HOSEA 9:8 - PATHIAN LEKHABU THIANGTHO (BSI)

⁸ Jawlnei chu ka Pathian â dingin, Ephraim chung ah gâlvengpa ahi; tichun, a lampi zosia ah chun, thângkamte thâng a um in, a Pathian In ah chun kihuatna a um hi.

HOSEA 9:8 ပူးပေါင်းရင်းမြစ်များ

1 LENGTE 17:1

Tu’hin, Tishbi mi Elijah, Gilead gam ah Tishbe khua um chun, Ahab kiang in, “A âng ah ka dinna pa, Lalpa, Israelte Pathian a hin gual in, ka thu lo in, zia kumte ah hin gua leh daitui him him ke lo ding ahi,” a tia.

1 LENGTE 18:1

Ni tam tak nung in, khawkhâlna a kum thumna chun, Elijah kiang in Lalpa‘n thu a hun gen a, “Chia inla, Ahab vakimusak in; lei chung ah gua hun sawl ding ka hi,” ti in.

1 LENGTE 18:19

Ziaziakchun, tu’hin Karmel tâng ah Israelte zosia tawh, Baal thiampu za li leh sawmngate kha tawh, Jezebel dawkan ah an ne sek Asherah jawlnei za li te kha ei hun ko khawm piak in,” a tia.

1 LENGTE 22:11

Kenaanah chapa Zedekiah in thik kî a kisiam ah, “Lalpa‘n zia gual hin a gen hi: Aram mite chu zia kîte ah hin suksiat ahi masang siau siu in a tii,” ti’n a gen a.

1 LENGTE 22:22

Lalpa chun, ‘Bangti’n la zawl pûk diam?’ ti’n a dong ah. Ama chun, ‘Chiadok ing ka tin, a jawlneite zosia kam ah thagau lepchia vahi’ng ka,’ ti’n a dawnhu a. Lalpa chun, ‘Vazawl pûk in la tin, lawting ngei ding la hi; chia inla vabawl in,’ a tia.

1 LENGTE 22:28

Mikaiah in, “Nang thamuang tak ah la hung kile’kit chun, Lalpa‘n ka kiang ah thu gen lo himai ding ahi,” a tia. Chuleh, “Nanghaw mipite haw, la leng un ngaithau in!” a ti tai.

1 LENGTE 22:6

Ziaphatchun, Israelte lengpa chun jawlneite zosia a ko khawm ah, za li vel a hiu ah; a kiang un, “Ramoth-gilead ah galdo dingin kuan to ding ka hem, ahiloleh, kuan da mai ding ka hem?” ti’n a gen a. Amau chun, “Kuan to in; zia chu Lalpa‘n lengpa khut ah hun pia ding ahi,” a tiu a.

2 LENGTE 13:21

Mi pakhat a vui ding kuan tak ua chun, mi bulu hon khat a mu tau ah, mithi chu Elisha thânkhûk sung in a sep lut ziang tau a; zia mithi luang chun Elisha gute chu a sukkhak phatin, a hung hing ta’n, a keng in a hung dingdok tai.

2 LENGTE 2:14

Elijah puanchual ama ah kipat hung ketha chu a la, “Lalpa, Elijah Pathian ngei chu khoi ah a um em?” ti kawm in tui chu a khen a. Tui chu a khet phatin, a langkhat leh a langkhat lam gêl in a hung kikhen ta’n, Elisha chu a chia gâlkâi tai.

2 LENGTE 2:21

Tichun, a chia ah tuinâk ah chun, chi chu a sep lut ah, “Lalpa‘n zia gual hin a gen hi, ‘Zia tui hi damna tui in ka siam tai; tu’kipat hin thi’na ahiloleh naunei theilo’na hung pawt ta pua’n ah’ a tii,” a tia.

2 LENGTE 4:41

Ama chun, “Ahileh, changbuang hun lau in,” a tia. Zia chu bubêl sung ah chun a sep lut a, “Mipi chu thuk piak unla, nêksak tau in,” a tia. Tichun, bubêl ah chun bangma thitheina a um ta puai.

2 LENGTE 4:43

Himaleh, a suakpa chun, “Zia hi mipi za khat âng ah ka bangti lui ding a hem?” a tia. A vêl in a gen kit ah, “Mipite kiangah pia’n la, nêksak in, Lalpa‘n zia gual hin a gen hi, Amau chun ne’n tin uh, a vâl le umsak ding a hiu,” ti’n, a tia.

2 LENGTE 5:14

Tichun a chia ah, Pathian mi thugen dungzui ah chun Jordan ah chun sagivei a vakidia ah; a taksa chu pawsal naupang taksa gual a hung hi kit ah a hung thiang tai.

2 LENGTE 5:27

Ziaziakchun, Naaman phâkna chu nang tawh la suante chung ah kumkhua’n um den ta hen,” a tia. Tichun, vûk gual ah vam hial in a phâk tai.

2 LENGTE 7:19

sepai hotu chun Pathian mi kiang ah, “Lalpa‘n van laizawl ah khin tukvante siam leh le, zia tawh bang thil chu tung thei ding a hem?” ti’n a la dawnhu a. Chuleh, ama’nle, “Zia chu la mit ngei in mu’n la tin, himaleh, nepha lo ding la hi,” a la ti gual ngei khan a hung guitung tai.

2 LENGTE 7:2

Sepai hotu, lengpa’n a khutmatchâk pen ah a neipa chun, Pathian mi kiang ah chun, “Lalpa‘n van laizawl ah khin tukvante siam ziang leh le, zia tawhbang thil chu tung thei ding a hem?” a tia. Himaleh ama chun, “Zia chu la mit ngei in mu’n la tin, himaleh zia haw chun ne lo ding la hi,” a tia.

