ISAI 1:9 - PATHIAN LEKHABU THIANGTHO (BSI)

⁹ Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 1:9 ပူးပေါင်းရင်းမြစ်များ

THILSIAM THU 18:26

Ahi’n, Lalpa chun, “Sodom khawpi sung ah midik sawmnga ka mu chun amau ziakin khawpi pumpi chu hawi mai ing ka,” a tia.

THILSIAM THU 18:32

Chun, ama’n, “Aw Lalpa lungna ki’n la, khatvei bep hun gen nalai ing ka: ‘Zia tak ah chun mi sawmkhat bep la mu mai thei hi,’ ” a tia. Ama’n, “Sawmkhatte ziak inle hi’mangthai pua’ng ka,” a ti’n.

THILSIAM THU 19:24

Lalpa chun Sodom leh Gomorrah khawpi chung ah chun, van ah Lalpa kiang ah kipat in mei leh kât a hun zuksak ta’n;

1 LENGTE 19:18

Ahi’n la, Israelte lak ah, Baal âng ah khiangkho kha nai lo leh, ama chawp kha nai lo sang sagi khekcha nalai ka hi,” a tia.

2 LENGTE 19:4

Lalpa la Pathian chun Rabshakeh thugente kha a la he ngei intin, Pathian hing simmaw leh hânsia law ding ah Assuria lengpa’n a hun sawlpa thugen kha, Pathian in he ngei ding a hia; nutsia ah um sunte â ding ah hin la pauchapna chu hun habawl ta’n,” a tia.

ISAI 1:8

Zion chanu chu grep huan ah bûk lui gual leh, changmai lei honna dailîm gual leh, khawpi mi sal ah mat gam gual ah nutsia in a um tai.

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 11:16

Tichun, Aigupta gam ah kipat, Israelte hungna ding lampi a um gual khan, a mipi nutsia ah um sunte â dingin, Assuria ah kipat in lamlian hung um ta’n a.

ISAI 17:6

Oliv ga thinpul zaw lo, pani a hem pathum a hem– a jik sang lam ah thingga, pali a hem panga a hem kilo khial, bulêp ga gual in hung um ta’n au,” Israelte Lalpa Pathian in a tii.

ISAI 24:13

Oliv ga khet pul ah a um gual leh, grep lâk khawm hun kichai phat ah, chomkhialte lâk khawm gual in, lei chung ah namtin lak in um in au.

ISAI 24:6

Ziaziakchun, hânsia chun lei a val zo ta’n, a sung ah chêngte’n a mawna ziak un a thuak tau hi; tichun, lei chung ah chêngte a kiam un, mi tawmcha bep nutsia a hitau hi.

ISAI 37:4

Lalpa la Pathian in, Assuria lengpa’n Pathian hing hosia ding ah Rabshakeh a hun sawl in, a thugen zosia kha a la he ta ngei intin; zia a thugen a het zosia dungzui chun Lalpa la Pathian in a la vau thuk kit ta hen. Ziaziakchun, nutsia ah a la umte â ding ah chun a la pauchap piak ta’n,” a tiu a.

ISAI 46:3

Ka gil ah ga, keima gilpi ah piang, nanghaw Israel Inkuan lak ah a thibang sunte haw, aw Jakob Inkuan ah mite haw, ka thugen hi a la ngai unla,

ISAI 6:13

Thinghi thing a hem, gangpi thing a hem, a kiphûk nung ah le a bulsum a um gual in, a lak ua mi sawm lak ah khat ziang le, nutsia a um nâk lai chun, mei ah hâl tum hi nalai in au; chi thiangtho chu a bulsum gual in, um nalai in a,” ti in.

ISAI 65:8

Lalpa‘n zia gual hin a gen ah: Grep bawk lak ah a pha khen khat a um ziakin, min, “A lak ah pha khenkhat a um ziakin, susia sik sek ziang kin?” a tiu a; tichun, zia gual chun hawi ing ka tin, a leng in hise suak ziang pua’ng ka.

JEREMIAH 23:14

Himaleh, Jerusalem ah jawlneite lak in, thil huaisia zaw diak ka mu tai. A ângkawm un, zuau a gen ui; thil phalo bawlte khutbân a hi’hat un; tichun, kuama’n nunsiatna lampi a haisan puau a, keima ngai in, a leng un, Sodom khua mite gual leh, Gomorrah ah chêngte gual mai kha a hitau hi.

