HOSEA 8:1 - PATHIAN LEKHABU THIANGTHO (BSI)

¹ Pengkul chu la mukteu tawh sutuau in! Lalpa Inkuan chung ah mulukol gual khat a um hi; ka thuthung a botsiau ah, ka dante a bawsiat tâk ziak un.

HOSEA 8:1 ပူးပေါင်းရင်းမြစ်များ

2 LENGTE 18:27

Himaleh, Rabshakeh chun a kiang in, “Kulbâng chung ah mipi kichute kiang ah hilo in, la hotupa leh nangma ngei kiang ah, amau êk kinêk ah a zun uh kidawn hial ah, a chung ua siatna tung dingte kiang ah; ka hotupa’n ei sawl hilo ka hia a hem?” a tia.

ISAI 18:3

Ngai un, nanghaw lei chung ah chêng zosiate haw, mualvum ah tepte’na diallap hung kikhâi ding chu en un! Pengkul a hung kimut phat leh a la ngai un!

ISAI 24:5

Lei chu a sung ah chêngte sukbuak in a um zo tai; amau chun dan a botsiau ah, chawn dan a zui puau ah, kumtuang thuthung a bawsiat tak ziak un.

ISAI 58:1

Kikodok inla, kipadâm kin! Pengkul gual in la aw hun sua in! Ka mipite’n a bawlkhialnau hil inla, Jakob Inkuante kiang in a gitlonau tâklang in.

JEREMIAH 31:32

A pu leh pateu Aigupta gam ah kipat puidok ding ah, a khut ua ka kaibât lai khan, a pawsal uh himaleng le, ka thutiam a bawsiat gual uh kha hi talo ding ahi, Lalpa‘n a tii.

JEREMIAH 34:18

Chuleh, ka thuthung botsia, ka kiang ah a thuthung siam uh zui lo chu, bawngno kihâpsat ah a kikâl ah mi chia suk chia to theina gual in siam ing ka tin;

JEREMIAH 4:13

En un! Sûmpi gual in a hung kuandok hi, a sakol kângtalaiteu chule chîmpei a bang hi; a sakolteu chule mupi sâng in, a chan-gang zaw’n, I chung uh a gik na e! Suksiat I hi ta’ngal un.

JEREMIAH 4:5

Judai gam ah genjak unla, Jerusalem ah chun zia gual hin tângsam un: A gam pumpi’n pengkul mût unla, ngai tak ah kiko in zia gual hin gen un: “Hung khawm unla, khawpi kuldet neite ah chun lut hitiu!”

JEREMIAH 48:40

Lalpa‘n zia gual hin a gen a: En un, mupi gual in hun baw suk intin, a tha chu Moab do in hun jak pal in a;

JEREMIAH 49:22

En un, mupi kikhaw suk kikhaw to gual in Bozrah chu hun baw intin, zia ni chuleh, Edom mi hangsante lungchang chu, numei nauvei lungchang gual in hung um ta’n a.

JEREMIAH 51:27

Zia gam chu do dingin kipan unla, namtin lak ah pengkul mut un; ama do dingin namtin siam unla, ama do dingin Ararat, Minni leh Ashkenaz lenggamte hi ko un; ama do’na gâl mapui ding guat unla, khaubepi hon gual in sakolte chu hun pui khawm un.

JEREMIAH 6:1

Aw nanghaw Benjamin chate haw, Jerusalem ah kipat taidok in, la bitna ding un jam tau in! Tekoa ah chun pengkul mût unla, Beth-hakkherem ah chun hetsakna tâkdok un; siatna huaisia tak leh susia ding tizat um, mallam ah kipat in a hung kuandok hi.

EZEKIEL 11:4

Zaziakchun, Aw mihing, thu gen inla, amau kãl in thu gen in,” a hun ti tai.

