HOSEA 8:8 - PATHIAN LEKHABU THIANGTHO (BSI)

⁸ Israelte chu valzaw a hitau in; namte lak ah bêl matna bei gual a hung hitau hi.

HOSEA 8:8 ပူးပေါင်းရင်းမြစ်များ

2 LENGTE 18:11

Tichun, Assuria lengpa chun Israel chu Assuria lam ah a pui mang ah, Gozan lui lian pâm ah Halah leh Habor ah Mede khawpite chu a umsak tai.

ISAI 30:14

A kêk kâl chu bêlvêlte bêl kêk jak dim dem, a hal meiâm luakna ding leh, tuibêl ah tui thâlna thei le, um talo gual hiding ahi.

JEREMIAH 22:28

Zia hi bêl sesa, kuama’n bangma a ngai lo leh, kuama’n a dawi tâk lo uh, Koniah kha hilo ahi em? Bang ding ah ama leh a suan leh pâkte chu, a het ngai lo nau gam ah, nawdaw ah um ziang a hitau em?

JEREMIAH 25:34

Nanghaw belampute haw, kap unla, kiu chuai chuai un; nanghaw gancha hon chung ah vaihawmte haw, leivui lak in kitâl puang un, nanghaw thalupna ding ni leh, thejak ah la umna ding uh nite chu, a hung tung tai; bêl doichuamte gual in um ta’n lau.

JEREMIAH 48:38

Moab gam ah Inchung zosia leh lamthuam tin chu lusûnna ngen in a dim zo tai; kuama’n a dawi tâk lo lei bêl gual in Moab chu ka susia ta mai hi, Lalpa‘n a tii.

JEREMIAH 50:17

Israelte chu sakeibaknei in a delzui zing belam tawhbang a hiu hi. Assuria Lengpa’n a nêk zaw nung in, tu’hin Babulon Lengpa Nebukadrezar in a gu leh chângte chu a chêp tai.

JEREMIAH 51:34

“Babulon Lengpa Nebukadrezar in ei ne zo in, ei khênbuang ta’n; bêl awng gual in ei siam ta’n, gûlpi ei val zaw gual in ei val zo tai; ka tuinate chun a gilpi a sudim in, ei sêkdok kit tai.

KÂ LATE 2:16

La mêlmate zosia’n a hun gensiau a; a nâk khawng in, a hau a gawi khum un: “Amanu chu I val zo tau hi! Tu’ni ahi ngût hilam I ngaklau; tu’hin I mu ta khong khong ui,” a tiu a.

KÂ LATE 2:2

Lalpa‘n Jakob chênna zosia, lainatna pang lo in a susia tai; a lungnatna chun Judah chanu, kuldette chu a kaichim sik sek a; a lenggam leh a lengteu chu, lei tual tawh kikim in a kainiam in, a suminsia tai.

KÂ LATE 2:5

Lalpa chu mêlma gual in a hung um ta’n, Israel a suchimit tai. A lal in zosiau susia’n, a kuldet zosiau sukchip piak in, Judah chanu chung in kâ leh, lusûnna but khum in a um tai.

KÂ LATE 4:2

Zion chate, amau gik dan bûk sana thiangtho man jat ah lûlte chu, bêlsêkte khutsuak leibêl gual bep ah, ngai a hiziang tau em!

KÂ LATE 5:2

Go ah ka luateu la, nam dangte kiang ah piak daw a hitau in, ka Inteu le gam dang mite piak a hitau.

EZEKIEL 36:3

a kiang un zia gual hin la vagen ding ahi: Lalpa Pathian in zia gual hin a gen hi: kil tin ah kipat a hun enggawt ziak ua a hun chomgam tâk ziak un, nam tinte luaknâm ah um in, mitin lak ah holimna leh gensiat in la hung um tau a;

THIAMPUTE LEKHABU 26:33

Chuleh, namtin lak ah hun thejak ing ka tin, la nung uh chemjam in hun delzui pek nalai ding ka hi. La gam uh nutsia in um intin, la khawpiteu le man lo suak ta’n a.

ROMTE 9:22

Lungnatna mangthai ding ah kilawmte chung ah, Pathian in a lungnatna leh a thilhitheina latsak nuam ah, a dawzaw ham ham leh bang khawk ding a hem?

DAN LEKHABU 28:25

Lalpa‘n la mêlmateu zaw in hun umsak in, amau do dingin lampi khat zui maleu chin, lampi sagi ah taijak in lau. Khawvel lenggam zosiate â ding ah tizat um ah gensim hung hita’n lau.

DAN LEKHABU 28:64

Kawlkil langkhat lam ah kipat a le’lam tiang in namtin lak ah Lalpa‘n hun thejak intin; zia mun ah chun nangmau leh la pu leh pateu inle a la het ngailo uh, thing leh suang ah kibawl pathiante na hun sêm ta’n lau.