ISAI 1:17 - PATHIAN LEKHABU THIANGTHO (BSI)

¹⁷ thilpha bawl zil un; vaihawmna dik hawl unla, tawden ah umte hukdok unla, nauchagate hûk unla, meithâite genpi un.

ISAI 1:17 ပူးပေါင်းရင်းမြစ်များ

SAM 34:14

Gitlona nusia’n la, thilpha bawl in; kichamna hawl inla, a del in del mai in.

PAWTDAWNA THU 22:21

Malzin chu dik lo tak ah la bawllo diu, la sukgenthei lo diu ahi: Aigupta gam ah malzin la hi ta’ngal ua.

THUPILTE 15:25

Lalpa‘n mi kiletsakte In chu a phiat piak sek a; meithâite gamgi chu vang a hi’det piak sek hi.

THUPILTE 21:3

Dikna leh thutakna chu, Lalpa‘n kithoina sâng in pom tâk a sa zawi.

THUPILTE 31:9

Amau â dingin thu gen inla, dik tak in vaihawm inla; migentheite leh tasamte chu khawtua in.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 10:2

mi tasamte diklo tak ah vaihawm piak ah, ka mipite lak ah migentheite, a diknau lâkmang piakte, meithâite galmat gual ah man a, nauchagate suamgamte haw, la chung uh a gik hi!

ISAI 56:1

Lalpa chun zia gual hin a gen a: Thu dik in vaihawm unla, dik tak in bawl un; ka hukdamna chu hung tung pai ta’n tin, ka hukdawna chule hung kilang pai ziang ding ahi ngal a.

ISAI 58:6

Anngawl dan ka doidan chu zia gual hi ahi: Diktatlo’na khauhual thap thâk a, ngawngkol puak lâk thâk ah, nuaisia ah umte zalensak ah, ngawngkol zosia khetbot hi ahi.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 22:3

Lalpa‘n zia gual hin a gen hi: Dikna leh thu tak in sêm unla, sugentheipa khut ah kipat in suam ah um zosia chu hukdok un. Gam dang mite, nauchagate leh meithâite chung ah thil diklo leh thagum sua’na bawl kiu inla, zia mun ah hin maw’na neilote thisan chu sua kiu in.

JEREMIAH 35:15

ka suak jawlneite kha la kiang un gunchu tak ah zia gual ah hi thu hung gen dingin ka hun sawl ta’n: “Mi tin in la thilbawl uh phalo haisan in hung kihei kit unla, la thil bawlkhial uh bawl pha kit unla, la pu leh pateu leh nanghaw chênna ding ah ka la piakna gam sung ah hin, la chên zing theina ding un, pathian dangte lam ah kihei mangsan in a nau sêm kiu in,” ti in. Himaleh, ka thugen ngaisak lo in, ka thule la mang puau hi.

EZEKIEL 18:31

Ka chung ah la thil bawlkhial zosiau haisan unla, lunggil thak leh thagau thak kilâk lût chiat tau in! Aw Israel Inkuante haw, bang ding ah thi laizang ding la hiu em?

EZEKIEL 22:7

La sung ah chun nu leh pate musit in a um un; la sung ah malzinte suam in a um un; la sung ah nauchaga leh meithâite diklo tak ah bawl in a um ui.

EZEKIEL 45:9

Lalpa Pathian in zia gual hin a gen hi: Aw Israel lengte haw, a hun tai! Hiamngamna leh kihi’gentheina haisan unla, diktatna leh thudik in vaihawm tau in; ka mite a gam ua kipat nawdok ta kiu in, Lalpa Pathian in a tii.

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

ZEKARIAH 8:16

Ziate hi ahi la bawl ding uh chu: Mitin thudik kigen tua chiat in, la kotbul ua thudik ah vaihawm in, kichamna ding ngen bawl unla;

DAN LEKHABU 14:29

Lalpa la Pathian un la khut nasep zosiau ah a hun maljawl theina dingin, la lak ua chantum nei lo Levite leh la lak ua gam dang mi chêngdente, nauchagate leh meithâite chun a vâ chiat un a hung ne ding uh ahi.

JAKOB 1:27

Pathian leh Pa mit mu ah sakhaw thiangtho leh sukbuak lo chu zia hi ahi: nauchagate leh meithâite a genthei lai ua kanthâk leh khawvel kisukbuak sak lo hi ahi.