ISAI 10:1 - PATHIAN LEKHABU THIANGTHO (BSI)

¹ A hei, nanghaw, diklo tak ah thutanna bawl ah, mi tawdenna ding ah dan thu zik ah pang a;

ISAI 10:1 ပူးပေါင်းရင်းမြစ်များ

1 LENGTE 21:13

Mi lepchia pani chu a hung ua, a âng zawn in a kichuu ah; chuleh, mipite âng ah chun mi lepchiate chun ama mawsak in thu a hun gen tau a: “Naboth in Pathian leh Lengpa gensia ahi,” a tiu a. Tichun, ama chu khawpi pawlam in a puidok ua, suang in a seplum tau hi.

SAM 58:2

Ahipuai, la lungthim un thil phalo la gêl ui; lei chung ah thagum sua dingin, la khut uh la pan sek ui.

PAWTDAWNA THU 23:3

kihêkna mun inle mi chaga ahiziak in la dangdâk lo ding ahi.

PAWTDAWNA THU 23:6

Vaihawmna ma âng ah mi chaga ahiziak in a dikna chu kihiatlosak kin.

ISAI 29:21

a kam ah thu ah mi tawh kihêkna ah, a dik zaw zawn sakte, kul kotkhak bul ah vaihawmte awkna ding siamte leh, mi thudik ah pangte dikna ah vaihawm piaklote chu, sukmang ah hung um ding a hiu.

ISAI 3:11

Thil bawlkhialte chung a gik na e! A thil bawl khial uh tawh kigûn in, a chung un bawl thuk hiding a hiziak un, mi vangsia ahi nau e!

ISAI 3:14

Lalpa‘n a mipite lak ah upate leh, lal chate chung thu vaihawm dingin a lût hi; grep huan ne zo chu nang uh la hiu a, gentheite suam gam chu, la In sung ua umte ma a hiu.

ISAI 5:11

E he, nang uh zudawn ding ah jingkal matak ah tho ah, nitâk jan sawtpi pi zudawnna chêngthuak den sekte;

ISAI 5:18

E he, nanghaw zuau khauhual ah bawlsiatna kai ah, kângtalai khauhual ah kai gual ah gitlona kai zing ah,

ISAI 5:23

a thiamlote golgûkna ziak ah thiam chansak ah, bawlkhial neilote a diknau lâkpiakte haw, la chung uh a gik hi!

ISAI 5:8

E hei! Gam pumpi midang â ding, neuchale awt lo ah In a bân ah samat ziang ah; lou a bân ah chawkbe ah, gam lailung ah cholchên la chung a gik hi!

ISAI 59:13

Lalpa kilepsan in ka la hi’khial tau in, ka Pathian uh zui lo in ka la kiheimang zo tau ah; helna thu leh mi jakda ding lam ngen ka gen un, lepchia thute ngen ka ngaituau a, lunggil tak ah kipat in zuau thute, ka hun sêkdok sek zaw tau ahi.

ISAI 59:4

Kuama a dik ah vaihawm a um ta puau a, dan dungzui ah diktat kuama a um puau; zuau ah kilepchâk la chîng un, zuau ngen la gen un, thil phalo ngen la ngaituau ah, khawlona ngen a hing hi.

JEREMIAH 22:13

Diklo’na In kisak ah, diktatna pang lo ah a pindan chungnung bawlte chu, a chung uh a gik hi; zia gual mite chun a Invêngteu sepgimna man pelo in, a sepnau tha manle a pia puau a;

AMOS 2:7

gentheite luchang chu leivui lak ah tawden in, mi sukgenthei ah umte a lampiu ah kipat a sawn mang un; pa leh a chapa nungak khat a kikop un, tichun, ka min thiangtho sukbuak in a um hi;

MIKAH 6:16

Omri thuguatte leh Ahab Inkuante thilbawl chu la vop zing in, a lemguatnau chu la zui zing ngal a. Ziaziakchun, a hawm ah nutsia in hun siam ing ka tin, la sung ah chêng sunte chule mi nuizatbûk in siam ding ka hi; tichun, ka mite minsiatna chu paw ta’n la.

