ISAI 1:30 - PATHIAN LEKHABU THIANGTHO (BSI)

³⁰ Gangpi thingdua zosia vuai ta leh, huan keu gawchâk tawhbang bep, hung hiding la hi’ngâl a.

ISAI 1:30 ပူးပေါင်းရင်းမြစ်များ

THILSIAM THU 12:6

Shekhem ah Moreh mun gangpi thing umna tiang in Abram in a gam chu a paltheng pek ah. Zia hun lai ah chun Kanaan mite a gam ah chun a la chêng nalai ui.

ISAI 5:6

Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

ISAI 58:11

Lalpa‘n hun pui huai zing ta’n tin, tâng gawchâk mun inle, la tâksap zosia hun tua intin, la gu leh châng zosia hihat in a. Tichun, tui in a chapno zing, huan tawhbang ta’n la tin, tuinâk pha tak, a tui kang ngai lo gual chu, hung hita’n la.

ISAI 64:5

Thanuam tak ah thil dik tak bawlte leh, la lampite ah nangma hun hezingte chu, nang in la kituakpi sek hi. Ngaitia, ka gilo tau a, nang la lung a na’n, lei kihei mangsan ziakin, ka la chawn khial tau ahi.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

JEREMIAH 31:12

Zion tângvûm ah hung in, Lâ ngai tak in hung sa ta’n au; a chung ua Lalpa a phatna ziak leh, bu leh uain leh sathau ah te, bawngnote leh belamnote ziakin, a mai uh tai ma ma ta’n a; a hinnau chu tui in a chapno zing, huan tawhbang hi’ntin, thavai tak in um ta pua’n au.

EZEKIEL 17:24

Gam ah thing zosia’n keima hi Lalpa chu ka hi, ti ei hun he ta’n au. Thingkung sangte ka hi’niam ah, thingkung niamte ka hi’sân ah, thingkung hingte ka hi’keu gawp ah, thingkung keute ka buksak hi. Keima Lalpa‘n ka gen a hiziak in, Keima’n hi’bukim ding ka hi, ti’n, a gen hi.

MATTHAI 21:19

Lamgei ah chun theichang kung pakhat a mu’n, a vazuan ah, a dua longal bangma a mu puai. A kiang in, kumkhua’n a la ga nawt kin! a tia. Tichun, theichang kung chu a vuaitha ngal tai.