ISAI 1:1 - PATHIAN LEKHABU THIANGTHO (BSI)

¹ Amoz chapa Isai in Judai gam ah lengte: Uzziah, Jotham, Ahaz leh Hezekiah a lal lai un, Judah leh Jerusalem chung thu ah kilâkna a la mu lawk a.

ISAI 1:1 ပူးပေါင်းရင်းမြစ်များ

2 LENGTE 15:1

Israel Lengpa Jeroboam chu kum sawmni leh ni leng ahi kum in, Judah Lengpa Amaziah chapa Azariah chun Judai gam in vaihawm in a hung pang hi.

2 LENGTE 15:13

Chun, Judah ah Lengpa Uzziah kum sawmthum leh kua’na ah chun, Jabesh chapa Shallum chun Israel gam in vai a hun hawm panah, Samaria ah chun tha khat sung bep vai a hawm hi.

2 LENGTE 15:32

Israel ah Lengpa Remaliah chapa Pekah vaihawm hun kum ni a ti’n kum ah chun, Judai gam in Lengpa Uzziah chapa Jotham vaihawm in a hung pang hi.

2 LENGTE 15:7

Tichun Azariah chu a pu leh pate kiangah chun a ipmu ta’n, David khawpi ah a pu leh pate thân in a vui tau ah, chun, a chapa Jotham chun ama thasâng in vaihawm in a hung pang tai.

2 LENGTE 18:1

Judai gam ah Lengpa Ahaz chapa Hezekiah chu vaihawm in a hung pang pan hi.

2 LENGTE 19:2

A Inkuan lak ah thuneitu Eliakim chu tawh, dan lam ah mithiam Shebnah tawh, thiampute lak ah upate tawh, saidip puan sil kawm in, Amoz chapa jawlnei Isai kiang in a sawl a.

2 KHANGTHU 26:1

Ziaphatchun, Judai gam ah mipite zosia chun, kum sawm leh guk bep ah upa Uzziah chu, a pa Amaziah thasâng ah leng hiding in a guat tau a.

2 KHANGTHU 26:22

Tu’hin, Uzziah thilbawl zosia chu, a masa pen ah kipat a nunungpen tiang in Amoz chapa jawlnei Isai in a la zikdok tai.

2 KHANGTHU 27:1

Jotham chu kum sawmni leh nga a tin in vaihawm in a pang pan a; Jerusalem khua chun kum sawm leh guk sung vai a hawm hi. A nu chu Zadok chanu Jerushah ahi.

2 KHANGTHU 28:1

Ahaz chu kum sawmni a ti’n in vai a hawm pan ah; Jerusalem ah chun kum sawm leh guk vai a hawm hi. A pu David gual in Lalpa mit mu ah thilpha a bawl pua’n;

2 KHANGTHU 29:33

Kithoina ding ah hung kipekhawm zosia chu: Bawngchal za guk tawh belam sang thum ahi.

SAM 89:19

Malai ah chun la mi ginum kiang in, kilâkna’n thu la gen a; “Mihat chung in ka lallukhuk ka koi in, mipite lak ah kipat têlchuam ah um chu ka chawihoi tai.

ISAI 13:1

Amoz chapa Isai in Babulon chungchâng ah a thil mu lawk chu zia gual hi ahi:

ISAI 2:1

Judah leh Jerusalem chung thu ah Amoz chapa Isai thugen chu:

ISAI 20:2

Amoz chapa Isai kiang in Lalpa‘n zia gual hin a hun gen a: “Chia in la, la kawng ah saidip puan chu liptha’n la, la kengtawdap khale sût in,” a hun ti’n. Tichun, a ti gual ah chun ama’nle a bawl ah, ngawnchang leh kengtawdap bei in a chia a.

ISAI 21:2

Thil tizat um tak hung tung ding chu ka kiang in a gen a; dawha thûk tak ah bawlpa chun dawha’n a hun bawl ah; thil hisepa chun a hun hise malam pek hi. Aw Elam, Chia to in! Aw Media, hung ûm chimit tau in; Babulon in a hilung ngaisak zosia hun hi’bei ding ka hi tai.

ISAI 37:2

Lal In sung ah vaihawmpa Eliakim tawh, lekhaziktu Shebna tawh thiampute lak ah upa deu deute chu saidip puan sil pum in Amoz chapa, jawlnei Isai kiang in a hun sawl ta’n.

ISAI 38:1

Zia hun lai ah chun Hezekiah chu thi tavang ah damlo gim in a um a. Amoz chapa jawlnei Isai a kiang ah hung in, zia gual hin a hung gen a: Lalpa‘n zia gual hin a gen hi: “La Insung sutûp in, thi ding la hi ta’ngal in; damdok talo ding la hi,” vati’n, ti in a gen a.

