ISAI 1:7 - PATHIAN LEKHABU THIANGTHO (BSI)

⁷ La gam uh nutsia’n a um ta’n, la khawpiteu mei in a kâng tum tai; la mit muu in la lou gateu chu, gam dang mite’n a ne zo tau hi; gam dang mite’n a nuaisia tâk ziak un, a hawm ah nutsia in a um zo tai.

ISAI 1:7 ပူးပေါင်းရင်းမြစ်များ

2 KHANGTHU 28:5

Ziaziakchun, Lalpa a Pathian in Aram mite lengpa khut in a pedok ta’n; amau chun a zo un, a mipi tam takte chule Damaska khua lam ah sal in a pui mang zo tau hi. Ama chule Israelte lengpa khut ah piakdaw ahi’tâk ziakin, mi tam tak chu a that gam tau hi.

SAM 107:34

a gam ah chêngte nunsiatna ziakin, lei phatna mun chu lei al, bangma chîn theilona mun a chansak hi.

SAM 107:39

Engbawlna, buaina leh lungngainate ziak ah, sawt niam leh tawden ah a um phat ua leh,

SAM 109:11

A leibatna pa chun a nei zosia chom hen la; mêlhetlote’n a sepgimna ga lâkpiak uh hen.

ISAI 1:8

Zion chanu chu grep huan ah bûk lui gual leh, changmai lei honna dailîm gual leh, khawpi mi sal ah mat gam gual ah nutsia in a um tai.

ISAI 3:8

A kamsuak leh a thilbawl dan uh, Lalpa dodâlna leh pâmpaina ngen ahiziak in, Jerusalem chu a kisui ta’n, Judah chu a kipûk tai.

ISAI 34:9

Edom gam ah luichate chu thauman lui suak intin, a leivuite chule thauvui suak ta’n tin; tichun, a gam pumpi chu, thauman kihâl kuang gual in kuang ta’n a!

ISAI 49:19

La mun se’sau, giauchangte leh, la gam suktawp ah umte chu, matheilo in chêng dim kit in, neu talua hun sa hial ta’n lau; nanghaw hun chomgamte chu vang, gamla tak in jam ta’n au.

ISAI 5:17

Ziaphat chuleh, belemnote’n amau gam hing, kinêk gual in ne ta’n tin uh; gam sesa ah chun belam tuaidawng leh, a note chun an vâ tak in ne ta’n au.

ISAI 5:9

Sepai honte Lalpa‘n a kipau tiamna ka hia’i: mathei lo in, In lian leh mêlpha, tam takte hi a sung ah chêng ding um lo ah a hawm ah nutsia in hung um ding a hiu.

ISAI 6:11

Ziaphatchun keima’n: “Aw Lalpa, bang chan ahi diam?” ti’n ka dong a. Ama’n ka kiang in: “Khawpite a lua ding um lo ah nutsia a hung hiu a, Inte le a chêng ding um lo ah, gam pumpi hisiat dim dem ah, a hawm ah nutsia ahi masia;

ISAI 60:15

Nangma chu nutsia leh huat ah um in, kuama a hun limsak um talo maleu, kumtuang ah lopi tak dingin, hun bawl ing ka tin, khang tam takte kipakna pen hung hita’n la.

ISAI 62:8

Lalpa chun a khut changlam, a khutbân thahât suang in thu a tiam hi: “La sepgimnau ga chu la mêlmateu, nêk dingin pia ta pua’ng ka tin, la grep tuiteu chule gam dang mite’n, dawn kit ta pua’n au;

ISAI 64:10

La khawpi thiangthote chu gamthip a chang zo tau a, Zion chu gamthip a suak ta’n; Jerusalem chu a hawm ah nutsia ahi tai.

ISAI 9:18

Mei in hampa leh ling a kât tum ah, gammâng nawngte a kât thian a, a meikhu van lam ah a kitun to gual in, nunsiatna chun mei gual in a kâng sek ngal a.

