ISAI 11:6 - PATHIAN LEKHABU THIANGTHO (BSI)

⁶ Ngei tawh belamno takhawm intin, gialbem tawh kelno kual khawm in, bawngno tawh sakeibaknei leh, bawng thau takhawm intin uh, chapang khat in ching ta’n a.

ISAI 11:6 ပူးပေါင်းရင်းမြစ်များ

JOB LEKHABU 5:23

Loulai ah suang zosia chu la gualpha hi’n tin, gam sahângte le kihotheipi ta’n la.

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

ISAI 65:25

Ngei leh belamno in an ne’khawm ta’n tin, sakeibaknei inle bawngchal gual in bupawl ne ta’n tin; leivui chu gûl an hung hita’n a. Ka tâng thiangtho ah chun kuama kisuknat leh, kisuksiat tuana um ta pua’n a, Lalpa‘n a ti ahi.

EZEKIEL 34:25

Chun, amau tawh kichamna thuthung siam ing ka tin, a gam ua kipat gamsa zosia delmang ing ka; tichun, gamtalai lak ah a nop dan dan un chêng in, thing lak gam inle bit tak in lum ta’n au.

HOSEA 2:18

Zia ni chun gamsate, chunglêng vachate leh lei ah bokvâkte tawh thuthung nang â dingin siam ing ka tin; thalpite leh chemjamte; chuleh, kidona lei ah kipat in subei ing ka tin; bit tak in lup thâksak ta’ng ka.

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.