ISAI 1:21 - PATHIAN LEKHABU THIANGTHO (BSI)

²¹ Bangtidan ah khawpi ginum chu, nawchizuak hung suak ziang thei a dia aw! dik tak ah vaihawm sek leh, diktatna dim ahi siat tawh, tu’hin la tualthat a hita mai a!

ISAI 1:21 ပူးပေါင်းရင်းမြစ်များ

2 SAMUEL 8:15

Tichun, David in Israelte zosia chung in vai a hawm ta’n; chuleh, David in a mipi zosiate chung ah thudik leh doichuam nei lo in vai a hawm a.

2 KHANGTHU 19:9

Zia gual hin amau chu thu a pia’n: “Zia gual ah hin la bawl diu ahi: Lalpa lau kawm zing in, ginum tak leh la lungthim zosiau in sêm unla;

NEHEMIAH 11:1

Mipite lak ah hotute chu Jerusalem khua’n a chêng un; mipi dang cheng chu khawpi thiangtho Jerusalem ah chêng ding, amau sawmkhat jel lak ah kipat pakhat chiat têldawna dingin âi a sân un; a lak ua sawmkhat jel lak ah pakuate chu vang khawpineu dang haw ah chêng ding a tiu a.

SAM 46:4

Lui pakhat a um ah, zia lui bâkte chun Pathian khawpi a kipaksak un, Chungnung Penpa chênna thiangtho ngei chu.

SAM 48:1

I Pathian khawpi Lalpa chu a lopi hen, lopi tak ah chawihoi ding ahi!

SAM 48:8

Sepai honte Lalpa khawpi ah chun, bil ah ka la het gual un ka mu tau; I Pathian uh khawpi kumtuang â ding ah, Pathian in a phudetsa ngei ah chun.

ISAI 1:22

La dangka thîkteu a tui-êk zo ta’n, la uain uh tui tawh a kihel zo tai.

ISAI 26:10

Mi nunsiate chu doisak hi maleu, felna a zil nuam diak puau in; dik tak ah chêngte gam ah hin, lepchia tak in a bawl sek un, Lalpa ja’umna chule a mu ngai puau hi.

ISAI 48:2

Khawpi thiangtho min ah kiminvua te, Israelte Pathian ah kinga ah, la kisaktheipi ma mau chu; a min, sepai honte Lalpa ahi.

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

ISAI 59:14

Vaihawmna dik chu le’bul in a um ta’n, diktatna chu gamla tak in a ding den tai; thutakna chu khawlai tualjang in, a kipal pâi ta’n; chuleh, thudikna chun mun a nei ta puai.

ISAI 59:15

Thutakna chu a lawsam ta’n, gitlo’na kipat kiheimang taphot chu, khut thuak ding ah kipia gual a hiu. Lalpa chun a la mu ta’n, vaihawmna dik a um tâk lo ziakin, a lung a dam ta puai.

ISAI 59:3

La khutteu chu thisan ah sukbuak a la hita’n, la khutzungteu chule khawlona sukbuak a la hi zo ta’ngal a; la mûk un zuau thu a gen tau a, la lei un nunsiatna thu ngen, a gendok ta’ngal a.

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

HOSEA 11:12

Ephraim in zuau thu’n ei ûm kîmvêl un, Israel Inkuan in dawha’n ei ûm ui; himaleh, Judah vang Pathian tawh a kiton in, Thiangtho Pa â dingin a ginum nalai hi.

HOSEA 2:5

A nuu chu a thanghuai sek a, amau vopnu chu jachâk um tak in a um tai. “Ka an leh ka tui, ka samul leh ka pat, ka sathau leh ka dawn ding ei pete, ka hepite delzui ing ka,” a ti’ngal in.

HABAKKUK 1:4

Tichun, dan chu a tânjau in, vaihawmna dik a um puai. Migilo in mi diktatte a ûm vêl un, ziaziakchun, thudik chu bangmalo a suak tai.

ZEKARIAH 8:3

Chuleh, sepai honte Lalpa‘n zia gual hin a gen hi: Zion ah hung kit ing ka tin, Jerusalem lailung ah chêng ding ka hi; tichun, Jerusalem chu khawpi ginum leh sepai honte Lalpa umna tâng thiangtho hung hita’n a.

LUKA 13:34

Aw Jerusalem, Jerusalem, jawlneite that ah, la kiang ua hun kisawlte suang ah sep sekte haw! Akpin a note a tha nuai ah a awp khum gual in, la chate tamvei tak awp khum ka nuam in; himaleh, la nuam puai!

NASEPTE 7:52

La suanpateu in a la sukgenthei lo uh jawlnei a um kha em? Mi Dik tak hungna ding a la genlawkte chu a la that un; tu’hin nanghaw hi a matsakte leh a thatte la hung hitau hi.

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;

THUPUAN 11:2

“Ahi’n la, Pathian tempul paw lam huang sung hivang te’ kin, Jentelte kiang ah piak ei tai; chuleh, amau chun zia khaw thiangtho hi tha sawmli leh tha ni chuan dên in au.

THUPUAN 11:8

A luang uh chu khawpi lai, lamlian ah sial intin uh, zia khawpi chu thagau lam thu ah Sodom leh Aigupta a hia; zia tak ma chun a Lalpau kros in a khenden ui.

THUPUAN 17:1

Belbu pasagi chawi vansawlchâk pasagite lak ah pakhat chu a hung ah, ei hung ho a: “Zia lam hin hung in, tui tam tak chung ah kichu, numei kizuaknu chung ah vaihawmna lopi chu etsak ing ka;