ISAI 10:6 - PATHIAN LEKHABU THIANGTHO (BSI)

⁶ Pathian ngaisak lo namte do dingin, amau chu ka sawl in; ka lungnatna mipite chung ah, gâl lâk ah la ding leh vachom ah vasuam gam ah, khawlai buanthuak gual ah, vachuan chil dingin thu ka pia tai.

ISAI 10:6 ပူးပေါင်းရင်းမြစ်များ

2 SAMUEL 22:43

Leivui gual in ka khen buang ta’n, lampi chung ah buanthuak gual in ka chil tai.

2 LENGTE 18:25

Zia mun hung susia ding ah hin Lalpa panglo ah hung kuan to dingah lei ngaitua a hem? Lalpa‘n ka kiang in thu a gen ah, zia gam do dingah hin hang kuan to inla, hung hise sik sek in ei ti ahi,” a tia.

ISAI 19:17

Chuleh, Judah gam chu Aiguptate â ding ah tizat um hung suak ta’n ah; a gen kha taphot inle, sepai honte Lalpa‘n a chung ua siatna ding a guanggal ziak ah chun, lau ma ma ta’n au.

ISAI 22:5

Sepai honte Lalpa Pathian in kilâkna phâijawl ah chun: Lungkhamna, palchek ah umna, bâng hichipna leh kap veng vung ah, mual leh tângte kiang ah panpi don ah, kiko’na ni chu a guat ta’ngâl a.

ISAI 24:5

Lei chu a sung ah chêngte sukbuak in a um zo tai; amau chun dan a botsiau ah, chawn dan a zui puau ah, kumtuang thuthung a bawsiat tak ziak un.

ISAI 29:13

Lalpa‘n zia gual hin a gen a: “Zia mite hin kamthiam in ei nai un, mûk thiam in ei ja’bawl un, a lungthim uh vang a gamla ma ma hi; keima ei biaknau chule, mihing thupiak dangnâl thu ah zil thiamna mai mai ahi;

ISAI 32:6

Mingol chun ngolhuai tak ah thugen in, thil phalo ngen a ngaitua a. Lalpa doi lo lam ngen bawl leh gen in, gilkialte an a pe ngai puau a, dangchâkte dawn dingle a pe ngai diak puau hi.

ISAI 33:1

Nangma’n siatna tuak lo ah, midangte susepa leh kuama’n lepchia tak ah a bawl lo uh, nang in lepchia tak ah la bawl ziakin, la chung a gik hi! Nang in midangte hisiat la haisan phat leh, nangma chu hisiat ah um ding la hi; midangte lepchia tak ah la bawl lo phat leh, nangma chu lepchia tak in hun bawl in au.

ISAI 33:14

Zion ah migilote chu a lau tau a, pathian neilote chu a kithingse tau a: “Zia gual ah mi kâng mang thei meikuang lak ah hin, I lak ua kua a hem pang zo ding? Kumkhua meikuang lak ah chêng thei ding, I lak un kua I um awm?” a tiu a.

ISAI 41:25

Mallam ah mi khat ka choktho in, ama chu a hung ngâl in; ni sua’na lam ah kipat in ka min hun ko intin; bêlsêkpa’n lei buan a chil gual in, leng leh lalte chu hun chuanchil ding ahi.

ISAI 49:17

Nang hun hi’sete sâng in, a hun sa’thakte chu a hatzawu a; tichun, nang hun chomnâmte chun, a hun taisan tau hi.

ISAI 49:25

Himaleh, Lalpa‘n zia gual hin a gen hi: Mihat khut ah saltângte natiang ladok ing ka tin, lal gilo tak khut ah sal matte chule, tandok kit ding ka hi. Nangma hun do-te chu, keima’nle do ing ka tin, la chate chu hukdok ding ka hi’ngal a.

ISAI 5:25

Ziaziakchun, a mipite chung ah, Lalpa lungnatna a kuangdok ta’n, a chung un a khut jakdok in a gawt tai; tângte a kithing un, a mithiluangteu chu, kotzing ki’dak gual in a chap zeng zung tai. Zia gual ah a um nung unle, a lung a dam naipua’n, a khut a jakdok zing nalai hi.

ISAI 5:29

A thawm uh sakeibaknei hâm a bang in, sakeibaknei note gual in a ngîk ui; a samat ding uh ngîm ah mat gual in, kipuak mang in au. Kuama’n a lâkpiak thei ta puau hi.

ISAI 5:5

Tu’hin, ka grep huan hi bang law ding ka hita em ti hun hil ing ka. A pal phia’ng ka tin, nêk zaw in um ta’n tin; a dâi phia’ng ka tin, tawden in hung um ta’n a.

