lalna zosia chu nang â ahi; van ah thil um zosia leh lei ah thil um zosia hile nang â a hiu; aw Lalpa, leng gam zosia nang â a hiu ah, thil zosia chung ah sâng pen ah choisa’n la hi.

NEHEMIAH 9:5

Ziaphatchun, Levite, Jeshua, Kadmiel, Bani, Hashabneiah, Sherebiah, Hodiah, Shebaniah leh Pethahiah te chun, “Ding unla, Lalpa I Pathian uh chu kumtuang ah kipat kumtuang in pakcha tau in. Lalpa, la min lopi tak chu, maljawlna leh pâkna zosia chung ah choisa’n in um ta hen,” a hun ti tau a.

SAM 105:1

Aw Lalpa kiang ah kipak thu gen unla, a min chu ko tau in; namtin lak ah a thilbawlte hiatsak un.

SAM 107:22

Amau chun kipakna thil latte chu piau hen la, a thil bawlte chu kipakna La sa kawm in gen vêl tau hen.

SAM 113:5

Chung lam lalchutpha kichu, Lalpa I Pathian gual chu kua a hia,

SAM 148:13

Zia haw chun Lalpa min chu pâk chiat tau hen! ama min bep choisa’n ahi hen, a lopina chun lei leh vante a khûp talua ahi.

SAM 18:46

Lalpa chu a hing zing hi! Ka Suangpi chu pâk in um hen la; ka hukdamna Pathian chu chawihoi in um hen la,

SAM 21:13

Aw Lalpa, la hatna ziakin choisa’n in um ta’n! La thilhitheina pâk in La sâng kau.

SAM 22:31

mipi a piang nailote hukdawna ding, ama’n a la bawl zo tai, ti thu puangjak ta’n au.

SAM 34:3

Aw, Lalpa ei choihoipiu inla, a min chawihoi khawm hitiu.

SAM 40:5

Aw Lalpa ka Pathian, nang in thil lamdang la bawlte leh, keimau lam la ngaituanate hi a tam ma ma in; ziate chu la ma’ hilat sên ding gual a hipua’n, hetsak ah gen ding hita leng, sim sên ding gual ahi puai.

SAM 46:10

“Thip hiat hiat unla, Pathian ka hi ti he tau in! Namtin lak ah chawihoi in um ta’ng ka tin, lei ah chawihoi in um ding ka hi,” a tii.

SAM 57:5

Aw Pathian, vante khêl pek ah choisa’n in um ta’n! La lopina chun leilung zosia lua suak ta hen.

SAM 68:5

Pathian, a umna thiangtho ah chêngpa chu, pa neilote pa leh meithâite khawtuapa ahi.

SAM 73:28

Kei â dingin vang, Pathian nai ah um hi a pha ahi; Lalpa Pathian chu kihumbitna’n ka mang hi, la thilbawl zosia chu ka gensawn theina dingin.

SAM 9:11

Zion ah um Lalpa chu pâk in La sau in. A thilbawlte nam tin kiang ah puangjak un.

SAM 96:3

Nam tin lak ah a lopi dan puang unla, mi zosia kiang in a thilmak bawlte chu, gensawn tau in.

SAM 97:9

Aw Lalpa, leilung zosia chung ah, Chungnung pen la hi’ngal a; nangma chu pathian zosia chung pek a, chawihoi in la um hi.

PAWTDAWNA THU 15:2

Lalpa chu ka hatna leh ka thâ ahi, ama chu ka hukdamna a hung hi tai: Zia hi ka Pathian ahi, ama pakcha’ng ka, ka pa Pathian, ama chu chawisâng ing ka.

PAWTDAWNA THU 33:19

Chuleh ama chun, “Ka phatna zosia chu la ma-âng ah hun latsak ing ka tin, Lalpa min chu la ma-âng ah puangjak jel ing ka; tichun, ka lungsiat dingte chu lungsiat ing ka tin, ka khawtua dingte chu khawtua ding ka hi.

ISAI 12:1

Zia ni phat chuleh, zia gual hin hun gen ta’n la: Aw Lalpa, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

ISAI 2:17

Mihing kingaisânna chu hi’niam hi’ntin, mi tin kisaktheina chu hi’tawm in um in a; ziaphat chuleh, Lalpa bep chu, choisân in um ta’n a.

ISAI 24:15

Ziaziakchun, sualam ah mite chun, Lalpa chu choihoina piau inla, tuisuagiat pangjul ah gamte’nle Lalpa, Israel Pathian min chu chawihoi tau in!

ISAI 25:1

Aw Lalpa, nang chu ka Pathian la hi; la kumtuang lemguatna ginum leh thutak in la tuansua ah, thil lamdang tak la bawl ziakin, la min pâk in, hun chawihoi ing ka.

ISAI 26:8

Aw Lalpa, la vaihawmna lampi chun, nangma chan bep ka la ngâk ui; la min leh la minthanna chu ka thangai pen uh ahi.

ISAI 33:5

Lalpa chu choisa’n in a um tai, chung lam sâng tak ah chêng ahiziak in; Zion chu vaihawmna dik leh felna’n hi’dim ding ahi;

ISAI 42:12

Lopina chu Lalpa piau hen la, tuikual gam tin ah a pâkchatna, puangjak chiat tau hen.

ISAI 48:20

Babulonte ah kipat pawtdok unla, Kaldaite ah kipat in tai mang un; kipak tak ah kiko in, “Lalpa‘n a suak Jakob chu a hukdok tai,” ti’n, kawlkil tiang in genjak unla, va puangjak tau in.

ISAI 66:19

chuleh, a lak un tepte’na hun koi ing ka. Chun, a lak ua suakcha sunte chu namtin kiang in: Tarshish ah te, Put ah te leh Lud gam ah thalpi luaisa umte chu, Tubal gam leh Javan gam ah te leh, gamla tak ah thialkâl gam zosia ka lopina a la he’kha nai lo leh, a la mu kha nai lo zosiate kiang in sawl ing ka tin; tichun, ka lopina chu namtin kiang in puang jak ta’n au.

JEREMIAH 50:2

Namtin lak ah hil unla, puangjak un, puanlap khaidok unla, puangjak un; îmgu lo in a kiang un: Babulon chu lâksa a hita’n, bêl chu a mualpho ta’n, Merodakh chule a lungthuai tai. A limteu chu sukmualpho a hitau in, a milim siamkawmteu chule suklungthuai zaw a hitau hi.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

JOHAN 17:26

La min chu ka taklang ta’n, hun taklang jel ding ka hi; hepina, nang in keima lei hepina ngei chu amau ah a umtheina ding leh, amau ah keima le ka um zing theina dingin, a tia.