ISAI 11:11 - PATHIAN LEKHABU THIANGTHO (BSI)

¹¹ Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 11:11 ပူးပေါင်းရင်းမြစ်များ

THILSIAM THU 10:10

A hung lal patna chu Shinar gam ah Babel khua, Erek khua, Akkad khuate hi ahi.

THILSIAM THU 10:22

Shem suante chu: Elam, Asshur, Arpaksad, Lud leh Aram a hiu a.

THILSIAM THU 11:2

Mihingte chu sualam gam in a kipêm pek ua, Shinar phâijawl a hung tung tau ah, zia tak ah chun um mun a khual tau a.

THILSIAM THU 14:1

Shinar khua lengpa Amraphel, Ellasar khua lengpa Ariok, Elam khua lengpa Khedorlaomar leh Goiim khua lengpa Tidalte dam lai ah chun,

THILSIAM THU 2:13

Luikâ pani’na chu Gihon ahi’n; zia lui chun Kush gam zosia a luan kualkhum hi.

2 LENGTE 17:24

Apharva-im ah kipatte chun mi a pui khawm ah, Israel chate umna mun, Samaria khawpite chun Israelte thasâng in a umsak ta’n; Samaria gam thilte chu chang in a khawpite chun a chêng tau hi.

ESTHER 10:1

Lengpa Ahasueras in a gam sung leh tuikual gam ah chêngte chung ah chun sia a choisak chiat ta’n.

SAM 68:22

Lalpa‘n, “Bashan gam ah kipat puidok ing ka tin, tuisuagiat thûk tak ah kipat chun pui kit ing ka,

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 10:20

Zia ni phat chuleh, Israelte lak ah a thibang sunte tawh, Jakob Inkuan ah a suakcha sunte chun, amau gawtte ah kinga talo in, Lalpa Israel Mithiangtho ah chun ti tak tak in kinga zaw ta’n au.

ISAI 10:9

Kalno khua chu Karkhemish khua gual tho hilo a hem? Hamath khuale Arpad khua gual tho hilo a hem? Samaria le Damaska gual tho hilo a hem?

ISAI 11:16

Tichun, Aigupta gam ah kipat, Israelte hungna ding lampi a um gual khan, a mipi nutsia ah um sunte â dingin, Assuria ah kipat in lamlian hung um ta’n a.

ISAI 19:21

Aiguptate kiang in Lalpa chu kihiatsak ta’n a; ziaphat chuleh, Aiguptate’n Lalpa chu he ta’n tin uh, kithoina leh hâlmang thilpiak in ho ta’n tin uh, Lalpa kiang ah thutiamte bawl intiu in, a thutiam uh mualsua in au.

ISAI 19:22

Lalpa‘n Aiguptate suchimit intin, a sukchimit te chu hi’dam kit in a; Lalpa lam hun nga ta’n tiu in, tichun, ama’nle a dotnau a la ngaitha’n, hi’dam in a.

ISAI 21:2

Thil tizat um tak hung tung ding chu ka kiang in a gen a; dawha thûk tak ah bawlpa chun dawha’n a hun bawl ah; thil hisepa chun a hun hise malam pek hi. Aw Elam, Chia to in! Aw Media, hung ûm chimit tau in; Babulon in a hilung ngaisak zosia hun hi’bei ding ka hi tai.

ISAI 22:6

Elam mite’n thalbawm a hun puau a, sakol kângtalai leh sakol sepaite tawh, Kir in a phawu a hun lâmdok tau hi.

ISAI 24:15

Ziaziakchun, sualam ah mite chun, Lalpa chu choihoina piau inla, tuisuagiat pangjul ah gamte’nle Lalpa, Israel Pathian min chu chawihoi tau in!

ISAI 37:31

Judah Inkuan ah mi, a um nalai sunte chun, nuai lam ah a zung uh tha’n, chung lam ah ga hun sua kit ta’n au;

ISAI 42:10

Lalpa pâk in La thak sau inla, kawlkil langkhat lam ah kipat, a langkhat lam tiang in pâk tau in! Tuisuagiat leh a sung ah chêng zosia, tuikual gam leh a sung ah chêng zosia’n le, a awu sua chiat tau hen.

ISAI 42:12

Lopina chu Lalpa piau hen la, tuikual gam tin ah a pâkchatna, puangjak chiat tau hen.

ISAI 42:4

Khawvel ah a vaihawmna a dindaw masia, chautha pua’n tin, lungthuai diak pua’n a; thialkâl gam ah mite’n a thuhilna chu a la ngak zing ui.

ISAI 45:14

Zia gual hin Lalpa‘n a gen a: Aigupta gam ah hausakna leh, Ethiopia gam ah sumkawlveina thil zosia, mi duangting tak tak Sabeante chule, la kiang ah hung intiu in, nang uh chang ta’n la tiu in, la nung uh hun zui ta’n au; thîkkol but kawm ah hung in, la mau ah hung khiangkho ta’n au. La kiang ua la jangainau don in, “Nang uh kiang bep hin Pathian a um in, kuama dang kiang in a um puai; ama tilo ngâl Pathian dang him him a um puai,” hun ti ta’n au.

ISAI 49:12

En in, ziate chu gamla tak ah kipat hung ding a hiu, a la ngai in, ziate chu mallam ah kipat, tumlam ah kipat leh, Syene gam ah kipat hung ding a hiu.

ISAI 66:19

chuleh, a lak un tepte’na hun koi ing ka. Chun, a lak ua suakcha sunte chu namtin kiang in: Tarshish ah te, Put ah te leh Lud gam ah thalpi luaisa umte chu, Tubal gam leh Javan gam ah te leh, gamla tak ah thialkâl gam zosia ka lopina a la he’kha nai lo leh, a la mu kha nai lo zosiate kiang in sawl ing ka tin; tichun, ka lopina chu namtin kiang in puang jak ta’n au.

