ISAI 10:3 - PATHIAN LEKHABU THIANGTHO (BSI)

³ Gawtna la hun tuak phat uh leh, gamla tak ah siatna chu, la chung ua a hung tun phat leh, bang la law ta diam? Pani’na hawl ah kua kiangah chia in, la hausatna kua kiangah nusia in,

ISAI 10:3 ပူးပေါင်းရင်းမြစ်များ

THILSIAM THU 31:1

Chun, Jakob in Laban chapate’n, “Jakob in I pau â zosia a lâk piak sik sek in, zia lopi’na a mu zosia hile I pa â lak ah pat a mu ngen ahi,” a tiu thuthang a la he ta’n.

2 LENGTE 7:15

Tichun, Jordan lui tiang hial a vadel ua; lampi chun Aram mite’n a kinaw tâkluat ziak ua a nutsiau kivanna puante leh van matchâkte kithe’thâng zeng zung chu a muu a. Tichun, thupawte chu a hung kile’kit ua lengpa a hil tau hi.

JOB LEKHABU 31:14

Pathian a hung kipatdaw phat leh, bang tiding ka hi tam? Ei hun dong chil ten ta leh, bangti dawnhu ding ka hi tam?

THUPILTE 11:4

Lungnatna ni ah chun nei leh lam in, phatchuamna nei pua’n tin; ahi’n, dikna chun vang, thi’na kipat in hukdok in a.

ISAI 13:6

Patau un, Lalpa Ni chu a nai ta’ngal a; Hat Chungnung ah kipat siatna, hung tung gual chu ahi.

ISAI 17:4

“Ziaphat chuleh, Jakob lopina chu kainiam hi’ntin; a thauna chu sukgawn hita’n a.

ISAI 20:6

Zia ni phat chuleh, Philistia tuisuagiat pangjul ah chêngte chun, ‘En tiam u, Assuria lengpa a hung phat leh I bêl ua, ei hukdok ding ah I la kineppi tak uh chu aw! Bangti leu hin I suakcha thei ta diam uh?’ la ti’n au,” ti’n a gen a.

ISAI 26:14

Amau chu a thi tau ah, hing kit ta pua’n au; a thagau uh le tho’kit ta pua’n au, nang in amau chu gawt in la hi’mangthai ta’n; a hetzing theinau zosia la nuai mang ta’ngal a.

ISAI 26:21

Zia lei chung ah chêngte bawsiatna gawt dingin, Lalpa chu a umna kipat hung pawtdok ding ahi ngal a; lei hin a chung ah thisan kisua chu hun tâklang ta’n tin, a mi tha’lupte chu sêlgu ta pua’n a.

ISAI 28:20

Lupna chu kithuan zanna dingin chom ta lua’n tin, puansil chu kihuina dingin neu talua’n a!

ISAI 29:6

nangma chu vang sepai honte Lalpa‘n van-gi tawh, linlîng tawh, husa nasa tak tawh, chîmpei tawh, thigawpi tawh, meipi kuang tawh kithua in, hung kantha ta’n a.

ISAI 30:16

Nang uh chun, hilo e! Sakol ah chuang in jam ing kau, la tiu a; ziaziakchun, jam ma ma in lau; chuleh, Sakol tai hatte chung ah chuang ing kau, la tiu a; himaleh, a hun delzuite chu tai hat zaw ding a hiu!

ISAI 30:5

amau â ding ah mipi panna bei, panpi thei lo leh a phatchuamna ding uh, bangma bawl piak theilote, zachatna leh mualphona bep tun theite a bêl ziak un, mi zosia chu mualpho ta’n au.

ISAI 30:7

Aiguptate panpi’na chu phatchuamna bei leh, a thawn mai ahi ngal a; ziaziakchun, Aigupta chu, “Kichu hiat hiat Rahab,” ka sak tai.

ISAI 33:14

Zion ah migilote chu a lau tau a, pathian neilote chu a kithingse tau a: “Zia gual ah mi kâng mang thei meikuang lak ah hin, I lak ua kua a hem pang zo ding? Kumkhua meikuang lak ah chêng thei ding, I lak un kua I um awm?” a tiu a.

