ISAI 1:26 - PATHIAN LEKHABU THIANGTHO (BSI)

²⁶ Tichun, a lim ah gual khan, la vaihawmteu tungding kit ing ka tin, a lim ah kipat gual khan, la lemguattuteu kha le, tungding kit ing ka. Ziazaw chuleh, nang chu dikna khawpi leh, khawpi ginum, ti hung hita’n la.

ISAI 1:26 ပူးပေါင်းရင်းမြစ်များ

ISAI 1:21

Bangtidan ah khawpi ginum chu, nawchizuak hung suak ziang thei a dia aw! dik tak ah vaihawm sek leh, diktatna dim ahi siat tawh, tu’hin la tualthat a hita mai a!

ISAI 2:3

Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

ISAI 33:5

Lalpa chu choisa’n in a um tai, chung lam sâng tak ah chêng ahiziak in; Zion chu vaihawmna dik leh felna’n hi’dim ding ahi;

ISAI 54:14

Dikna ziakin phudet hi’n la tin; sukgentheina chu tawh kigamla ta’n la; lau him him talo ding la hi’ngal a. Tizat umna’nle hun gamlat ta’n a, la kiangnai ah le hung talo ding ahi ngal in.

ISAI 60:14

Nangma hun sugentheite suan leh pâkte chule, la kiang lam ah chun a boksa’n hung ta’n tiu in; chuleh, nang a la musit zosia kha, la kengbul ah hung bokkhup ta’n au; ziaphat chuleh, nangma chu Lalpa khawpi, Israel Mithiangtho Zion, hun ti ta’n au.

ISAI 60:21

La mite chule a leng un, midik ngen hita’n tiu in, kumtuang in gam chu luaden ta’n au. Ka lopina ding ah ka thingphu sel leh, keima khutsuak ma ma chu ahi ngal un.

JEREMIAH 31:23

Sepai honte Lalpa, Israelte Pathian in zia gual hin a gen a: A gam lam ua ka pui kit phat leh, Judai gam leh a khawpiteu ah chun zia gual paukam hi kimang kit ta’n a: “Aw, diktatna mun, Aw tâng thiangtho, Lalpa‘n hun maljawl hen,” ti in.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

JEREMIAH 33:7

Judah vangphatna leh, Israel vangphatna chu tung ding kit ing ka tin, a dinmun masa gual un umsak kit ing ka.

EZEKIEL 45:8

Zia huap sung hi Israel gam ah a gochan ding uh chu ahi. Tichun, ka lal vaihawmte chun ka mipite a hi’genthei lo diu ahi; himaleh, Israel Inkuante zosia a phung dungzui un gam a neisak zaw ding uh a hiu.

MIKAH 4:8

Aw nang, gan-gual chinna Insâng, Zion chanu mualvum ngei chu, la kiang hung tung intin, lenggam masa kha hung tung in a, Jerusalem chanu lalna ngai kha hung tung in a.

ZEPHANIAH 3:13

Israelte lakah a um sun hita’n au; amau chun thil phalo bawl pua’n tiu in, zuau gen pua’n tiu in, a kam un thepna thu le pawt him him pua’n a. Ziaphat chuleh, ne vâ in, lum intiu in, kuama’n sulau ta pua’n au.

ZEPHANIAH 3:9

Ziaphat chuleh, mipite pau thiangtho in then piak ing ka tin, lungthim kithu gual ah Lalpa min chu, a hun ko ua, a na a sep khawm theina ding un.

ZEKARIAH 8:3

Chuleh, sepai honte Lalpa‘n zia gual hin a gen hi: Zion ah hung kit ing ka tin, Jerusalem lailung ah chêng ding ka hi; tichun, Jerusalem chu khawpi ginum leh sepai honte Lalpa umna tâng thiangtho hung hita’n a.

ZEKARIAH 8:8

Jerusalem ah chêng dingin hun pui khawm ing ka. Ginumna leh dikna ziakin amau chu ka mite hita’n tin uh, keima le a Pathian uh hi ta’ng ka.

KISIMNA LEKHABU 12:3

Mosi chu, lei chung ah mi zosia lak ah thunuaigol leh nunnem pen ahi.

KISIMNA LEKHABU 16:15

A chung un Mosi a lungna ma ma ta’n, Lalpa kiang in, “A thillat uh bang ma pom piak kin. A sabiltung uh khat chale ka lâkpiak kha pua’n, a lak ua mi pakhatle ka gentheisak kha diak puai,” a tia.

THUPUAN 21:27

Zia tak chun thilbuak hi’te lut pua’n tiu in, thil kidak um hi’te leh juautheite le lût diak pua’n au; Belamno Hinna Lekhabu min kikhumte bep lût in au.