HABAKKUK 2:12

“Nang, thisan sua ah khawpi siam, phatlo’na ah khawpi phutdetpa, la chung a gik na e!”.

HABAKKUK 2:15

“A Invêngte ngawnchang hi’na, mutheina ding ah zu dawn sak ah, a dawn kham masangsia lungnatna hâi tulpa, la chung a gik hi!”

HABAKKUK 2:19

Thingbong kiang ah, “Hung khanglo tiam in,” tite leh, suangtum kiang ah, “Hung tho in,” tite chung chu a gik hi! Mi a hil thei awm? En tia, sana leh dangka tui kiluan khum mai ahi’n, a sung ah hinna a um puai.

HABAKKUK 2:6

Zia gual mite chu mitin in a demna ding un, engho’na thuchingchom phuak intiu in, “Ama â hilo ah kisupung ah, kimisak chu a chung a gik na e! Mite kitiamna thil bang chan lakhawm nalai ding la hem?” a tiu a.

HABAKKUK 2:9

“Thil phalo in a sukkhak lo ding ah bû sâng tak ah sia ah, a In sung â ding ah lawkna diklo, lakhawmte chung chu a gik hi!”

MATTHAI 11:21

Korazin, la chung a gik hi! Bethsaida, la chung a gik hi! Nangmau mit mu ah thilmak kibawlte kha, Tura leh Sidon khua’ kibawl hita ma leh, ma tak ah khan saidip puan sil in, vut lak ah kichu’n a gitlo uh haisan ta’n au.

MATTHAI 23:23

Nanghaw, lekhazikte leh Pharisai miphalêmte haw, la chung uh a gik hi! La thâichiteu lak ah pudinate, mawsawlate leh pathikhawmte natiang in sawm ah khat la piau a; dan thupiak poimaw tak tak, vaihawmna dan, jangaina dan leh ginna dante hi bangma’n la ngai puau ah; a dangte chu haisan diak lo in, ziate chu la hiding him uh ahi.

MATTHAI 23:27

Lekhazikte leh Pharisai miphalêmte haw, la chung uh a gik hi! Thân a pawlam mêlpha tak ah kijut vam ah, a sunglam mithi gu leh thilbuak tincheng ah dim tawhbang la hiu.

MATTHAI 23:29

Nanghaw lekhazikte leh Pharisai miphalêmte haw, la chung uh a gik hi! Jawlneite suang la dawu in, midikte thânle pha tak in la chei ui,

MATTHAI 26:24

Mihing Chapa hi a chung thu kizik gual gual ah um ding him ahi; himaleh, Mihing Chapa matsak dingpa chung hi a gik hi! A la piang lo hileh ama â dingin pha zaw’n a,” a tia.

LUKA 11:52

Nanghaw dan thiamte haw, la chung uh a gik hi! hetna chabi chu la kol un, nangmau la la lut nuam puau a, midang a hung lut nuamte la la lutsak nuam diak puau in,” a tia.

JOHAN 19:6

Thiampu lalte leh hotute chun a la mu phât un, a hung kiko ua, “Kros ah khenden in! Kros ah khenden in!” a hun tiu a. Pilat chun a kiang un, “Pui unla, vakhenden tau in, keima’n vang a chung ah hin demna ding ka mu puai,” a tia.

JOHAN 9:22

A nu leh pa chun Judate chu a lau ziak uh ahi’n; Judate chun, “Kua’nle Jesu chu Messiah ahi, a tiu leh kikhopna In ah kipat nawdaw ding,” a tisau ahi ziakin.

JUDA 1:11

A chung uh a gik hi! Kaina lampi a zui un, lawkna del ah Balaam dik lona chun ha’tai in a tai un; Korah helna chun a mangthai khawm tau hi.