ISAI 39:3

Ziaphatchun, jawlnei Isai chu Lengpa Hezekiah kiang in a hung a, a kiang in, “Zia mite hin bang a hung gen awm? Khoi ah kipat hung a hiu em?” ti’n a dong a. Hezekiah in, “Gamla tak, Babulon gam ah kipat ei hung vethâ hung a hiu,” ti’n a dawnhu a.

ISAI 5:14

Ziaziakchun, Sheol gilkialna a hi’pung un, te’ theilo ding khop ah lian in a kam a ka lian tai; Jerusalem ah miliante leh, a mipite leh ama ah khawhelo khop ah husa leh, kiletsakpi zosia chu a lût suk tau hi.

ISAI 5:26

Gamla tak ah nam khat kona tepte’na hun bawl intin, leimong langkhat lam ah mite ko’na saisilît hun mût in a; a kinthei pen in, kin tak in, a hung taikhawm ui!

JEREMIAH 22:7

A gâlvan ua kithuam ah, nang hun susia dingte chu, hun guanggal ding ka hi; la sidar thing doichuamte chu phûk in, meikuang lak ah pai lut in au.

JEREMIAH 4:30

Aw nutsia ah um nang la, bang ding ah puan sandup ah kivan nalai ah, sana kijem nalai sêt ah, la mit lian tak ah jem nalai la hem? A thawn ah jem mai mai la hi. La ngaijawngte’n a hun simmawu hi, tha gua’n a hun hawl ui!

JEREMIAH 5:31

Jawlneite’n diklo tak in thu a gen un, thiampute’n le jawlneite thupiak dungzui in vai a hawm ui; ka mite chun la zia gual nei chu a nuam un, a tawpna hung tung ta leh, bangti’n la bawl ta diam uh?

JEREMIAH 9:9

Zia haw zosia ziak ah chun gawt lo diak ding ka hem? Lalpa‘n a ti’n; zia gual namte chu, thuk lo thei ding ka hi em?

HOSEA 5:13

Ephraim in a natna a mu ah, Judah in a liamna a mu phât in, Assuria lam in Ephraim a chia ta’n, leng lopi tak kiang ah chun a sawl tai. Himaleh, ama’n nang hun sudam thei pua’n tin, la liamnale sukdam piak thei pua’n a.

HOSEA 9:5

Kût kiguatte a hung tun phat leh, Lalpa â ding ah kût ni ah chun bang la bawl ta diam uh?

HOSEA 9:7

Gawtna nite chu a hung tung in, thukna nite chu a hung tung tai; Israel in ko intin, “Jawlnei chu mingol ahi’n, thagau mi chule a ngol ahi tai,” ti in. La khawlona huaisia tak ziakin, la huatna le a huaisia ahi.

AMOS 5:19

Mi pakhat sakeibaknei lau ah tai, savom tuak kha gual a hem; ahiloleh, In sung ah lût ah, a khut bâng ah a ngat leh, gul in a la chuk piak gual chu ahi.

MIKAH 7:4

A lak ua mi pha pen chu hampa lingnei gual ahi’n, a lak ua mi lungthim zang pen chule dâi lingnei a bang bep ui. Amau gawtna ding ni, la gâlvengteu gawtna ding chu, hung tung ding ahi tai; tu’hin a lungdon niu chu a nai tai.

ZEPHANIAH 1:18

Lalpa lungnatna ni ah chun a dangkau leh, a sanau in amau chu hukdok thei pua’n tin; a lungnatna mei chun gam pumpi hi kâng tum ta’n a. Lei chung lua zosiate tawpna ni, huaisia tak chu tunsak ding ahi ngal a.

LUKA 19:44

Pathian in a hung kanthâk lai hun la het lo ziak un la huap sung ah la chate, nangma tawh leitual jepna’n hun mang intiu in; la huap sung ah suang kitiang him himle khêk pua’n au,” a tia.

DAN LEKHABU 28:49

Nangmau hun do ah, mupi’n a lâk gual ah hun ladok dingin, gamla tak, kawlkawdong lam pek ah mite, a pau uh la het ngai loteu Lalpa‘n hun sawl intin,

1 PETER 2:12

Jentelte lak in mêlpha tak in um un; chutichun, hi’khelna nei gual in hun gensia maleu, kanthâkna ni phat leh la thilbawl phat uh a mu ziak un, Pathian chawihoi in au.