ISAI 40:9

Aw Zion, chanchinpha hun tuntu, mual sâng chung ah kal to in. Aw Jerusalem ah chanchinpha hun tuntu, a ngai thei pen in kiko inla, kikodok inla, lau kin; Judai gam ah khawpite kiang in: “La Pathian uh zia hin a um hi,” ti’n hil un.

ISAI 6:1

Lengpa Uzziah a thi kum in, Lalpa chu lal chutpha kichu, sâng tak leh lian tak in ka mu’n; chuleh, a puansil mongte chun tempul sung a lua dim hial a.

ISAI 7:1

Judai gam ah Lengpa Uzziah chapa, Jotham chapa Ahaz a lal lai in, Suria Lengpa Rezin tawh, Israel Lengpa Remaliah chapa Pekah chu Jerusalem do dingin a kuan tau ah; himaleh, a va zo puau a.

JEREMIAH 23:16

Sepai honte Lalpa‘n zia gual hin a gen a: La kiang ua thugen ah hung jawlneite thugen him him ngaitha kiu in, a hun thêm chavai mai mai a hiu. Lalpa kam ah kipat hilo, a lungthim suangtuanau mai mai a gen zaw ngal un.

EZEKIEL 1:1

A kum sawmthumna, tha li’na, zia tha ni nga a tin ni chun, Khebar lui pang ah saltângte lakah ka um pet in, van a hung kihong ah, Pathian kilâknate chu ka mu ta’n.

HOSEA 1:1

Judai gam ah lengte, Uzziah, Jotham, Ahaz chuleh Hezekiah leng a hilai in leh, Israel lenggam ah Lengpa Joash chapa, Jeroboam Leng a hilai ah, Beeri chapa, jawlnei Hoshea kiang ah Lalpa’n thu a hun gen chu.

AMOS 1:1

Judai gam ah lengpa Uzziah leh Israel gam ah lengpa Joash chapa, Jeroboam vaihawm hun lai in, lînlîng masang kum ni ah, Tekoa mun ah belam ching mi lak ah mi, Amos in Israelte chung thu a mu chu:

AMOS 4:5

kipakna thillat thawi pang vaithum hun lân unla, kiphalna dungzui ah thilpiak chawi dingin phuang unla, thu than vêl un; aw Israel mipite haw, zia gual ah bawl chu la thatnop lam tak uh ahi ngal a! Lalpa Pathian in a tii.

MIKAH 1:1

Judah gam ah lal Jotham, Ahaz leh Hezekiah hun lai ah, Lalpa thu Moreseth khua um Mikah in Samaria leh Jerusalem chungchâng ah thil hung tung ding a la mu lawk chu:

NAHUM 1:1

Nineveh chung ah puakgik, Elkosh khua Nahum thil mu kilâkna lekhabu chu:

HABAKKUK 2:2

Ziaphatchun, Lalpa‘n ei dawnhu ta’n: Kilâkna chu zikdok inla, suangpêk ah hun zikdok in; a tai kawm ua le sim ziang thei ding ah, kichian tak in zikdok in.

KISIMNA LEKHABU 12:6

A kiang un, “Ka thu hi ngai un: La lak ua jawlneite a um lai un, kei Lalpa hi a kiang un kilâkna’n ka vakilâk in; manglam in a kiang un thu ka gen sek a.

KISIMNA LEKHABU 24:16

Pathian thute he’ thugenpa, Elyon hetna nei ah, Elshaddai kilâkna mupa thugen, bokkhup ah, mit kituam lo chun:

KISIMNA LEKHABU 24:4

Pathian thute he’ thugenpa; Elshaddai kilâkna mupa thugen, bokkhup ah, mit kituam lo chun:

MATTHAI 17:9

Tâng ah kipat a hung suk lai un, Jesu’n, Mihing chapa thina kipat a thaw kit masang sia; zia thil la muu hi, kuama kiang in gen kiu in, a tia.

NASEPTE 10:17

Peter chun zia a thil mu chu bang ti’na ahi diam tia ngaitua ah a lungkham lai in, Kornelia’n mi a hun sawlte kha, Simon In hun hawl in kêlkot bul in a hung ding tau a.

NASEPTE 26:19

Ziaziakchun, aw Lengpa Agrippa, zia van ah kipat kilâkna chu nial thei ding gual ka la hita puai;

2 KORINTH 12:1

A phatchuamna ding umlo maleh, suang him him ding ka hi; Lalpa kiang ah kipat kilâkna leh hiatsakna thu hun gen nalai ing ka.

2 PETER 1:21

Thu genlawk him him hi mihing thu pawt ahi ngai pua’n; mite’n Thagau Thiangtho sawl in, Pathian ah kipat a muu ah a gen uh ahi zaw sek hi.