ISAI 11:4 - PATHIAN LEKHABU THIANGTHO (BSI)

⁴ himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

ISAI 11:4 ပူးပေါင်းရင်းမြစ်များ

2 SAMUEL 8:15

Tichun, David in Israelte zosia chung in vai a hawm ta’n; chuleh, David in a mipi zosiate chung ah thudik leh doichuam nei lo in vai a hawm a.

JOB LEKHABU 15:30

thimna kipat suakcha pua’n tiu in, a zungteu chule meikuang in kângkeu intin, a pâk lûnteu chule hui in mût mang ta’n a.

JOB LEKHABU 4:9

Pathian hu thâkhum mai inle a mangthai sek un, a lungnatna hui in a mût tum mai sek hi.

SAM 110:2

Lalpa‘n la hatna lal tiang chu, Zion ah kipat in sawldok intin; la mêlmate lak ah vaihawm ta’n.

SAM 18:8

A nâk hawm ah meikhu a pawt in, a kam ah kipat meikuang nasa tak a pawt in; ama ah kipat meiâm nasa tak le a kuangdok hi.

SAM 2:9

Thîk tiang in amau chu khên kêk in la tin, bêlsêkte’n lei bêl a khet phel gual un, amau khên kêk ding la hi,” a tii.

SAM 76:10

La lungnatna la kitûk tânsak phat leh, mihingte lungnatna chun hun chawisâng in au.

ISAI 1:17

thilpha bawl zil un; vaihawmna dik hawl unla, tawden ah umte hukdok unla, nauchagate hûk unla, meithâite genpi un.

ISAI 13:11

Khawvel chu a gitlona ziakin gawt ing ka tin, mi nunsiale a thilbawl siat ziakin gawt ta’ng ka; chuleh, mihuhamte kisaktheina le hitawp ing ka tin, leng gilo leh lungpawngte chu koi niam ding ka hi.

ISAI 14:30

Migenthei cha masa chun an ne vâ intin, mi tasamte chu thamuang tak in lum hiat hiat ta’n au; maleh, la suante chu kial in thi’sak ing ka tin; la lak ua a suakcha sunte chu hun that nalai ding ka hi.

ISAI 16:5

Lal chutpha khat chu ngilneina leh ja’ngaina’n, David puanbûk ah tundin hi’ntin; a chung ah dikna ngaina leh, ginumna ngaina, kin tak ah dikna leh, ginum tak ah vaihawmtu ding chu hung kichu ta’n a.

ISAI 2:4

Namtinte kikâl ah vaihawm intin, mi tam tak chung thu lêl piak in a; tichun, a chemjamteu chu, loukaina dingin sêk ta’n tiu in, a thalchangteu chule, theikung hâthianna dingin sêk ta’n au; nam khat in nam dang do-na dingin, a chemjam pan kit ta pua’n tin, kido dan le zil ta pua’n au.

ISAI 26:6

Migentheite leh mi vaichate keng ah tawden a, pal lumlet in um ta’n au.

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 3:14

Lalpa‘n a mipite lak ah upate leh, lal chate chung thu vaihawm dingin a lût hi; grep huan ne zo chu nang uh la hiu a, gentheite suam gam chu, la In sung ua umte ma a hiu.

ISAI 30:28

A hat git chu luicha tuilet, ngawng tiang ah luang gual chu ahi; nam tinte chu, khendanna leidâl ah sêp in, mite’n a kaimangna ding un kam khau bul ta’n au.

ISAI 30:31

Lalpa‘n Assuria a vok phat leh, a aw chu mol ah mang in, huaisia tak ah vok hiding ahi.

ISAI 30:33

Topheth chu tu’ma lam pek ah kha bawl zawsa a hita’n, lengpa â ding ah guanggal zaw ahi tai. A thing chu zau tak leh sâng tak ah siavum zaw ahi ta’n, mei leh a thingkhua kiningting tak ding ah bawl zaw ahi tai. Lalpa‘n meikuang a hu’n hun mutdok intin, kâttui gual in kâng ta’n a.