ISAI 9:5

A do ah hung kuan sepaite kengtaw zosia, a sil leh chên thisan kâi nêt nût zosia chu, meikuangchaw gual ah hâl tum zaw hita’n a.

JEREMIAH 2:15

Sakeibakneite’n a ngîk un, ngai tak in a hâm khum tau hi. A gam uh a hisiat piak tau a, a khawpiteu chule suchim in, kuama a chêng ta puau hi.

JEREMIAH 4:7

La gam uh subuai ding leh, la khawpiteu kuama chêng talo ding ah, susia dim dem dingin, namtin hise ding sakeibaknei chu, nângbuk ah kipat in a hung pawtdok in, a umna’ kipat in a hung kipandok tai.

JEREMIAH 44:6

Ziaziakchun, ka lungnatna leh hachangthakna chu, Judai gam ah khawpite leh Jerusalem kotzingte ah chun butthâk in a hung um tai; tu’ni tiang ah nutsia leh a hawm in a hung um khawlaw tau a hi.

JEREMIAH 6:8

Aw Jerusalem, vauhilna hi ngai in, achutiloleh, hun nungngat ing ka tin, nutsia ah um in, kuama chên lo’na’n, hun siam mai ding ka hi.

JEREMIAH 7:34

Chun, Judai khawpi leh Jerusalem khawlai dung ah chun kipakna husate, limna husate, monu leh mopa husate suthip ing ka tin, gam chu a hawm ah um ta ding ahi ngal a.

KÂ LATE 5:2

Go ah ka luateu la, nam dangte kiang ah piak daw a hitau in, ka Inteu le gam dang mite piak a hitau.

EZEKIEL 25:4

nang le sualam gam ah mite khut ah hun pia ding ka hi. La lak un giamun siam intiu in, la khawlai un a puan Inteu jak in au; la thâigau nêk piak in, la bawngnawi uh dawn piak ta’n au.

EZEKIEL 30:12

A luidungteu chu hi’kang ing ka tin, a gam uh migilote kiang in pia’ng ka; chuleh, a gam leh a sung ah um zosia le, gamdang mite khut in hisia’ng ka; Keima Lalpa hin ka ti ta ahi.

HOSEA 7:9

Gamdang mite’n a hatna a nêk zaw piak un, ama’n la zia chu a hepuai; a kumte chu tiam himaleh, zia chu a hepuai.

HOSEA 8:7

Hui a tû ziak un chîmpei ât ding a hiu. Buvui in ga a sua pua’n, nêk ding piang pua’n a; ga sua ta mawng leh le, gam dang mite’n ne zo in au.

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

THIAMPUTE LEKHABU 26:34

Chun, nang un la mêlmateu gam ah um ding ah la gam uh la nutsia sung un, gam in sabbath kum a la nei intin; zia sung ah chun gam chu a la chawldam ding ahi.

MIKAH 5:11

chuleh, la gam ah la khawpiteu chu sumangthai ing ka tin, la kulpi det zosiau chule suchim ta’ng ka tin;

MIKAH 6:13

Ziaziakchun, ke’nle nasa tak in, ka hun khên pûk pan ta hen, la gitlonate ziakin ka hun sugam ta la hi.

DAN LEKHABU 28:33

La het ngailoteu in la lei gateu leh la sepgimnau gate chu ne ta’n tiu in; kihelna leh chotden in hun mang ta’n au;

DAN LEKHABU 28:43

La lak ua um gam dang mite chu la chung un kal sang deu deu intiu in; nang uh la hiu leh vang, keniam deu deu in lau.

DAN LEKHABU 29:23

Lalpa‘n a lungnat lai tak ah Sodom leh Gomorrah, Admah leh Zeboim te, a gam pumpi ah mei leh kât ah a hâltum ah, chisuang, meisuang leh suanggial ah dim, bangma ke’daw theilona mun ah a hisiat dante a mu phât uh leh,