ISAI 1:23 - PATHIAN LEKHABU THIANGTHO (BSI)

²³ La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 1:23 ပူးပေါင်းရင်းမြစ်များ

2 KHANGTHU 36:14

Thiampute lak ah hotute zosia leh mipite chunle, namdangte gual in nasa tak in thil ki’dak um takte chu bawl in, Jerusalem khua Lalpa In sukthian ah a la um ta chule a hun subuak dik dek kit zo tau hi.

PAWTDAWNA THU 23:8

Golgûkna him him la lâk lo ding ahi; golgûkna hin vaihawmte mit a hi’thûm ah, midikte dikna a lebawl sek ziakin.

THUPILTE 17:23

Mi nunsia chun vaihawmna dik pêtsanna dingin, golgûkna a la sek hi.

THUPILTE 29:24

Gucha kizoppi chun ama hinna mêlma ah kisiam ahi; mi sesapna aw he maleh bangma a gendok diak puai.

ISAI 1:17

thilpha bawl zil un; vaihawmna dik hawl unla, tawden ah umte hukdok unla, nauchagate hûk unla, meithâite genpi un.

ISAI 1:18

Lalpa‘n, “Tu’hin hung unla, ngaitua khawm hitiu, la gitlonateu chu puan sandup gual in um maleh, vûk gual in vâm in a; santhîp ziang ta maleh, samul vâm gual hung hi’n a.

ISAI 1:22

La dangka thîkteu a tui-êk zo ta’n, la uain uh tui tawh a kihel zo tai.

ISAI 28:14

Ziaziakchun, nanghaw Jerusalem ah kipat, mipite chung ah vaihawm, mi musitte haw, Lalpa thu hi a la ngai un.

ISAI 3:14

Lalpa‘n a mipite lak ah upate leh, lal chate chung thu vaihawm dingin a lût hi; grep huan ne zo chu nang uh la hiu a, gentheite suam gam chu, la In sung ua umte ma a hiu.

ISAI 30:1

Aw naupang thukhelte haw, ka ti lo gual ah thil guanggal ah, ka lung lo lam lam ah kithukoppi ding siam ah, gitlona a thua thua ah bawlte chung chu a gik na e! Lalpa‘n a ti’n.

ISAI 33:15

Kuale dik tak ah tawi ah, dik tak ah thugen a, mi neisa lâkpiak ah punna doi lo ah, gawlgûkna la’lo ding ah a khut kaimang ah, thisan sua’na ding thu hetkhâk ding lau ah kivêng sek ah, thil phalo mu ding nuam lo ah mitsîng sekte chu,

ISAI 5:23

a thiamlote golgûkna ziak ah thiam chansak ah, bawlkhial neilote a diknau lâkpiakte haw, la chung uh a gik hi!

ISAI 65:2

Mipi helmangte lam ah chun, sun nitum tum in ka khutbânte hi ka jak zing ah, amau chun lampi diklo a zui un, amau lemguat dungzui in a um un;

JEREMIAH 22:17

Himaleh, la mit leh la lungthim chu vang, la lawkna diklo takte chung bep in a chu’n; tichun, maw’na beite thisan sua’na ding leh, thagum sua’na ding bep la ngaitua hi.

JEREMIAH 32:32

ziaziakchun, Israel mipite leh Judai mipite zosia’n, ei sulungna ding ah a thil phalo bawlteu zosia ziakin, amau, a lengteu leh a milian leh lalteu, a thiamputeu leh a jawlneiteu, Judai gam ah mipite leh Jerusalem khua chêng zosia tawh a leng un ka mit mu ah kipat in sumangthai sik sek ding ka hi.

JEREMIAH 4:17

Keima chung ah a hel tâk ziak un, lou hongte’n a ûm kîmvêl gual un, a ûm kîmvêl zo tau hi, Lalpa‘n a tii.

JEREMIAH 5:5

Mihausate kiang lam ah chia ing ka tin, a kiang un gen mai ing ka; amau chun vang Lalpa lampi chu hia’n, a Pathian dan uh chu he ngei ngei in au,” ka ti’n. Himaleh, a leng un a ngawngkol uh a susia tau a, a mi kânna khaute a ât tan zo tau hi.

