ISAI 12:3 - PATHIAN LEKHABU THIANGTHO (BSI)

³ Hukdamna tuikulte ah kipat chun, kipak tak in tui thâldok ta’n lau;

ISAI 12:3 ပူးပေါင်းရင်းမြစ်များ

SAM 36:9

Nangma ah chun hinna tuikhuk a um ngal a; nangma vâk ah chun khawvak ka muu hi.

SAM 87:7

La sa mite leh lâm mite zosia chun kigual tak in, “Ka tuinâk zosia chu nangma ah um ahi,” ti’n au.

SOLOMON LÂ 2:3

Gammâng thing lak ah epul thing gual in, ka hepi chule tangvalte lak in a um hi. Kipak ma ma in a lîm nuai ah chun ka chu ta’n; a ga chu ka du lam tak ahi.

ISAI 41:18

Tâng gawchâk ah chun lui lian tak tak, hun luandawsak ing ka tin, phâijawl tin ah tuinâk hun pûtsak ding ka hi; gamkeu chu dîl hung suak intin, gam gawchâk chun tuihing hung pût ta’n a.

ISAI 49:10

A gil uh kial ta pua’n tin, a dang uh le châk ta pua’n a; hui lum tak leh nisapi’n kâng pua’n tin, amau lainatpa chun pui intin, luipi luang geijul ah kaibât ta’n a.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

EZEKIEL 47:9

Zia tui luanna taphot chun, tui ah ganhing zosia hing kit ta’n tin, sanga tam tak hung um kit ta’n a; zia tui luanna taphot ah tuisuagiat tui chu hi’thian hingal ta’n a; tichun, zia tui luanna taphot ah chun, bangkim hing kit ziang ding ahi ngal a.

ZEKARIAH 13:1

Ziaphat chuleh, David Inkuante leh Jerusalem ah chêngte zosia sualna leh, buakkaina zosia sil thiang dingin tuinâk hung pawt ta’n a.

JOHAN 1:16

Ama bukimna kipat in hepi chung ah hepi sawnna I chang chiat ui.

THUPUAN 22:1

Vansawlchâk chun, Pathian leh Belamno lalchutpha kipat luangdok hinna lui tui thiang tak, krustal suang gual ah thiang chu ei etsak a.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.

THUPUAN 7:17

Belamno, lalchutpha lailung ah um chu, amau vêngtu hita’n tin, hinna tuikhukte ah pui intin, Pathian in a mit ua kipat, mitthi zosia thiak-hul ta’n a,” a tia.

1 SAMUEL 2:1

Hannah in zia gualah gen in a pauchapah: Ka lunggil hi Lalpa ah chun a kipak hi; ka hatna chu ka Pathian ah choisa’n in a um tai, Ka gualzaw’na ka kipak ziakin, ka kam in ka mêlmate ka engho tai.