HOSEA 9:3 - PATHIAN LEKHABU THIANGTHO (BSI)

³ Lalpa gam ah hin umden pua’n au; Ephraim vang Aigupta lam ah kile’kit intin; Assuria gam ah chun an thianglo ne ta’n au.

HOSEA 9:3 ပူးပေါင်းရင်းမြစ်များ

1 LENGTE 9:7

zia tak chuleh, amau â ding ah ka piakna gam, Israelte lâkpiak ing ka tin; chuleh, ka min ding ah ka sukthian In chu ka mit mu ah kipat koimang ing ka tin; Israelte chu midangte zosia lak ah paukikna leh nuizatbûk hung hita’n au.

2 LENGTE 17:6

Hoshea leng ahi kum kua ahi’na chun, Assuria lengpa chun Samaria chu a hun la, Israelte chu Assuria lam ah chun sal in a pui mang ah; Gozan luilian pâm ah Halah mun leh Habor mun leh Mede khawpite ah chun a umsak tai.

JEREMIAH 16:18

A milim ki’dak um takteu luang chun ka gam a pum ah a la sukpolche tak ziak uh leh, ka gochan chule a ki’dak umnau ah a la sundim tak ziak un, a khawlonau leh a gitlonau chu a le’ni in thuk ding ka hi.

JEREMIAH 2:7

Gam pha tak ah a gate leh, a phatna chên dingin ka hun puilût la hiu, himaleh, la tun phat un, ka gam chu la supawlche tau a, ka gochan chu thil ki’dak um la sua tau hi.

KÂ LATE 5:6

Nêkkhop ka neina ding un, Aigupta leh Assuriate tawh kilemna, ka siam uh a ngai tai.

EZEKIEL 4:13

Lalpa‘n a gen ah: “Israel mipite chun ka naw mangna gam ah nam tinte lak ah, zia gual ah chun a an uh ki’dak um tak chu ne ta’n au,” a ti’n.

DANIAL 1:8

Himaleh, Danial chun lengpa nêk leh dawn ah kisukbuak lo ding a tup tinten a; tichun, lal In ah hotupa kiang in kisubuak lo dingin a dawn ta’n.

HOSEA 11:11

Aigupta gam ah kipat vacha gual ah kithing kawmah hung in, Assuria gam ah kipat in vakhu gual in hung in au; amau In chiat un pui kit ing ka, Lalpa chun a tii.

HOSEA 11:5

Aigupta gam ah kile’kit intiu in, ka kiangah a hung kile’kit nop lo ziak un, Assuria chu a lengpau hung hi’n a.

HOSEA 7:11

Ephraim chu vakhu lung mawl, hetna nei lo gual chu ahi; Aiguptate a ko un, Assuria lam in a chiau hi.

HOSEA 7:16

A phachuam lo lam ngen in a kihei un, thalpi mat tâk lo gual a hiu hi; a pau hoithawnau ziakin a milianteu chu, chemjam in pûk in au. Aigupta gam ah a phunchiak ziak un, zia cheng chu a chung un ka bawl ahi.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

HOSEA 9:6

Siatna pumpel in suakcha maleu, Aiguptate’n chom khawm intiu in; Memphis in amau vui in au. A dangka golûlteu chu zakthâite’n lua intin; a puanbûkteu ah chun lingte um in a.

THIAMPUTE LEKHABU 18:28

La masang ua umte a gam in a la luakdaw gual ah, gam chu la hi’buak ua, a hun luak dawlona dingin.

THIAMPUTE LEKHABU 20:22

La umna ding ua ka hun puilûtna ding gam hin a hun luak dawlona dingin, ka dan bawlte leh ka thuguat zosia la zui ding uh ahi.

THIAMPUTE LEKHABU 25:23

Gam chu kum sawt â dingin la zokdaw him him lo ding uh ahi; gam chu kei â ahi ngâl ah: nanghaw hi kei â ding a mikhual leh lou bawl mai mai la hi’ngâl un.

AMOS 7:17

Ziaziakchun, Lalpa‘n zia gual hin a gen hi: “La ji chu khawpi sung ah nawchizuak hung hi’n tin, la chapate leh la chanute chu chemjam in puk in au; la gam chu te’na khau ah hawm hi’n a; nangma chu gam thiang lo khat ah chun thi’n la tin, matheilo in, Israel chu a gam ah kipat, sal ah pui mang hung hi’n a,” ti’n a gen tai.

MIKAH 2:10

Kipan inla, chia in; zia tak hi kichawlna ding mun a hipaw ngal a, buakna a dim tâk ziak un, siatna huaisia tak in, nang uh le hun susia ding a hiu.

NASEPTE 10:14

Himaleh, Peter chun, “Hilo e Lalpa, thilbuak leh a thianglo ka ne ngai puai,” a tia.

DAN LEKHABU 28:63

Chuleh, nangmau phatna ding bawl leh hipunna ding bawl thanuam ma ma Lalpa chu, nanghaw hun hi’mangthaina ding leh bang malo ah hun siam ding chu a lung lam tak hung hita’n tin; chuleh, la luana ding ua la lutnau gam ah kipat ma ma hin, nang uh jukdok in um ta’n lau.

DAN LEKHABU 28:68

Lalpa‘n Aigupta gam zuan ah long in hun pui intin; ahi’n, la kipatna lam uh chu mu kit talo ding ah thutiam dungzui in; zia gam chun la mêlmateu kiang ah suakpa leh suaknu dingin kizuak maleu chin, a hun chaw ding kuama um ta pua’n ah, ti in.

DAN LEKHABU 4:26

Jordan lui gâl kâi ah, la hun luana ding gam ua kipat hi’mangthai ah um ding la hiu ti ei hiatpitu hi dingin lei leh van ka ko ahi; chêng sawt pua’n la tiu in, mangthai sik sek ding la hiu.

JOSHUA 23:15

Lalpa la Pathian un, thilpha la chung ua tung ding ah a la tiamsa gual ah, a guitunsak zaw tâk ziak hin, zia gam pha, Lalpa la Pathian un a hun piakna mun ah kipat hin la manthai suak masiau, Lalpa‘n la chung un thil phalo zosia hun tunsak ding ahi.