SAM 124:7

Thângkam mite thâng ah kipat vacha suakcha gual in, I hinnau a suakcha’n; thâng chu suksiat ah um in, ei haw suakcha kha mai mai I hiu!

THUGENTU 9:12

Kuama’n a chung ah siatna hung tung ding chu a helawk thei paw’ngal a. Sanga lên ah awk gual leh, vacha thâng ah awk gual in, mihingte chung ah le siatna chu a hung tung phut sek hi.

SOLOMON LÂ 3:3

Khawpi sung ah vâkvêl gâlveng mite’n ei muu a: “Ka hinna’n a thangai pen kha la muu em?” ka ti’n.

ISAI 62:6

Aw Jerusalem, la kulbângte chung in, gâlvêngte ka hun koi piak hi; a sun a jan in chawl pua’n au.

JEREMIAH 11:19

Himaleh, kei chu belamno nunnem tak, thâlup ding ah a kai uh gual chu ka hi. “Thingkung chu a ga pum in hisiai tiu in, mihing gam ah kipat hin sat tan hitiu in, a min hetmil veng veng hiding in bawl hitiu,” a ti lai ua khan, keima ei tha’na ding ah lungthim phalo tak, a la guanggal ahi lam uh ka la hepuai.

JEREMIAH 14:13

Ziaphatchun keima’n, “Katei, Lalpa Pathian! Zia tak ah jawlneite hin a kiang un: Kidona chemjam chu tuak pua’n la tiu in, kialna le tuak lo in zia mun ah hin thamuang tak in um ding la hiu, a tiu a,” ka ti’n.

JEREMIAH 23:13

Samaria gam ah jawlneite lak in, ki’dak um khat ka mu tai; Baal min in thu a genlawk un, ka mipi Israelte chu a pui mang tau hi.

JEREMIAH 31:6

“Hung un, Lalpa I Pathian kiang un, Zion ah chia to hitiu,” ti ah Ephraim tânggam ah gâlvêngte kiko dawna ni ding chu, hung tung ngei ngei ding ahi tai.

JEREMIAH 6:14

Ka mipite beliam chu thulim lo tak in a kaituau in, thamuanna ding a umlo lai inle, “Muanna, Muanna,” a tiu hi.

JEREMIAH 6:17

Chun, nang uh â dingin gâlvêngtu ka koi hi: “Pengkul git chu a la ngaisak un!”. Himaleh, amau chun, “A la ngaisak pua’ng kau!” a tiu a.

KÂ LATE 2:14

La jawlneiteu in la chung ua, thil tung ding a diklo leh, kithepnate bep a mulawk un; khawnung ah tundin kit, la hitheina ding un, la mantheilonau mulo in, nanghaw puimang thei thu diklo bep, a mu zawu tau a.

KÂ LATE 4:13

A jawlneiteu gitlo ziak leh, a thiamputeu diklona ziakin, midikte thisan chu a khawpi sung ah sua ahi tai.

EZEKIEL 3:17

Mihing, Israel Inkuante vêng dingin ka hun siam tai; ka kam ah kipat thu la het phat leh, keima ah kipat in thu la hil ding ahi.

EZEKIEL 33:7

Chutichun, nang mihing, Israelte gâlvêngpa hidingin ka hun guat la hi tai; bangtik hun hileh ka thugen la het taphot, kei ah kipat hillawkna thu chu la gensawn sek ding ahi.

HOSEA 5:1

Aw thiampute haw, he tau in! Aw, Israel Inkuante haw ngaisak un! Aw lengpa Inkuante haw, a la ngaiphau in! Vaihawmna chu la chung un hung tung ding ahi ngal a; Mizpah ah thâng kikam leh, Tabor tâng ah lên kijak tawh bang la hitau in;

HOSEA 9:7

Gawtna nite chu a hung tung in, thukna nite chu a hung tung tai; Israel in ko intin, “Jawlnei chu mingol ahi’n, thagau mi chule a ngol ahi tai,” ti in. La khawlona huaisia tak ziakin, la huatna le a huaisia ahi.

HOSEA 9:9

Gibeah ah a um lai gual uh khan, amau leh amau nasa tak in a kisubuak ui; a khawlonau chu hezing intin, a gitlonau chu gawt ding ahi.

MIKAH 7:4

A lak ua mi pha pen chu hampa lingnei gual ahi’n, a lak ua mi lungthim zang pen chule dâi lingnei a bang bep ui. Amau gawtna ding ni, la gâlvengteu gawtna ding chu, hung tung ding ahi tai; tu’hin a lungdon niu chu a nai tai.

JOHAN 15:24

Midang in thil a la hi khâk ngailote a lak ua hi’lo hileng chu, gitlona nei hipua’n au; tun ahileh vang chu, kei leh ka Pa chu ei mu tau in, huat le ei haw tau hi.

ROMTE 3:7

Ahiloleh, thu diklo ka gen ziak ah Pathian thutakna chu a hung lopi zawkna ding a hi’thei chun, bang ziak ah keile migilo gual ah thiamlo chansak ah um ka hem?

HEBRAITE 13:17

La hotuteu thu mang unla, a nuai un kitulut un; amau in la thagau uh hun vêng bit ah, la chanchin uh hil ding ahi ngal un. Zia chu kipak tak leh thatho tak in sêm zawu hen, achutiloleh, nanghaw â dingin khawk zaw ding ahi.