ISAI 11:16 - PATHIAN LEKHABU THIANGTHO (BSI)

¹⁶ Tichun, Aigupta gam ah kipat, Israelte hungna ding lampi a um gual khan, a mipi nutsia ah um sunte â dingin, Assuria ah kipat in lamlian hung um ta’n a.

ISAI 11:16 ပူးပေါင်းရင်းမြစ်များ

PAWTDAWNA THU 14:22

Israelte chu Tuipi sung ah lei hul ah chun a lut tau ah; chuleh, tuite chu amau â dingin changlam leh veilam in bâng in a pang ta mai hi.

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 10:20

Zia ni phat chuleh, Israelte lak ah a thibang sunte tawh, Jakob Inkuan ah a suakcha sunte chun, amau gawtte ah kinga talo in, Lalpa Israel Mithiangtho ah chun ti tak tak in kinga zaw ta’n au.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 19:23

Zia ni phat chuleh, Aigupta ah kipat Assuria zotna lamlian hung kithung ta’n tin, Assuriate chu Aigupta gam ah hung intiu in, Aiguptate le Assuria gam ah chia ta’n au; tichun, Aiguptate tawh Assuriate chun Pathian ho khawm ta’n au.

ISAI 27:13

Chuleh, zia ni phat chuleh, pengkul lian tak chu mût hita’n a. Ziaphat chuleh, Assuria gam ah matsua ah umte leh, Aigupta gam ah nawmang ah um zosia chu hung khawm in, Jerusalem ah tâng Thiangtho ah chun Lalpa hung ho ta’n au.

ISAI 49:11

Tichun, ka tâng chung zosia chu, lamlian suaksak ta’ng ka tin; ka lamlian gunte chu, hi’sâng ing ka.

ISAI 49:12

En in, ziate chu gamla tak ah kipat hung ding a hiu, a la ngai in, ziate chu mallam ah kipat, tumlam ah kipat leh, Syene gam ah kipat hung ding a hiu.

ISAI 51:10

Nangma hilo maw tuisuagiat leh, tuili thûk takte sukang ah, tuisuagiat lithûk ah le tatsate, chia gâlkâina ding lampi hon piak kha?

ISAI 57:14

Zia phat chuleh, “In bawl unla, bawltûp un, lampi siam tau in; ka mipite hungna ding dâl thei zosia ladok sik sek un,” hun ti ta’n au.

ISAI 62:10

Chia theng unla, kul kotkhak ah chun chia theng un; mipite hungna ding lampi bawl tau in; vuk dim unla, lamlian chu siamphau inla, suangtumte chu zen thiang un. Namtin in a mutheina ding un, puanlap chu khaisâng un!

ZEPHANIAH 2:7

Tuisuagiat pâmte chu Judah Inkuan lak ah, a umsun te chanvo hung hi’ntin; zia tak ah chun a gan honteu tatsak intiu in, nitâk lam leh Ashkelon ah chun giak ta’n au. Lalpa a Pathian un amau chu kantha ta’n tin, a vangphatnau hun pia kit ta’n a.