ISAI 11:10 - PATHIAN LEKHABU THIANGTHO (BSI)

¹⁰ Zia ni phat chuleh, Jesse zung chu namtinte â ding ah tepte’na hung hi’ntin; namtin in ama umna hun kandok ta’n tin uh; tichun, a chênna chu hung lûn ma ma ta’n a.

ISAI 11:10 ပူးပေါင်းရင်းမြစ်များ

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

1 KHANGTHU 2:12

Boaz in Obed a hing ah, Obed in Jesse a hing hi.

SAM 116:7

Aw ka hinna, la cholna lam ah chun chia kit ta’n, Lalpa‘n la chung ah pha tak in a bawl ta ngal a.

SAM 145:11

La lenggam lopi dan thute gen uh hen la, la thilhitheina thu chun holim tau hen;

SAM 149:5

Mi ginum taphot chu lopi tak ah choisa’n in um uh hen la; a lupna chung un lim in La sau hen.

SAM 91:1

Nang Chungnung Penpa bitna mun ah chêng ah, Bangkim Hi’theipa lîm nuai ah um zingte chun,

SAM 91:4

a tha chun hun khû intin, a thalîm nuai ah chun bit tak in um in la tin; a ginumna chu phawlian leh phawneu ahi ngal a.

ISAI 11:1

Jesse bulsum hung sel intin, a zung ah kipat in bâk khat hung khangdok in a.

ISAI 11:12

Nam tinte â dingin tepte’na diallap tâkdaw piak intin, Israelte lak ah nawdaw ah umte leh, Judah lak ah the’chek ah a la umte chu, lei killi’ kipat in hun lakhawm kit in a.

ISAI 14:3

Lalpa‘n la natna leh lunggimna kipat leh, gim tak ah na sepsak la hi’na kipat chawldamna a hun piak phat leh,

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

ISAI 2:2

Tu’nung lam leh Lalpa In umna tâng chu, tâng sâng pen hung hi’ntin; tâng dang zosia sâng ah chawisa’n in um ta’n a; chuleh, namtin hung kitawl lut ta’n au.

ISAI 2:3

Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

ISAI 28:12

“Zia tak hi chawldamna mun ahi, thachawlte chu kichawldam sak un; zia tak hi kidaithâna mun ahi,” ti’n a kiang un a la gen ta maleh, a ngaisak nuam puau hi.

ISAI 42:4

Khawvel ah a vaihawmna a dindaw masia, chautha pua’n tin, lungthuai diak pua’n a; thialkâl gam ah mite’n a thuhilna chu a la ngak zing ui.

ISAI 49:22

Lalpa Pathian in zia gual hin a gen hi: Nam tinte lam in ka khut lâm ing ka tin, mitin kiang ah ka tepte’na tâkdok ding ka hi; tichun, la chapateu chu hun âng pai in, la chanuteu chu hun liangkawlosot in lau.

ISAI 59:19

Tichun, tumlam ah mite chun, Lalpa min hun kicha ta’n tiu in, sualam ah mite chunle, a lopina hun kicha ta’n au; luicha tuilian leh Lalpa hui in a mût, gual in hung ding ahi ngal a.

ISAI 60:3

La vâk ah chun namtin hung khawm intin uh, la jingkal phalvakna lam zuan in, lei ah lalte le hung khawm in au.

ISAI 60:5

Ziaphat chuleh, mu’n la tin vâkdok ta’n la; la lungthim thanuam talua’n kipak intin, tuisuagiat ah hausakna leh, namtin hausakna chu la kiang ah, hun paw tung ding ahi ngal un.

ISAI 62:10

Chia theng unla, kul kotkhak ah chun chia theng un; mipite hungna ding lampi bawl tau in; vuk dim unla, lamlian chu siamphau inla, suangtumte chu zen thiang un. Namtin in a mutheina ding un, puanlap chu khaisâng un!

ISAI 66:19

chuleh, a lak un tepte’na hun koi ing ka. Chun, a lak ua suakcha sunte chu namtin kiang in: Tarshish ah te, Put ah te leh Lud gam ah thalpi luaisa umte chu, Tubal gam leh Javan gam ah te leh, gamla tak ah thialkâl gam zosia ka lopina a la he’kha nai lo leh, a la mu kha nai lo zosiate kiang in sawl ing ka tin; tichun, ka lopina chu namtin kiang in puang jak ta’n au.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

HAGGAI 2:9

Zia In lopina nunung zaw chu a masa zaw sâng in nasa zaw’n ah, ti’n sepai honte Lalpa chun a gen hi; chuleh, zia mun ah hin vangphatna hun pia ding ka hi, sepai honte Lalpa chun a tii.

ZEKARIAH 6:13

Lalpa tempul hun sa ding chu ama ahi; leng leh lalte ja’na chang intin, a lalchutpha chung ah kichu’n vaihawm in a. A lalchutpha kiang ah chun thiampu’n umpi zing intin, a paniu in kilung gual tak in sêm khawm ta’n au.

KISIMNA LEKHABU 10:33

Chutichun, Lalpa tâng ah kipat in a kipandok un, Lalpa thuthung thingkuang a ma lam un giamun kitûpna mun hawl lawk dingin ni thum lam in a jawn un;

MATTHAI 12:21

Ama min in Jentelte kinepna um in a,” ti hi.

MATTHAI 8:11

Ka hil la hiu, sualam leh tumlam ah kipat in mi tam tak hung intiu in, van-gam ah chun Abraham, Isak leh Jakob kiang ah chun an nekhawm intiu in;

LUKA 2:32

vâk, Jentelte salvâk ding leh, la mi Israelte lopina ding chu,” a tia.

JOHAN 12:32

Chun, keima hi lei ah kipat khaikâng a ka um tak leh, mi zosia keima lam ah huai khawm ing ka,” a tia.

NASEPTE 11:18

Zia thute chu a hun het phat un a thip tau a. Pathian in Jentelte le hinna a neitheina ding ua a lung hei uh a phal piak tai, ti in Pathian a pakcha tau hi.

NASEPTE 28:28

Ziaziakchun, zia hi he tau in, zia Pathian hukdamna hi Jentelte kiang ah sawl a hita’n, amau chun a la ngai ta’n au, a tia.

HEBRAITE 4:1

Ziaziakchun, lau hitiu, chutilochun, a cholna lutna thutiam um zing ngal in, la lak un a ting zo lo um kha tawl in lau.

1 PETER 5:10

Chun, hepina zosia Pathian, a kumtuang lopina chang ding ah Khrista ah hun kopa ngei chun, sawt lo la thok zaw phat ua leh hun tungding in, hun hi’det in, hun hi’hat ding ahi.

THUPUAN 22:16

Kei Jesu hin, zia thute hi kochuamte hiatsak ding ah ka vansawlchâk chu ka sawl ahi. Keima David suan leh a phung bulpi Jingsol aksi vâk chu ka hi, a tia.

THUPUAN 5:5

Ziaphatchun, upate lak ah pakhat chun, “Kap kin, Juda nam ah mi, sakeibaknei, David phunggui ah mi chun, lekhabu tepte’na chu tham ding leh phêt thei dingin zawna a chang tai,” a hun tia.