HOSEA 9:4 - PATHIAN LEKHABU THIANGTHO (BSI)

⁴ Lalpa kiang ah dawn thilpiakte uain sungtha ta pua’n tiu in; a thillatteu chun ama kipaksak pua’n a. Zia gual thillatte chu lusûnte vaithum gual hi’ntin, a ne taphot chu buak ngâl in au; a vaithum uh chu a gilkialnau â ding bep ahi ngâl a; zia chu Lalpa In ah hung lut pua’n a.

HOSEA 9:4 ပူးပေါင်းရင်းမြစ်များ

PAWTDAWNA THU 29:40

belamno a masa zaw chu tawh, changbuang te’na dim khat mun sawm ah khen ah mun khat tawh, thau kihekdok te’na Hin khat mun li ah khen ah mun khat tawh kihel; chuleh, dawn thei thillat ding ah uain Hin khat mun li ah khen ah mun khat la hun lat diu ahi.

PAWTDAWNA THU 40:23

Mosi kiang ah Lalpa’n thu a piak gual tak in, Lalpa âng ah dawkân chung ah chun vaithumte chu a um ding gual tak in a koi a.

ISAI 57:6

Phâijawl ah suangpêk zol tak tak te lak ah, la chantum ding uh a um in; amau, amau haw ma ma chu la vâng ua kia a hiu; amau kiang ah chun dawnchi kithoina tuite chu, la sungtha sek un, nêkthei le la pesek uh hilo a hem? Zia thilte ah chun lungdam ding ah, lei ngaituau a hem?

ISAI 66:3

Bawngchal that tapo chu mihing that gual hi’ntin; belamno kithoina ding ah lân tapo chu, uicha gawl ât tan gual hi’n a; thâiga ah kithoina bawl tapo chu, vokcha thisan ah kithawi gual hi’n a; gimtui hâl ah hetzingna ding ah thilpiak lân tapo chu, milim âng ah maljawlna don gual hi’n a. Zia gual mite chun amau bawldan bep pha a sau ah, a thil ki’dak um bawl uh chu, a lungthim un thâtnop um a sau hi.

JEREMIAH 16:7

Kuama thisûnte thamuanna ding ah vaithum lui piak um pua’n a; chuleh, a nu a hem, a pa a hem sûnte thamuanna dinginle thingpi no khat ziang le kuama’n dawnsak pua’nau.

JEREMIAH 6:20

Sheba ah kipat begaw a hun puau a, gamla tak ah kipat kêlzu thum tak a hun puak uh haw hi; kei â dingin bang ah pang ding a hem? La hâlmang thilpiakteu pom tâk a hipua’n, la kithoinateu le kipak um ahi diak puai.

EZEKIEL 24:17

A gûkcha’n, thûm inla, mithi chu sûn kin. La dialkop inla, la kengtawdap but zing in; la mûk tuam kin la, lusûnna an le ne kin.

EZEKIEL 24:22

Ka bawl gual khan nang unle hun bawl in lau; la mûk uh tuam pua’n la tiu in, lusûnna an le nelo ding la hiu.

DANIAL 1:8

Himaleh, Danial chun lengpa nêk leh dawn ah kisukbuak lo ding a tup tinten a; tichun, lal In ah hotupa kiang in kisubuak lo dingin a dawn ta’n.

HOSEA 3:4

Israelte chu hun sawt tak leng leh lal chapa neilo in, kithoina leh dawikhuam bei ah, thiampu awmphaw leh milim pathian le nei lo ah hung um ding a hiziak un.

HOSEA 7:16

A phachuam lo lam ngen in a kihei un, thalpi mat tâk lo gual a hiu hi; a pau hoithawnau ziakin a milianteu chu, chemjam in pûk in au. Aigupta gam ah a phunchiak ziak un, zia cheng chu a chung un ka bawl ahi.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

JOEL 1:9

Lalpa In ah thâiga thillat ding leh, dawnchi thillat dingte a tasam tai. Lalpa nasêmte chu thiampute’n a sûn tau hi.

JOEL 2:14

Lalpa la Pathian un maljawlnate ei pia’n, thâi thillat leh, dawn ding thillatte ei pia’n, a lungnatna juk kit ah, kihei kit lo mawng mawng ding ahi, ti kua a hem he thei?

THIAMPUTE LEKHABU 17:11

Taksa hinna chu thisan ah um ahi ziakin, zia chu la hinnau tatna dingin mâichâm ah ka pia ta hen; thisan chun hinna a tan ta ngâl a.

THIAMPUTE LEKHABU 21:17

Aron kiang in zia gual hin gen in: La suante khang gui ah demkâi him him in, a Pathian kiang ah vaithum lân dingin hun nai kiu hen.

THIAMPUTE LEKHABU 21:21

thiampute him him in, Lalpa kiang ah mei a thillatte lân dingin a hun nai lo ding uh ahi; demkaina nei pum in a Pathian vaithum lân dingin a hung nai lo ding uh ahi.

THIAMPUTE LEKHABU 21:6

A Pathian â dingin a kikoi thiantho ding uh ahi, a Pathian min uh le a sukbuak lo ding uh ahi: Lalpa a Pathian uh â ding ah an, mei ah thil latte a lân sek ngâl un; ziaziakchun, a thiangtho ding uh ahi.

THIAMPUTE LEKHABU 21:8

amau chu la Pathian uh an petu a hiziak un, la hithiantho ding uh a hiu. Amau chu mi thiangtho in koichuam un; nanghaw hun hithiangthopa Lalpa hi ka thiangtho ngâl a.

AMOS 5:22

Hâlmang thillat leh thâi thillatte hun lân maleu chin, a la pom lo ding ka hi; la chamna thillat uh gancha thau tak takte chule, hun ngaisak diak pua’ng ka.

MALAKI 2:13

Chuleh, zia hile la bawl belap nalai sêt ui: La khut ua kipat thilpiak a lop tâk lo ziak leh a ngaisak tâk lo ziakin, Lalpa mâichâm chu kâna leh mauna mitthi tui in la luan khumsak zo tau a.

KISIMNA LEKHABU 19:11

Kua hitaleh, mithiluang sukha taphot chu, ni sagi sung a buak ding ahi.

KISIMNA LEKHABU 28:2

“Israelte chu thu pia’n la, a kiang un: Ka kiang ah kithoina changbuang ah hâlmang thillatte chu gimtui a hi’theina dingin, a hunbî kiguat dungzui chiat in chingthei tak ah la hun lat sek ding uh ahi, ti’n hil inla.

KISIMNA LEKHABU 4:7

Umpi zing vaithum koina dawkân chu puan a dum khu’khum in, a chung ah kuangte, gimtui hâlna kuangchate, bêlte leh dawnchî thillat haw sunthâkna ding ah bêlte chule koi intiu in; bangtik lai ah le um zing ding vaithum chule a chung in koi uh hen la;

JOHAN 6:51

Keima hi vaithum hing, van ah kipat hung suk chu ka hi. Zia vaithum ne tapo chu kumtuang in hing zing intin; zia vaithum, khawvel hinna ding ah ka piak ding chu ka taksa hi ahi,” a tia.

DAN LEKHABU 26:14

ka lusûn hun inle ka ne pua’n, thianglo ah ka um sung inle bangma ka khoilok puai; mithite â dinginle ka pia puai. Lalpa ka Pathian thu bep ka zawm in, la thu ei piak dungzui bep in ka hun bawl hi.