ISAI 11:3 - PATHIAN LEKHABU THIANGTHO (BSI)

³ Lalpa launa chu a kipakna lam hi’n a. A mit in a mu gual in vaihawm pua’n tin, a bil ah a het gual mai mai in thu tan pua’n a;

ISAI 11:3 ပူးပေါင်းရင်းမြစ်များ

2 SAMUEL 14:17

La suak hin, ‘Lengpa, ka lalpa kamsuak ziakin chawldam ing ka,’ ti ka ngaitua ziak ahi; lengpa, ka lalpa chule Pathian vansawlchâk gual ah a pha leh a sia khendan thei ahi ngal a. Lalpa la Pathian in hun umpi zing ta hen!” a ti tai.

2 SAMUEL 14:8

Lengpa chun zia numei kiang ah chun, “La In lam in chia in, la chung thu ah hin thupiak hun bawl ding ka hi,” ti’n a gen a.

1 LENGTE 3:28

Israel zosia chun lengpa thutan dan chu a la hiau ah, lengpa chu a ja zaw diak tau hi; thu dik tak ah tantheina ding ah Pathian pilna chu ama ah a um hi ti a mu tau hi.

1 LENGTE 3:9

Ziaziakchun, la suak hi la mipite chung ah a dik leh diklo ka khendan theina dingin, vaihawm thiamna ei pia’n. Achutiloleh, zia la mipi nasa tak hi kua’n vaihawm piak thei ding a hem?” a tia.

JOB LEKHABU 12:11

Lei in an a tui leh tui lo a het gual in, bil in a thu hiatte chu teptê lo a hem?

JOB LEKHABU 34:3

lei in an a tui leh tui lo a het gual in, bil in thu kigente chu a patep ngâl a.

THUPILTE 2:5

Lalpa launa châng hun hia’n la tin, Pathian hetna chu hun mudok in la.

THUPILTE 2:9

Tichun, dikna leh vaihawmna dik chu, hun hethiam in la tin; vaihawm thiamna, lam dik zosia tawh,

ISAI 33:6

ama chu la hun leh phat kingakna, hukdamna kiningting, pilna leh hetna hung hi’ntin; Lalpa kichâkna chu a go hi’n a.

EZEKIEL 45:8

Zia huap sung hi Israel gam ah a gochan ding uh chu ahi. Tichun, ka lal vaihawmte chun ka mipite a hi’genthei lo diu ahi; himaleh, Israel Inkuante zosia a phung dungzui un gam a neisak zaw ding uh a hiu.

MIKAH 4:3

Ama’n nam tam takte kikâl thu tan intin, gamla tak ah nam hat takte chung thule khen piak in a; a chemjamteu lou kaina thîk dingin sek ta’n tiu in, a cheichateu chu chemkon dingin sêk ta’n au; nam khat in nam dang khat chung ah chemjam lek ta pua’n tiu in, kido danle kizil diak ta pua’n au;

LUKA 2:52

Tichun, Jesu chu pilna leh taksa lam in a khang tiat tiat ah, Pathian leh mihing doisak in a um deu deu tai.

JOHAN 2:25

A ziak chu, kuama gen piak hilo in, a man mihingte lungput dan chu a he suak hi

JOHAN 7:24

A lat dan gual mai in vaihawm ki-un la, dik tak in vawihawm zawu in, a tia.

HEBRAITE 5:14

Bugum ahileh vang pitingte â ding ahi; amau chun sia leh pha hekhen thei dingin a hiattheinau chu sawizoi in a mang thei tau hi.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.