15 La khut ua lei hun bat phat ua leh, nang uh mu lo dingin, ka mit sêlmang ing ka; tam veipi pauchap maleu chin, ngaitha pua’ng ka; la khut uh thisan in a dim ta ngâl a.
Solomon in Lalpa kiang ah zia pauchapna leh dotna hi a lat zaw phatin, Lalpa mâichâm âng ah khupdin ah a khut van lam ah a jakna mun ah kipat chun a hung thodok a;
Nitâk lam kithoi hun a hung hi’phatin, ka puanâk leh puansil tel nêt nût in, ka anngawlna kipat hung thodok in ka khupdin ah, ka khutbânte jak in, Lalpa ka Pathian kiang ah zia gual hin ka pauchap a:
Mosi’n a kiang in, “Khawpi paw lam ka pawt daw phat leh Lalpa kiang in ka khutte jak ing ka tin; tichun, van-gi chawl intin, gialpi le ke diak ta pua’n a; tichun, lei chung pumpi hi Lalpa â ahi ti la hettheina dingin.
Ngai tiam u, kinakna ding, kinialna ding leh nunsiatna khuttum ah, mi la voktheina ding bep ua anngawl la hiu. Tu’ni zia gual ah an la ngol uh hi, chung lam ah la aw’u het hi ngai lo ding ahi.
Gilkialte nêk ding la piak ah, In leh lou bei gentheite la In ah la chênsak ah, nîk leh puan beite la thuam ah, la sang la suaiteu la kisêlmang san lo ding uh hilo maw?
La min hun ko nuam leh, nang hun tuzui ding ah kichok hal nuamle, kuama a um ta puau hi; ka mau ah kipat in la mai la sêlmang ta’n; ka khawlonateu ziakin lei pâmpai ta’ngal a.
Ziaziakchun, Lalpa‘n zia gual hin a gen hi: A pumpel theilo hial ding un a chung un siatna hun tunsak tei tei ding ka hi; ei hun ko maleu le a la ngaitha lo ding ka hi.
Anngawl in pauchap maleu le, a dotnau ngaitha lo ding ka hi; hâlmang thilpiak leh thâilat thilpiakte hun lân maleule a la pom lo ding ka hi; himaleh, chemjam a hem, kialna a hem leh natpi a hem in a leng un hi’mangthai ing ka, ti in.
Numei naunei gual ah gim aw ka hia’n, a chatil nei ding gual ah thuakgim aw gi gual ah, Zion chanu halâ tak ah a khut van ah kiko chun, “Ka chung a gik na lawm lawm e! Ei that dingte âng ah chun ka basam tai,” ti aw chu ka he ta ahi.
Chuleh, namtin in Israelte’n diklo tak ah ei la bawl ziak un, a gitlonau ziak ah sal in a tâng tau in; tichun, ka kisêl mangsan ah, a mêlmateu khut ah pedok in, a gâlteu in a thâ gam uh ahi ti he ta’n au.
Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.