ISAI 63:3

Kei ngen inle grep ka sûk sek ah, mipite lak ah khat inle ei kithuapi puau hi; lungna tak in ka sûk in, hachangthak tak in ka chuanchil tai. A thisan un ka sil leh chênte a the’khum in; tichun, ka nîk leh puan zosia ka subuak ta ahi.

ISAI 63:6

Lungna ma ma in mipite chu ka chil ta’n, ka hachangthakna ka gawtnawi in; chuleh, a thisan uh lei tual in ka sungtha tai.

ISAI 7:17

Assuria lal ma ma, Judah ah kipat Ephraim a hung pawt daw ni ah kipat chun, Lalpa chun nangma leh la mipite leh la pa Inkuan ah mite chung ah chun, zia gual hun tung kha nai lo gual chu hun tunsak ding ahi, a tii.

ISAI 8:4

zia nausen chun, “He nu” a hem, “He pa” a hem, a ti’thei masang in, Damaska hausakna leh Samaria gam gâllâk thilte chu Assuria lengpa’n chomnâm ding ahi ngâl a.

ISAI 8:8

tuisânglet in a chup gual in, Judah gam chu a ngawng tiang in chup intin; chuleh, aw Immanuel, a tha jak pal chun la gam pumpi hui suak in a.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

ISAI 9:19

Sepai honte Lalpa lungnatna ziakin, gam pumpi a kâng ta’n; mipite chu a meisel ah a pan tâk ziak un, khat cha’nle midang khat a hukdok thei ta puau hi.

JEREMIAH 25:9

mallam ah nam um zosiate chu ko ing ka tin; ka suak Babulon Lengpa Nebukadrezar natiang, zia gam leh a kim a kiang ah nam um zosiate do ding hin hun pui ding ka hi; tichun, a leng un susia gawp dim dem intin, tichun, mite tizat leh eulau hung hi’n, kumkhua’n chavai ta’n au, Lalpa‘n a tii.

JEREMIAH 3:10

Chutisapi’nle a suapinu, mi ginum lo Judah chunle a lungthim gil tak in ei zuan pua’n, a kilawm bep hawl ah ei bêl ahi, Lalpa‘n a tii.

JEREMIAH 34:22

Amau chu thu pia’ng ka tin, zia khawpi do ding hin hun le’pui kit ing ka, Lalpa‘n a tii; tichun, zia khawpi chu hun do zo in, mei in hâl tum ta’n au. Judai gam ah khawpi zosia chu a chêng umlo ah a hawm ah koi ding ka hi, a tia.

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

EZEKIEL 29:20

Kei â ding ah nasem a hiziak un, a sepgim man ding un Aigupta gam hi pia ding ka hi, Lalpa Pathian in a tii, ti in.

EZEKIEL 38:12

gâl lâk thilte chom khawm ah, nutsia ah umsa tu’ ah lua kit ah um ta’, namtin lak ah kipat pui khawm ah um, gancha hon leh nei leh lam tam tak kiluak khawm ah, khawvel gam lailung pen ah chêngte ma ma chu a hiu.

EZEKIEL 38:13

Sheba, Dedan leh Tarshish mi sumkawlveite leh a sakeibaknei noteu chun la kiang in: “Gâl lâk chom khawm ah hung maw la hiu? Gâl lâk chom khawm ding leh, sana, dangka, gan-gual leh nei thil tincheng leh gâl lâk tam tak la ding ah maw la pawlte la hun pui khawm?” a la tin au.

MIKAH 7:10

Ziaphat chuleh, ka mêlma: “Lalpa la Pathian chu khoi ah um a hem?” ei tite chun mu ta’n tin, mualpho ta’n a. A pukna chu ka mit in mu’n tin; tu’hin chu lam dung ah buanthuak gual ah, chotden in um ta’n a.

HABAKKUK 1:12

Aw Lalpa ka Pathian uh, ka Mithiangtho, malai pek ah, kipat kha um hilo la hem? Thi him him pua’n lau. Aw Lalpa, amau chu vaihawm ding ah, la teptêsa a hita’n; aw ka Suangpi, nangma’n amau chu, gawt dingin la namdet tai.

ZEKARIAH 10:5

A leng un kido’na gâlhat gual in, a mêlmateu kotzing buanthuak lak ah chuanchil in, gâldo jel ta’n au, Lalpa‘n a umpi ngâl a; tichun, sakol chungchuang mite chu, mualphosak ngei ngei ding a hiu.

MATTHAI 15:7

Miphalêmte haw, la chung thuu ah Isai in a la genlawkte hi la sudik ten uh ahi hi: