ISAI 10:24 - PATHIAN LEKHABU THIANGTHO (BSI)

²⁴ Ziaziakchun, sepai honte Lalpa Pathian in zia gual hin a gen hi: Aw ka mipi, Zion ah chêngte haw, Aiguptate’n la chung ua a mol uh a lap gual ua, Assuriate’n a mol ua a hun jep phat uh leh lau kiu in.

ISAI 10:24 ပူးပေါင်းရင်းမြစ်များ

2 LENGTE 19:6

Isai chun a kiang un, “La hotupau kiang ah chun zia gual hin gen un la, Lalpa chun zia gual hin a ti ahi: Thu la hiatte chu launa’n nei him him kin la, Assuria lengpa suakte’n ei demsiatnau chule khawksa him him kin.

PAWTDAWNA THU 14:9

Aigupta mite, a sakol kângtalai sepai zosiate leh a sepaite chun a del tau a; Baal-zephon tawh Pihahiroth mai zawn ah, Tuipi pâm ah a giakna mun ua chun a va delpha tau a.

PAWTDAWNA THU 5:14

Israel nam lak ah puitute chu Pharaoh nasep enkolte chun a vuau a: “Bang ding ah tu’ma gual ah kha ja’ni leh tu’ni hin la chêktang bawl ding uh zo lo la hiu em?” ti’n a nawu a.

ISAI 10:5

E he, Assuria chu ka lungnatna moltum, a khut ah khetbûk chu, ka hachang thakna ahi.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 14:29

Nang uh Philistin mi zosiate haw, nang uh jepna mol a bong tai ti’n lim ziang kiu in; gûlsuan ah kipat in gûlsia hung piang intin, ama ah kipat hung gadok kit chu, gûl meikuang lengthei hung hi nalai ding ahi ngal a, ti he tau in.

ISAI 27:7

Amau jeppaite Lalpa‘n a la jep pâi gual in, amau le a la jep pâi kha ta a hem? Ahiloleh, amau thattute a la thâlup sik sek gual in, amau le a that ta bek em?

ISAI 30:19

Aw Jerusalem ah chêng Zion mipite haw, kap ta pua’n lau. La kâ thawm uh chu hia’n lainat intin, a het phat phat leh hun dawnhu ngal ding ahi.

ISAI 30:32

Lalpa‘n a moltum ah a vok tawh kituak in, a mipite chun khuang leh dâk sâi in au. Pathian ma ma chun Assuriate chu hun do ding ahi ngal a.

ISAI 35:4

Lungthim dawilokte kiang ah chun: “Kihatsak inla, lau kin! Ngai in, la Pathian chu phuba la ding ah, hung kuan ding ahi’n, tizat um tak ah dit kit ding ah hung intin, nangma hun hukdok ding ahi,” tiu in.

ISAI 37:22

ama chung chang ah zia gual hin Lalpa‘n a gen hi: Zion Chanu, nungak thiangtho, nang a hun musit ah, hun hosia ahi; Jerusalem chanu, la nung lam ah a luchang a hun thinkhum ta ahi.

ISAI 37:6

Isai in a kiang un, “La puu kiang ah chun: Lalpa‘n zia gual hin a gen hi vatiu in, a tia: Assuria lengpa suakte’n ei demsiatna thu a gen uh la hiatteu chu lau him him kiu in.

ISAI 4:3

Zion ah nutsia ah a la um nalaite leh Jerusalem ah a la chêng nalaite chu mithiangtho ti hi’ntin uh; Jerusalem ah a damsung um ding ah tepte ah um zosia chu,

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 51:13

Nangma hun Siampa Lalpa chu la hemil ta’n, ama’n vante kaimal in, lei pumpi kingaknate a lem hi. Hi’mangthai ziang ding ah um hita, a hun nuaisiate lungnatna chu lau in, sun nitum in la um ui. Mi nuaisiate lungnatna chu, khoilam tung zo a tam?

ISAI 61:3

Zion ah lusûnte â ding ah, leivui thasâng ah pakchavui pia ding leh, lusûn ah nguina thasâng ah, kipakna sathau pia ding leh, lungthim ngaituana sawlsam thasâng a, pakchatna puan pia ding in ei sawl ka hi. Tichun, a lopina etsak ding ah dikna gangpi thing, Lalpa thingkung phute ti hung hita’n au.

ISAI 7:4

a kiang in, Chingthei tak in um inla, thip hiat hiat in; zia meisel de liak liak gual bep, Rezin leh Suria tawh Remaliah chapa lungnatna huaisia takte ziak ah hi’n lau kin la, la lung thuaisak him him kin.

ISAI 9:4

Midiante nuaisia ahi lai gual uh khan, a ngawngkol puakgik uh tawh, a liangko ah jawl kibât leh, a gawtte mol chu la khetbot piak ta’ngal a.

MIKAH 5:5

Chuleh, ama chu I kichamnau hita’n a. Assuriate’n I gam uh a hung sim ua, I lei chang uh a chotden phat uh leh, ei un amau do dingin belampu pasagi leh, vaihawmtu pagiat tungdok hitiu.