ISAI 10:13 - PATHIAN LEKHABU THIANGTHO (BSI)

¹³ Ama chun: “Ka khut thahâtna ziak ah ka sepdaw leh, keima pilna ziakah ka hetdaw ahi, hiatthiamna ka nei ngal a; namtinte gamgi ka lâkmang piakah, a gothilteu chule ka lâkpiak tai; bawngchal hangsan gual in, a sung ah lalchutpha kichute, ka kaitha ta’ngal a.

ISAI 10:13 ပူးပေါင်းရင်းမြစ်များ

2 LENGTE 15:29

Israel ah Lengpa Pekah vaihawm sung ah chun Assuria ah lengpa Tiglath-pilesar chu a hung kuanah, Aijon tawh, Abelbeth-maakah leh Janoah tawh, Kedesh leh, Hazor tawh, Gilead leh, Galili tawh, Naphtali gam zosiate chu a hun la ta’n, tichun amau haw chu Assuria lam ah sal in a pui tai.

2 LENGTE 16:8

Chun, Ahaz chun, Lalpa In ah sana leh dangka umte chu a la’n, chuleh Lalpa In ah a go um haw chu tawh a ladok ah, Assuria lengpa kiang ah thilpiak dingin a thot tai.

2 LENGTE 17:24

Apharva-im ah kipatte chun mi a pui khawm ah, Israel chate umna mun, Samaria khawpite chun Israelte thasâng in a umsak ta’n; Samaria gam thilte chu chang in a khawpite chun a chêng tau hi.

2 LENGTE 17:6

Hoshea leng ahi kum kua ahi’na chun, Assuria lengpa chun Samaria chu a hun la, Israelte chu Assuria lam ah chun sal in a pui mang ah; Gozan luilian pâm ah Halah mun leh Habor mun leh Mede khawpite ah chun a umsak tai.

2 LENGTE 18:11

Tichun, Assuria lengpa chun Israel chu Assuria lam ah a pui mang ah, Gozan lui lian pâm ah Halah leh Habor ah Mede khawpite chu a umsak tai.

2 LENGTE 18:15

Ziaphatchun, Hezekiah chun Lalpa In ah um leh, leng In ah um dangka zosia chu a kiang in a pia tai.

2 LENGTE 18:32

keima ka hung ah, nangmau gam tawh kibang, bu leh uain gam, vaithum leh grep huan tamna, Oliv thau leh khuaizu tamna gam, la um ua la thi lona diu gam ah ka hun pui lût theina dingin; Hezekiah thugen kha a la taksang kiu in, a hun thep leh le, Lalpa‘n hun hukdok in ah, ti bep hiding ahi ngal a.

1 KHANGTHU 5:26

tichun, Israel Pathian chun Assuria Lengpa Pul tawh Assuria Lengpa Tilgath-Pilneser lungthim hun choktho in, Reuben suante, Gad suante leh Manasseh phung ah mi a kimkhatte chu sal ah pui mang in, Halah, Habor, Hara khua leh Gozan luipi tiang hial in tu’ni tiang hin sal in a um khawlaw tau hi.

THUPILTE 28:11

Mi hausa a pil pen ah kikoi sâng in, michaga lunggêl thiam tak chu a pilzawi.

ISAI 10:8

Ama’n, “Ka sepai hotu zosia hi, leng hichiat lo a hiu em?

ISAI 5:21

Nanghaw pil kisa, hethiam kisate haw, la chung uh a gik hi!

JEREMIAH 46:8

Aigupta chu Nail luipi gual in a hung khang in, a luikam dimlêt gual in a hung lian hi. Amau chun, Hung kipan ing ka tin, khawvel hi chûm suak ing ka tin, khawpite leh a sung ah chêngte chu, susia dik dek ing ka, a tii.

JEREMIAH 48:14

Bangtidan ah, “Mi hangsan leh gâldo’na mihat ka hi,” kiti thei la hiu em?

EZEKIEL 25:3

Ammonte kiang in, Lalpa Pathian gen hi ngai un, ti’n la: Lalpa Pathian in zia gual hin a gen hi: Ka mun thiangtho sukbuak ahi lai ah, Israel gam sukgam ahi lai ah, Judah Inkuante sal ah pui mang ahi lai un phaje lasak ma ma ziak khan;

EZEKIEL 26:2

Mihing, Jerusalem chungchâng ah Tura in zia gual hin a la gen ta’n: “Katei, mipite kotpi a chim tai; kei â dingin a hung kihong hi; a chimsa kha lua dim kit ing ka,” ti in.

EZEKIEL 29:3

zia gual hin gen in: Lalpa Pathian in zia gual hin a gen hi, ti’n la: “Ngai in, Nail luipi hi kei â ahi’n, kei â ding ah ka siam ahi,” tipa chun dragon lian tak luidung ah um gual ah, Aigupta lengpa Pharaoh, ka hun do la hi.

EZEKIEL 35:13

Kiletsak tak in keima kãl in thu la gen un, lei demna thuu la gen tam ma mau hi; zia zosia chu ka he tai,” a tia.

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

DANIAL 4:30

lengpa chun a lungthim in, “Zia Babulon khaw lopi tak hi, lengpa chênna ding ah ka thahâtna leh ka lalna thupi tak suklatna ding ah ka siamdaw hilo a hem?” ti’n a ngaitua a.

AMOS 5:27

ziaziakchun, Damaska khêl lam pek ah, sal ah hun pui mang ding ka hi, Lalpa‘n a tii; a min chu sepai honte Pathian chu ahi.

AMOS 6:13

Nanghaw, Lo-debar limpi ah, “Eimau hatna ziak ah ei uh â ding ah, Karnaim kilâk hilo I hiu em?” la tiu hi.

HABAKKUK 1:11

Chuleh, huipi gual in a hun nuai chibak un; thil phalo a bawl un, migilo a hung suak tau hi; a hâtnau chu a pathian uh ahi tai!

HABAKKUK 1:16

Ziaziakchun, a lên ah chun kithoina a lân in, a lênkhang ah chun gimtui a hâl hi; amau ziak ah a chanvo hung lian ah, nêk ding tui tak leh tam tak lakhawm a hiziak un.

HABAKKUK 2:6

Zia gual mite chu mitin in a demna ding un, engho’na thuchingchom phuak intiu in, “Ama â hilo ah kisupung ah, kimisak chu a chung a gik na e! Mite kitiamna thil bang chan lakhawm nalai ding la hem?” a tiu a.

DAN LEKHABU 8:17

La lungthim un, “Zia hausakna zosia hi ka thilhitheina leh keima hâtna ziak ah ka chan ahi,” ti kiu in.

VAIHAWMTE 7:2

Lalpa‘n Gideon kiang in, “A khut ua Midiante ka piak dingin la kiang ah sepai umte chu a tam ta luau hi. Israelte chun, ‘Ka khut ua kihukdok ka hiu,’ kiti kha’n au.