EZEKIEL 16:59

Lalpa Pathian in zia gual hin a gen a: Thutiamna musit ah, thuthung botsete chu a thilbawl gual gual un a chung un hun bawl thuk ding ka hi;

EZEKIEL 17:3

A kiang un: Lalpa Pathian in zia gual hin a gen hi: Mupi lian tak, a tha pawl bem bum, lian tak ah jak pal pakhat, Lebanon tâng ah Sidar thing lêk in a chu’n,

EZEKIEL 7:14

Pengkul a mût un, bangkim a siam zo tau hi! maleh, kuama kido’na mun in a chia puau in, ka lungnatna a leng ua chung ah um ahi ngal a.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

HOSEA 5:8

Gibeah ah belam kî mût unla, Ramah ah pengkul mût un. Beth-aven ah kigalginna mût unla; Benjamin, la nung lam en in!

HOSEA 6:7

Himaleh, Adam ah chun thuthung a la bawtsia tau a; zia chun ginum lo tak in ka chung in a bawl tau hi.

HOSEA 9:15

A gitlonau zosia kipatna chu Gilgal ahi’n; zia kipat khan ka hua ahi. A thilbawl uh sual tak ziakin, ka In ah kipat in deldok ding ka hi. Hepi ta pua’ng ka; a milianteu zosia chu helmang ahi ngâl un.

JOEL 2:1

Zion ah pengkul mût un; ka tâng thiangtho ah chun patau aw sua un! Gam ah chêngte zosia lau in kithing tau hen. Lalpa ni hung tung ding ahi ta’ngal a; zia hi a nai tai;

JOEL 2:15

Zion ah pengkul mût un; anngawl hun chang thiangtho un; kikhawpna gun tak khat bawl unla;

AMOS 3:6

Khawpi sung ah launa umlo in kuan, pengkul a mût ngai ah a hem? Lalpa sawl hilo in siatna’n khawpi a tun khum ngai em?

AMOS 8:3

Zia ni ah tempul ah La te chu lusûnna La hi’n tin; mithiluang tampi hi’n tin, mun tin ah thejak hi’n au; thip chil chel tau in, Lalpa Pathian in a tii.

AMOS 9:1

Mâichâm bul ah Lalpa ding lai ka mu’n, zia gual hin a gen a: Kotbulte kithin hial masia khuampite chu khên in; a kithing bongte chun mipite luchang khen gawp hen la; zia thibang cheng chu chemjam in that ing ka; pakhatle tai mang lo in, khat ziang le suakcha pua’n au.

HABAKKUK 1:8

A sakolteu chu gialbem sâng in a chan-gang zaw’n, thimbut ah ngei sâng in a lau um zawu hi; a sakol chungchuangteu chu, a hung kithejak ui. A sakol chungchuang miteu chu, gamla tak ah kipat hung a hiu in; mupi sa nêk ding baw gual in, kin-gang tak in a hung leng ui.

ZEPHANIAH 1:16

gâlvênbûk sâng leh khawpi detdote do ding ah, pengkul mût ni leh gâldo thawmgit ni chu hi’n a.

ZEKARIAH 11:1

Aw Lebanon, la kot uh hong un; tichun, la sidar thing sângte chu, mei in a kât tum theina dingin!

ZEKARIAH 9:14

Ziaphat chuleh, a chung un Lalpa hung kilang ta’n tin, a thalchangte chu kawlphe gual in hung kikhawdok ta’n a. Lalpa Pathian chun pengkul mût in, mallam chîmpeite lak ah kipat in hung kijawtdok ta’n a.

MATTHAI 24:28

Sapul umna taphot ah mulukolle um khawm in au, a tia.

1 KORINTH 15:52

ahi’n, pengkul chu a hung git phat leh, mitphet kâl sung bep ah thakhat ah I leng un sukdanglam in um chiat hitiu; pengkul chu hung gi ding ahi ngal a. Ziaphat chuleh, mi thisate chu a mangthai thei talo ding ah kaithaw hi’n tiu in, eihawle sukdanglam in um chiat tai tiu.

DAN LEKHABU 28:49

Nangmau hun do ah, mupi’n a lâk gual ah hun ladok dingin, gamla tak, kawlkawdong lam pek ah mite, a pau uh la het ngai loteu Lalpa‘n hun sawl intin,