JEREMIAH 42:2

jawlnei Jeremiah a hun nai un, a kiang in, “Lungsiat ah ka dotnau ei ngaithâk piak dingin, la phatna sua inla, Lalpa la Pathian kiang ah, a um nalai sunte â ding hin ei dot piak in. La mit ngei ah la mu gual in, mi tam tak lak ah tawmcha bep nutsia ah um ka hitau hi.

JEREMIAH 50:20

Zia ni phat chuleh, Israelte thulimlo’na chu hawl intiu in; ahi’n la, mu zaw hita pua’n tin; Judah gitlona hawl maleu mu zaw hita pua’n ah, a um nalai sun ding ah ka hawite chu ngaidam ding ka hi tai, Lalpa‘n a tii.

KÂ LATE 3:22

Lalpa ngilnei hepina chun tawp ni a nei pua’n, a ja’ngaina chunle tawp hun a nei diak puai;

KÂ LATE 4:6

Ka mite zilgaina chu, Sodom khawte gawtna sâng in a huaisia zaw’n, zia khua kha vang a chung ah khut kitha lo ah, mitphet kâl sung bep ah, hi’mangthai a la hi ta’ngal a.

EZEKIEL 14:22

Himaleh, a suakcha um nalai intiu in, chapate leh chanute puidok in um in au; amau chu la kiang ah hung in au. A umdanteu leh a thilbawl danteu la mu phat leh vang, Jerusalem chung ah keima thilbawl siatna ka hun guitunsak zosia ah hin lungkim ta’n la.

EZEKIEL 6:8

Himaleh, la lak un khenkhat hawi ding ka hi. La lak ua khenkhat nam dangte lak ah um in chemjam ah kipat suakcha’n, gam tin ah thêchek in um ta’n lau.

JOEL 2:32

Tichun, Lalpa min lam taphot chu hukhin in um in au; Lalpa‘n a gen gual khan, Zion tâng leh Jerusalem ah chun a suakcha sunte um intiu in; zia a suakchate lakah chun Lalpa‘n a kote chu um in au.

AMOS 4:11

Pathian in Sodom leh Gomorrah khuate a la suksiat gual khan, nang uh khenkhat ka hun susia ta’n; mei ah kipat kikaidok tawh bang la hitau in; Chutisapi’nle ka kiang in la hung kile’kit puau hi, Lalpa‘n a tii.

HABAKKUK 3:2

Aw Lalpa, la minthanna thu ka la he ta hen; aw Lalpa, la thilbawl tiza in ka ding mai hi. Keimau hun sung in hun hi’hal kit inla, ka hun sung ma mau hin hun hiatsak inla; la lungnatna tawp khawk inle ja’ngaina hemil kin.

ZEPHANIAH 2:9

Ziaziakchun, Israelte Pathian, sepai honte Lalpa chun: Moab chu Sodom gual in, Ammon chu Gomorrah gual in bawl ing ka tin, ham lingnei ke’na leh chi khûk, kumtuang ah mat tâk lo gam suak ta’n a. Ka mipite lak ah a umsun te’n suam intiu in, ka mi a um nalaite chun lua ta’n au.

MATTHAI 7:14

Hinna lutna kotkhak chu a chîp in, a lampile a haksa’n, a mu te le tawmcha a hiu.

ROMTE 9:27

Israel chung thu ah chun, Isai khanle, “Israel chate tam dan chu tuisuagiat ah piaunêl jat hi ziangleu le, a lak ua tawmcha bep hukdam ah um ding a hiu;

ROMTE 9:29

Chuleh, Isai ma ma chun, “Sepaite Lalpa chun ei suan ding ei la khêk piak lo leh chu, Sodom khua gual in um tai tiu in, Gomorrah gual ah bawl in um tai tiu,” ti ah a la genlawk gual khan.

DAN LEKHABU 29:23

Lalpa‘n a lungnat lai tak ah Sodom leh Gomorrah, Admah leh Zeboim te, a gam pumpi ah mei leh kât ah a hâltum ah, chisuang, meisuang leh suanggial ah dim, bangma ke’daw theilona mun ah a hisiat dante a mu phât uh leh,

2 PETER 2:6

Sodom leh Gomorrah te chu ama ngaisak lo hung um kit dingte etsakna dingin thiamlo a chansak ah, vaivut suaksak in a hi’mangthai tai.

THUPUAN 11:8

A luang uh chu khawpi lai, lamlian ah sial intin uh, zia khawpi chu thagau lam thu ah Sodom leh Aigupta a hia; zia tak ma chun a Lalpau kros in a khenden ui.