ISAI 1:28 - PATHIAN LEKHABU THIANGTHO (BSI)

²⁸ Ahi’n, migilote leh thil hikhial te chu, hisiat khawm in um ta’n tin uh; chuleh, Lalpa ngaisaklote chu, sukchimit in um in au.

ISAI 1:28 ပူးပေါင်းရင်းမြစ်များ

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 21:10

Ziaziakchun, Judah mite’n a chung ua vai a hawm uh a lungawi lo ziak un, Edomte chu tu’ni tiang hin a kiphin den tau hi. A pu leh pate Pathian, Lalpa chu a kiheisan tâk ziak un, zia hun ah chun Libnah khua mite chun a lalna paithâk gua’n a hung kiphin tau hi.

2 KHANGTHU 28:23

ama a la nuaisia Damaska mite pathian haw kiang in kithoina a bawl ah, ama chun, “Aram lengte pathian haw chun amau a panpi ziakin, keile ei panpi thei khâk leh a kiang in kithoina lân ing ka,” a ti’n. Himaleh, ziate chu ama leh Judah mi zosia â ding ah siatna bep a suak tai.

2 KHANGTHU 28:6

A pu leh pateu Pathian, Lalpa a la nutsia tâk ziak un, Remaliah chapa Pekah chun ni khat sung bep in, Judai gam ah sepai hat leh hangsan ngen nuai khat leh sîng ni hial a that tai.

JOB LEKHABU 31:3

Midiklote chung ah vangsiatna leh, dukdak lo tak ah bawlte chung ah, siatna tung lo ding a hem?

JOB LEKHABU 34:26

Midangte mit mu in a nunsiatna ziak un a jep in,

JOB LEKHABU 34:27

ama nusia ah, a dante a ngaisak lo ziak un,

SAM 1:6

Lalpa‘n mi dikte lampi chu a entha zing in, mi nunsiate lampi chu vâng mangthai ding ahi.

SAM 104:35

Migilote chu lei ah kipat hin hi’mangthai in um uh hen la, mi nunsiate le bei tau hen. Ka hinna, Lalpa chu pâk in! Lalpa chu pâk un!

SAM 125:5

A lampi kawi ua chiapette vang, Lalpa‘n thil phalo bawlte chu tawh gawt khawm ta’n a. Israelte chung ah thamuanna um ta hen!

SAM 37:38

Himaleh, thil hi’khialte chu, hisiat ah um ding a hiu in; mi nunsia suan leh pâkte chu jikbul in au.

SAM 5:6

Zuau gen mite chu hi’mangthai in; Lalpa‘n thisan sua mang mi leh, mi thephatte chu a ki’dak hi.

SAM 73:27

Ahi, nangma hun gamlat tapo chu, mangthai ding a hiu; nang hun kilepsan tapote, tawpna ding la bawl ngal a.

SAM 9:5

Namtin la zilgai ah, mi nunsiate la gawt chimit ah, a min uh le kumtuang, kumtuang â dingin la thai mang tai.

SAM 92:9

Aw Lalpa, la mêlmate, nangma hun do-te zosia vang, mangthai intiu in; thil phalo bawl zosia chu thêchek in um ding a hiu.

THUPILTE 29:1

Zilgai ahi zing lai ah ngaisak lo nalai chu, a hetlo kâl in sukdam kit theilo ding khop ah, khetbot in hung um in a.

ISAI 1:4

Katei, nam gilo, mi bawlsiat chîngte, phat nuam lo suan leh pâkte leh, thil sia bep bawl nuam chate haw, Lalpa nusia ah, Israel Mithiangtho musit ah, gamla tak ah jam mangte haw!

ISAI 24:20

Zukham gual in lei hi a hoi dong dong in, bûkcha gual in lei hi a kilâwng hi; a bawsiatna a chung in a gik ma ma in, hung kipûk intin, thodok kit ta pua’n a.

ISAI 30:13

ziaziakchun, nunsiatna chu, nang uh â dingin bâng sâng khikêk, kikêusa chimtha vang vang, hung chimtha phut ziang thei gual chu hi’n a.

ISAI 33:14

Zion ah migilote chu a lau tau a, pathian neilote chu a kithingse tau a: “Zia gual ah mi kâng mang thei meikuang lak ah hin, I lak ua kua a hem pang zo ding? Kumkhua meikuang lak ah chêng thei ding, I lak un kua I um awm?” a tiu a.

ISAI 50:1

Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

ISAI 50:11

Himaleh, la leng un mi hâlna ding a, mei sêmkuang la hiu. La mei sêmkuang leh la meiâm un, nang uh hun hâl in, hun bî ta hen! Zia hi ka khut ah kipat la tuak ding uh chu hi’n a; gawtna thuak in um den ta’n lau.

ISAI 58:2

Ahi’n, amau chun nisi’n in ei hawl ngei un, ka lampi le a he nuam nau hi; dik tak ah bawl sek namte gual leh, a Pathian thuthung kihei mangsanlote gual in, dik tak in vaihawm in ei tiu a; Pathian nei le a nop lam uh ahi nai.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

ISAI 65:11

Himaleh, nanghaw Lalpa nungngat ah, ka tâng thiangtho hemil ah, vangphatna Pathian hona dawkan bawl ah, vangphatna ding ah zu no sungdimte chu,

ISAI 66:17

Huan tincheng ah lût ah, a lailung tiang tiang ah zui lut ah, voksate leh ki’dak um tak tak, santhîm sa nasan ne ah kihithiangtho ah kithianthosak ma ma te chu, sukmangthai khawm sik sek hung hita’n au, Lalpa‘n a tii.

ISAI 66:24

Chuleh, hung pawtdok intiu in, ka chung ah helte thiluang chu hung en ta’n au; a than uh la thi ta pua’n tin, a meikuang uh le mit ni um ta pua’n tin, mi zosia mu ding ah thil tizat um tak hizing ta’n au, ti in.

JEREMIAH 17:13

Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

JEREMIAH 44:12

Judai gam ah nutsia ah umsun te lak ah, Aigupta gam ah chia suk ah, vachên den gawte chu man ing ka tin, a leng un mangthai in au; Aigupta gam ah chun thi’n tiu in, chemjam leh kial in thigam in au; a lian pen ah kipat a neu pen tiang in, chemjam leh kial ah thigam intiu in; tichun, mite chilsek khum leh tizat, hânsia law khum leh nuizatbûk hita’n au.

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.

2 PETER 3:7

Himaleh, zia thu ma ziak ah chun, tu’ ah vante leh leisiat um nalaite hi, mei ah hâl tum ding ah koi a hiu in, Pathian ngaisak lo mite chu vaihawm ni leh manthaina ni ah suksiat ding ah khêk in a um tadi ahi.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

1 SAMUEL 12:25

Himaleh, nunsia tak ah la um zing ua leh vang, nanghaw hi la lengpau pum in hun phiat mang mai ding ahi,” ti’n a hil tai.