JEREMIAH 5:6

Ziaziakchun, gammâng ah kipat hung pawt, sakeibaknei chun that intin, gamkeu ah kipat hung pawt, Ngei in puaitel in a. A sukkhialnau a tam ziak leh, a nungtolnau a huaisiat bêk ziakin, a khawpiteu chu gialbem in a châng ah; a pawtdok taphot chu puaitel hi’n au.

EZEKIEL 12:2

Mihing, thunung lo Inkuante, mit nei ngal ah muthei lo leh, bil nei ngal ah hetheilote lak ah chêng la hi;

EZEKIEL 22:27

A sung ah vaihawm hotute chu, ngei sane lai gual chu a hiu a; thisan a suau ah, diklo tak ah lawkna hawl in mi hinna a lau hi.

HOSEA 4:18

A zudawn uh a kichai phat leh, thanghuai tak in a kimang un; a lopinau sâng in a thanghuainau a ngaina zawu hi.

HOSEA 5:10

Judah leng chapate chu gamgi chawn mite gual a hiu in; a chung ua ka lungnatna chu, tui gual in buntha ding ka hi.

HOSEA 9:15

A gitlonau zosia kipatna chu Gilgal ahi’n; zia kipat khan ka hua ahi. A thilbawl uh sual tak ziakin, ka In ah kipat in deldok ding ka hi. Hepi ta pua’ng ka; a milianteu zosia chu helmang ahi ngâl un.

AMOS 5:12

La bawsiatnau a tam dan, la gitlonau a nasat dante, mi diktatte la sugenthei un, golgûkna la lau ah, vaihawmna kotkhak bul in mi tasamte la sawndok ui, ti ka he ngal a.

MIKAH 3:11

A vaihawmteu in golgûkna’n vai a hawm un, a thiamputeu inle law mu’na ding bep in a zilsak un; a jawlneiteu inle sum mu ding kinem in thu a gen sek ui; chutisapi’nle, Lalpa chung ah a ki-ngau in “Lalpaei umpi ngei hi! I chung ua siatna bangma hung tung pua’n ah,” ti’n thu a gen sek ui.

MIKAH 3:9

Nanghaw Jakob Inkuan ah hotute leh, Israel Inkuan ah vaihawmte haw, vaihawmna dik zosia ki’dak ah, dikna zosia bangmalo ah koite haw, zia thu hi a la ngai un.

MIKAH 6:12

La mi hausateu chu kipawngbawlna’n a dim un, zia chêngte chun a kam un thep hatna lei in zuau thu a gen un.

MIKAH 7:3

A khutteu chu thil phalo bawl a thiam ma mau in; a milianteu leh thutanteu chun golgûkna a don un; mi thuneite chun a duthusam dungzui tak un a zikdaw sak un; tichun, dikna chu a heikawi tau hi.

ZEKARIAH 7:10

meithâi, nauchaga, malzin leh migentheite chu nuaisia kiu in; kuama’n la lungthim ziang unle la unauteu siatna ding ngaitua kiu in, a ti’n.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

KISIMNA LEKHABU 22:7

Tichun, Moab upate tawh Midian upate chu a khut ua âisân man ding chawi in a pawt tau a; chuleh, Balaam kiang a hung tun phat un, Balak thugente chu a hil tau a.

MATTHAI 21:13

A kiang un, Ka In chu pauchapna In kiti ding ahi, ti ah kizik ahi; himaleh, nang un guchate kikhum khawmna’n la mang ui, a tia.

MARKA 11:17

A kiang ua thu hil in, zia gual hin a gen a: “Ka In chu namtin â ding ah pauchapna In kiti ding ahi, ti zik hilo a hem? Nang un vang gucha hon kikhum khawmna’n la mang ui,” a tia.

LUKA 19:46

a kiang un, “Ka In chu pauchapna In ahi, ti zik ahi ngal a; nang un guchate kikhum khawmna’n la mang tau hi!” a tia.

LUKA 24:27

Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

DAN LEKHABU 16:19

Dikna chu manlo sua kiu inla, doichuam bîk la nei lo ding ahi; gawlgûkna le la kiu in; gawlgûkna chun mipilte mit a hi’thûm ah, a dikna thugen uh a changma sek hi.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.

1 SAMUEL 8:3

Himaleh, a chate hin ama umchan zui lo in, amau lawkna ding bep a ngaituau ah; golgûkna a lau ah, diklo tak in vai a hawm tau hi.