HOSEA 8:5 - PATHIAN LEKHABU THIANGTHO (BSI)

⁵ Aw Samaria, la bawngno lim chu pai thâk ahi tai. A chung un ka lung a na ma ma hi. Thil phalo bawl zing in bang chan um nalai ding la hiu em?

HOSEA 8:5 ပူးပေါင်းရင်းမြစ်များ

2 KHANGTHU 13:8

Aleh, tu’hin nang in mipi tam tak leh Jeroboam in la pathian ding ua sana bawngno lim a siamte chu kisuanpi in, Lalpa‘n lenggam David chate khut ah a la piaksa hi lâkpiak zo ding ah kinem la hiu em?

SAM 19:13

Gitlo thil ah hiamngam lo dingin, la suak hi ei chingtup zing inla; ka chung in thu neisak kin. Chutileh, pha bukim in um thei ing ka tin, thil lian tak bawlkhial lo in um thei ding ka hi.

THUPILTE 1:22

Nang uh mimawlte haw, bangchan a hem mawlna la ngainat ding uh? Bangchan a hem mi dâi chavaite daichâkvaina la limpiu ah, mingolte’n hiatthiamna a huat ding uh?

ISAI 45:20

Namtin lak ah a suakcha sunte haw, hungkhawm unla, hung kipung khawm in, ei hun nai tiam un! A thing milimteu paw tawl tawl ah, amau hukdok theilo pathian ho zingte chu, hetna nei lo a hiu.

JEREMIAH 13:27

Gamlak tâng chung tin ah la thanghuainateu, la ângkawmnate leh la hûk hâm gite leh, ja lam helo ah la kizoknate chu, ka mu suak hi, Aw Jerusalem, la chung a gik na e! Sukthian la hi’na ding chu, bang chan hi nalai ding a hem?

JEREMIAH 4:14

Hukdam la hitheina dingin, Aw Jerusalem, la lungthim ah nunsiatna zosia chu, silthiang in. La ngaituana phalo chu bang chan, la sung ah châmsak nalai ding la hem?

JEREMIAH 48:13

Israelte’n Bethel a kisuanpiu, a mualpho khawlaw gual un, Moabte’nle Khemosh ziakin hung mualpho ta’n au.

HOSEA 10:5

Beth-aven ah bawngnote ziakin, Samaria ah chêngte chu lau in a kithing tau hi. A mipite chun sûn intiu in; a lopinau amau ah kipat lakdaw ah a um ziakin, a milim ho’na thiampute chun amau chu kâ in’au.

HOSEA 10:8

Israelte gitlona, Aven, munsângte chu suksiat hita’n a. A mâichâm umna mun in ling leh lênling kek in a. Tângte kiang ah chun, “Ei khu un,” mualte kiang ah chun, “Ei delkhum un,” ti ta’n au.

HOSEA 13:2

Tu’tiang hinle thil phalo a la bawl nalai un, amau lemhiatna dungzui in dangka thîk milimte, khutthiamte khutsuak in a kisiam tau hi: “Ziate kiang ah hin kithoina thilpiakte chu lân un,” a tiu a. Bawngno lim chu mipite’n a chawp tau hi!

HOSEA 8:6

Israel lak ah kipat in mi khutthiam khat in a siam ahi’n, Pathian khutsuak ahi puai. Samaria ah bawngno lim chu khet gawp hi’n a.

AMOS 8:14

Samaria ah Ashimah sal ah kihaksial ah, ‘Aw Dan, la Pathian a hin gual in,’ ti leh, ‘Beer-sheba khua zotna lampi a hin gual in,’ tite chu kipûk in au; bangtik inle thokit ta pua’n au,” a tii.

MIKAH 1:7

A milim zosiau khet gawp hi’ntin, a sep gim man zosiau chu mei ah hâl tum hi’ntin, a milim siamteu chu manlo suak ta’n a; a nawchi zawk man a mu zosia, nawchi man ma ma’n mat zaw kit hi’n a.

NASEPTE 7:41

Zia lai ah chun, bawngno lim a hun siam ua, zia milim kiang ah chun thillat a lân un, amau khut suak chu a limpi tau a.

DAN LEKHABU 32:22

Ka lungnatna chu meikuang gual ah, chawthaw in hung um intin; Sheol mun nuainung pente chule kâng tum in ah; lei leh a sung ah um zosia le kâng tum ta’n tin, Mual leh tâng kingaknate chule a kâng hi.