JEREMIAH 25:25

Zimri ah lengte zosia, Elam ah lengte zosia leh Media gam ah lengte zosia tawh;

JEREMIAH 31:10

Aw, nam tinte haw, Lalpa thu hi a la ngai unla, gamla tak ah tuisuagiat pangjulte ah chun zia gual hin genjak un: “Israelte a la thejakpa ma ma chun, hun pui khawm kit ding ahi; belampu’n a belam honte a chintup gual in, chingtup zing ta’n a,” ti in.

JEREMIAH 44:1

Aigupta gam ah Judah mite, Mizpah khua, Tahpanhes khua, Memphis khua leh Pathros gam ah chêng zosiate â ding ah Jeremiah kiang ah thu hung tung chu,

JEREMIAH 49:23

Damaska chung thu ah chun: Thuthang phalo a het ziak un, Hamath leh Arpad a buai tau hi; tuisuagiat umthim thei lo gual in, launa dim in a lungjing tau hi.

EZEKIEL 27:6

Bashan sasaw thingte chu longjapna mol dingin a bawl un; Kupra tuipi gei ah thing kiladok, long tuang ah siam chu saiha tuam ahi.

EZEKIEL 29:14

Aiguptate vangphatna pia kit ing ka tin, a kipatnau Pathros gam ah pui tung kit ding ka hi; zia tak ah chun lenggam zawngkhâl tak in um ta’n au.

EZEKIEL 30:14

Pathros khua hi’sia’ng ka tin, Zoan khua mei in hâl ing ka tin, Thebes khua chungchâng ah vaihawmna thu tan khum ta’ng ka.

EZEKIEL 32:24

Zia chun Elam a um in, a lawite a thânkhûk kîmvêl un a um ui; chemjam ah thi, nuaimi gam ah zektanlo ah lûtsukte, khawvel ah mihing um nalaite tizatsak ma ma te chu a hiu. Mualpho tak ah mithi khua chia sukte chu a hiu.

EZEKIEL 38:8

Kum bang jat a hem nung leh hung khawm in lau; hun nunung lam ah chun, kido’na kipat hukdaw ah um leh khawvel namtin lak ah kipat Israel tânggam ah chêng ding ah pui khawm ah umte, kum sawt tak tawden ah umsate do dingin kuan ding la hiu; zia gam ah mipite chu namtin lak ah kipat kiladok, tu’hin gâl muang tak ah a leng ua a um lai tak uh ahi.

DANIAL 1:2

Lalpa chun Judai gam ah Lengpa Jehoiakim chu a khut in a pia, chuleh, Pathian In ah ûm leh bêl khenkhat a lâk piak chule a phal a. Zia go thilte chu Shinar gam in a paw tung ah, ûm leh bêlte chu a pathian In ah go thil koi khawmna chun a koi tai.

DANIAL 11:18

Ziazaw chuleh, tuisuagiat pang lam ngat intin, tam tak la’n a. Himaleh, hotu lian pakhat in a mi simmawna chu hitawp in ah; a mi simmawna chu ama chung ma ma chu kit ta’n a.

DANIAL 8:2

Mu’lawkna ka thil mu chu ka et leh, Elam gam khawpi Susa ah Ulai lui pang ah um in ka la kimu’n.

HOSEA 1:11

Chun, Judah mipite leh Israel mipite kigawm khawm intiu in, amau â ding luchang pakhat, kiguat in au; zia gam chu lua ta’n au, Jezreel nikhua chu nasa ma ma ding ahi ngal a.

HOSEA 11:10

Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

HOSEA 11:11

Aigupta gam ah kipat vacha gual ah kithing kawmah hung in, Assuria gam ah kipat in vakhu gual in hung in au; amau In chiat un pui kit ing ka, Lalpa chun a tii.

MIKAH 7:12

Zia ni chuleh, Assuria gam leh, Aigupta gam ah kipat Luipi lian tiang in, tuisuagiat gâl langkhat ah kipat, gâl langkhat lam tiang in, tâng khat ah kipat tâng dang tiang chan in, la kiang in hung ta’n au.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

ZEKARIAH 5:11

Ama’nle, “Shinar gam ah, a In ding sak piak ding a hiu; a In ding a sak zaw phat uh leh, a umna ding mun tak ah chun zia bawm hi koi ta’n au, ti’n ei dawnhu tai,” a tia.

ZEKARIAH 8:7

Sepai honte Lalpa‘n zia gual hin a gen hi: Ka mite chu sualam gam ah kipat leh, tumlam gam ah kipat in hun hukdok ing ka tin;

ZEKARIAH 9:2

a gam kigîtpi Hamath chule, pil maleu Tura leh Sidon le a huap hi.

ROMTE 11:15

Amau haw pâmpai ah a umnau bawn, khawvel kituak theina a hung hi’chun, amau haw kilop lut kitna chu bang gual bep in thina pat hinna a hung hita bep diam!

ROMTE 11:26

Tichun, Israel zosia chu hukhin in um in au: “Zion ah kipat in Tandokpa chu hung pawt intin, Jakob ah kipat in Pathian ngaisak lona chu sumang in a.

2 KORINTH 3:16

Lalpa lam a ngat phat ua leh vang khû’na chu lâkmang a hisek hi.

DAN LEKHABU 9:29

La thilhitheina lopi tak leh la ban jak ah la puidaw, la mite leh la gochante chu ahi ngâl un,” ka tia.