ISAI 10:20 - PATHIAN LEKHABU THIANGTHO (BSI)

²⁰ Zia ni phat chuleh, Israelte lak ah a thibang sunte tawh, Jakob Inkuan ah a suakcha sunte chun, amau gawtte ah kinga talo in, Lalpa Israel Mithiangtho ah chun ti tak tak in kinga zaw ta’n au.

ISAI 10:20 ပူးပေါင်းရင်းမြစ်များ

2 LENGTE 16:7

Ziaphatchun, Ahaz chun Assuria ah Lengpa Tiglath-pilesar kiangah chun thangko ding mi a sawlah, a kiang in, “Keima la suak leh la chapa hi ei do dingin Israel lengpa leh Aram lengpa chu a hung kuan tauah, ziaziakchun, amau khut ah kipat ei hukdok dingin hung kuan in,” a vatisak a.

2 LENGTE 19:31

Jerusalem ah kipat chun a thibang sun chu tawh, Zion tâng ah kipat suakcha sunte chu pawtdok ta’n au: sepai honte Lalpa phatchuam ngaina chun zia chu hun bawl ding ahi.

2 KHANGTHU 14:11

Asa chun Lalpa a Pathian zia gual hin a ko ah: “Aw Lalpa, nang in mi hat leh mi jawngkhal la panpi nop lo chuam a um puai. Aw Lalpa ka Pathian uh, nangma ah kinga leh la min bep suang ah zia mipite hi do gua ka hiziak un, ei hun panpi in. Aw Lalpa, nang chu ka Pathian uh la hi; mihing mai mai kizawsak ziang kin,” ti in.

2 KHANGTHU 28:16

Zia hun ah chun, Lengpa Ahaz in Assuriate panpi’na don in palai a sawlah.

2 KHANGTHU 28:20

Tichun, Assuriate Lengpa Tiglath-pileser chu a panpi ding hi malak sâng in, a do dingin a hung kuan ta’n, a tawden ta ahi.

EZRA 9:14

la thupiakte botsia nalai ah, zia gual ah thil ki’dak um tak bawl mite hi tawh kichengpol nalai lai ding ka hiu em? A um nalai ding le um talo khop ah, a suakcha dingle um talo ding khop hial ah lei lungnat khum ma sia, ka chung un lungna zing talo ding la hia hem?

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 11:16

Tichun, Aigupta gam ah kipat, Israelte hungna ding lampi a um gual khan, a mipi nutsia ah um sunte â dingin, Assuria ah kipat in lamlian hung um ta’n a.

ISAI 37:4

Lalpa la Pathian in, Assuria lengpa’n Pathian hing hosia ding ah Rabshakeh a hun sawl in, a thugen zosia kha a la he ta ngei intin; zia a thugen a het zosia dungzui chun Lalpa la Pathian in a la vau thuk kit ta hen. Ziaziakchun, nutsia ah a la umte â ding ah chun a la pauchap piak ta’n,” a tiu a.

ISAI 46:3

Ka gil ah ga, keima gilpi ah piang, nanghaw Israel Inkuan lak ah a thibang sunte haw, aw Jakob Inkuan ah mite haw, ka thugen hi a la ngai unla,

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

ISAI 6:13

Thinghi thing a hem, gangpi thing a hem, a kiphûk nung ah le a bulsum a um gual in, a lak ua mi sawm lak ah khat ziang le, nutsia a um nâk lai chun, mei ah hâl tum hi nalai in au; chi thiangtho chu a bulsum gual in, um nalai in a,” ti in.

JEREMIAH 3:23

Mual leh tâng chung ah kithoi kibawlnate chu, kithepna mai mai ahi ti ka hechian tai. Israel hukdamna chu Lalpa I Pathian bep un, a um takzet hi.

JEREMIAH 44:14

tichun, Judai gam ah nutsia ah um sun, Aigupta gam ah chêng ding ah chiate lak ah, suakcha leh hing nalai, Judai gam ah kile’kit ding khat chale um pua’n au. Chia kit ah vachên kit ding lung gul ma maleule, gâl lâk ah suakcha neukhatte beplo ngâl chu chia kit ta pua’n au, ti’n a gen tai.

HOSEA 14:3

Assuria in ei hukdam pua’n tin, a sakol chung ah chuang pua’ng kau; ka khutsuakteu kiang in, ‘Ka Pathian uh la hiu,’ ti ta pua’ng kau. Nangma ah chun nauchagate’n, ja’ngaina a mu sek ngal un,” ti in.

HOSEA 5:13

Ephraim in a natna a mu ah, Judah in a liamna a mu phât in, Assuria lam in Ephraim a chia ta’n, leng lopi tak kiang ah chun a sawl tai. Himaleh, ama’n nang hun sudam thei pua’n tin, la liamnale sukdam piak thei pua’n a.

MIKAH 5:3

Ziaziakchun, nauvei nu’n nau a hun hin masang sia chu, amau chu Lalpa’n kiheisan in a; ziaphat chuleh, a chanau la umsun te chu, Israel mite kiang in kile’kit ta’n au.

ZEPHANIAH 3:13

Israelte lakah a um sun hita’n au; amau chun thil phalo bawl pua’n tiu in, zuau gen pua’n tiu in, a kam un thepna thu le pawt him him pua’n a. Ziaphat chuleh, ne vâ in, lum intiu in, kuama’n sulau ta pua’n au.