HOSEA 9:1 - PATHIAN LEKHABU THIANGTHO (BSI)

¹ Aw Israel, kipâk kin! Namdangte gual in lim kin; nawchizuak in, la Pathian la nusia ta’ngâl a. Buphual jawl tin cheng ah nawchi man la ngaina tai.

HOSEA 9:1 ပူးပေါင်းရင်းမြစ်များ

SAM 73:27

Ahi, nangma hun gamlat tapo chu, mangthai ding a hiu; nang hun kilepsan tapote, tawpna ding la bawl ngal a.

ISAI 17:11

a mû la tû ni ma ma’ kêsak in, la tû jing ma ma’n pâkdok ziang maleh, a ga la lâk khawm guat ni chu, lungngaina leh sukdam theilo ding ah, natna ni’n hung chang in a.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 2:20

Hun sawt tak ah kipat khan, la ngawngkol thiakbong in, la kolbu le la khen bong ah, “La na sêm ta pua’ng ka,” la ti hen. Ahi’n la, tâng sâng chung tin leh, thinglîm tincheng ah chun, nawchizuak in la kiphâ tai.

JEREMIAH 44:17

Zia malak ah chun, kei haw tawh ka pu leh pateu, ka lengteu leh ka milian leh lalteu in, Judai gam ah khawpi leh Jerusalem kotzingte ah ka la hisek gual uh khan, van lengnu kiang ah thil piak leh uain latna ka kitiam dungzui un bawl ding ka hiu. Nêk leh châk ah buting leh lamzang tak ah um in, vangsiatna ka tuak kha puau hi.

KÂ LATE 4:21

Aw Edom chanute, Uz gam ah chêngte haw, lim in kipak tau in, siatna no chu nang kiang le, hung tung ding ahi ngal a; zia chu dawn kham in, la puan lîp piak hi’n la.

EZEKIEL 16:15

Himaleh, la mêlphatna la kisuanpi ta’n, la minthanna ziakin la thanhuai khawlaw ah, a hun haw kha taphot tawh kiphal tak in la thanghuai tai.

EZEKIEL 16:30

Lalpa Pathian in, zachâtna châng helo nawchizuak gual ah, zia gual lawm lawm ah la um hi, la lunggul na lawm lawm e!

EZEKIEL 20:32

I kîmvêl ua nam dangte gual in, I gam ua um namte gual hin thingbul, suangbulte ho hitiu, ti’n lunggel maleu chin, zia gual chun um him him pua’n lau, ti in.

EZEKIEL 21:10

mi satlupna ding ah tât-hiam ahi’n, kawlphe gual ah te’ ding ah nawtval ahi! Bang kipakpi ding maw? Thununna leh mol chu la ngainêp tau hi.

HOSEA 10:5

Beth-aven ah bawngnote ziakin, Samaria ah chêngte chu lau in a kithing tau hi. A mipite chun sûn intiu in; a lopinau amau ah kipat lakdaw ah a um ziakin, a milim ho’na thiampute chun amau chu kâ in’au.

HOSEA 2:12

A grep gui te leh theipikung te chu: “Ziate hi ka dawichâkte ei piak, ka law dawte chu a hiu hi,” a ti chu hi’siat piak ing ka. Gammâng in siam ing ka tin, gamsate’n ne zo in au.

HOSEA 4:12

Ka mite chun thing milimte po a dong un, a âisânnau mol chun thu a hil a. Nawchi zokna lungthim chun a pui mang a, a Pathian uh kiheisan in hukna’n a kihel thanghuai zo tau hi.

HOSEA 5:4

A thilbawlteu in a Pathian kiang ah a kile’kit ding uh a phal puai. Kizawk ut tun tunna lungthim a nei ziak un, Lalpa a hepuau hi.

HOSEA 5:7

Lalpa chung ah lepchia tak in a la tawi tau in; jaucha a la neisan ta’ngal un. Tu’hin, tha thak in amau chu a louteu tawh hun ne zo ding ahi.

AMOS 3:2

Khawvel ah Inkuan zosia lak ah, nang uh bep hi ka het la hiu in, ziaziakchun, la dukdaklo’nau zosia ziakin hun gawt ding ka hi.

AMOS 4:5

kipakna thillat thawi pang vaithum hun lân unla, kiphalna dungzui ah thilpiak chawi dingin phuang unla, thu than vêl un; aw Israel mipite haw, zia gual ah bawl chu la thatnop lam tak uh ahi ngal a! Lalpa Pathian in a tii.

AMOS 6:13

Nanghaw, Lo-debar limpi ah, “Eimau hatna ziak ah ei uh â ding ah, Karnaim kilâk hilo I hiu em?” la tiu hi.

AMOS 8:10

La luaithenateu chu lusûnna chansak ka tin, la La sak zosia chu, kâ La chansak ing ka tin; kawng zosia saidip puan chên sak ing ka tin, mi tin chu lukol in umsak ing ka; zia chu chapa changkhat sûnna gual leh, a tawpna tiang ah haksa hisak ing ka.

JAKOB 4:16

La chaponateu chu la suang zawu ah, zia gual kisuanna zosia chu a pha puai.

JAKOB 5:1

Tu’hin, mi hausate haw, la chung ua thokgimna hung tung dingte ziakin kap in mau un.