ISAI 32:1

Ngai un, lengpa chun dikna’n vaihawm intin; lal chate’n le thudik in vaihawm ta’n au.

ISAI 32:7

Michavaite chu chavai tak ah um in, thil phalo ngen a ngaituau a; migentheite siatna ding ngaitua’n zuau a gen un, mitasamte dikna thu le a le’lam in a heimang sek ui.

ISAI 33:22

Lalpa chu I chung ua thutanpa ahi’n, Lalpa chu I vaihawmpau ahi’n, Lalpa chu I lengpau ahi’n, ei hukhing ding ahi ngal a.

ISAI 40:7

Lalpa hun a hun mût phat leh, hampa chu a vuai ah, pakcha le a tuai sek hi; mi zosia hi hampa gual chu ahi takzet ui.

ISAI 49:2

Ka kam hi chemjam hiam tak gual in a siam a, a khutpêk lîm nuai ah chun ei sêlgu tai; thalchang kinawtval tak gual in ei siam a, a thalbawm sung in ei sêlmang tai.

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

JEREMIAH 33:15

Zia nite chu a hung tun phat leh, David â dingin Bâk dik tak hun seldawsak ding ka hi; ama chun a gam ah thu tak leh dikna’n vaihawm in a.

JEREMIAH 5:28

a hung thau un, a hung zol tau hi. Nunsia tak ah thilbawl a chintawk a nei puau a; nauchagate a hung phat theina ding un, dik tak in vai a hawm puau a; mi tasamte a panpi puau hi.

HOSEA 6:5

Ziaziakchun, jawlneite mang in amau ka sâttan ah, ka kam ah thute’n amau chu ka that tai; ka vaihawmna chu vâk gual in a kikhawdok hi.

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

MALAKI 4:6

Ama chun pate lungthim chate lam ah, chate lungthim pate lam ah kihei sak intin; chutilochun, keima hi la gam uh hânsialaw ah gawt dingin hung kha’ng ka.

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

MATTHAI 5:5

Mi zaidamte chu mi hampha a hiu; Lei go hi lua ding ahi ngal un.

NASEPTE 9:1

Saul chun vang Lalpa nungzuite vau ah thalup a guat dan a gen zing ah; thiampu lianpen kiang in a chia a,

2 KORINTH 10:1

Kei Paul, la mit muu ah thunuaigol tak ah um ah, la lak ua ka umlo phat leh khau sek hin, Khrista jaidamna leh nunnemna’n ka don la hiu.

GALATIA 5:23

thunuaigolna leh kisumtheina ahi; ziate tawh kikãl hi dan a um puai.

2 THESSALONITE 2:8

Zia chu lakmang ahi’phat leh, dan susepa chu hung kilang intin, Lalpa Jesu’n ama chu a kam ah hu thâ khum in that intin, a hung kilâkna chun hi’mangthai in a.

TITA 3:2

kuama gensia lo ding leh, kinak haisan ding leh, nunnem ding leh mi zosia kiang ah thunuaigolna tâklang dingin hil kit in.

JAKOB 3:13

La lak ua pil leh hethiam a um awm? Umdan pha tak ah la thil hi phatteu chu pilna ah kipat nunnemna tawh etsak un.

THUPUAN 1:16

Chun, a khut changlam ah chun aksi pasagi a chawi ah; a kam ah kipat chun chemjam hiamtua hiam tak gual in a hung pawt ah; a maisua chu nisa a sat phat lai tak gual ahi.

THUPUAN 19:11

Chun, van a hung kihong ah, sakol kâng khat hung pawt ka mu; a chung ah chuang chu Ginum leh Dik a hia; ama chun dik tak in vai a hawm ah, gâl le a do sek hi.

THUPUAN 19:15

A kam in chemjam hiam, namtin a sukchimitna ding chu a pawt a; thîk tiang in vai hawm intin; Pathian Bangkim Hi’thei lungnatna uain sûkna khûk ah chun chil in a.

THUPUAN 2:16

Ziaziakchun, la lung hun hei in; achutilochun, hung vak ing ka tin, ka kam ah chemjam ah hin amau chu hun do ding ka hi.