HOSEA 7:7 - PATHIAN LEKHABU THIANGTHO (BSI)

⁷ Thukkhûk gual in a sa chiat un, a vaihawmteu a ne gam ui. A lengteu zosia a puk tau a, pakhat cha’nle ei ko puau hi.

HOSEA 7:7 ပူးပေါင်းရင်းမြစ်များ

1 LENGTE 15:28

Judai gam ah Lengpa Asa lal kum thumna chun, Baasha chun ama a that ah, a thasâng ah leng in a pang tai.

1 LENGTE 16:18

Zimri chun khawpi chu a lâk zaw ahi tai, ti a het phat in, leng Inpi chun a lut ah, leng Inpi chu a hâl ah, ama kihâl khum in a thi tai.

1 LENGTE 16:22

Himaleh, Omri zui mipite chun, Ginath chapa Tibni zuite chu a do ua, a zo tau a; tichun, Tibni chu a thi, Omri chu a lal tai.

2 LENGTE 10:14

Ama chun, “A hing in man un,” a tia. Amau chu a hing in a man ua, Beth-eked kawkhûk ah chun a that gam tau ah; a leng un sawmli leh ni a hiu; a lak ua pakhat chale a suakcha a um puau hi.

2 LENGTE 10:7

Lekhathot chu a mu phât un, lengpa chapa sawmsagite chu a man ua, a that tau ah; a luchangteu chu bawm ah thun in Jezreel ah a kiang in a thot tau hi.

2 LENGTE 15:10

Chun, Jabesh chapa Shallum chun ama do ding a hun gua, mipi ma-ângah chun a kidelpi ah a hun that tai, ziaphatchun, ama chu a thasâng ah leng in a hung pang tai.

2 LENGTE 15:14

Gadi chapa Menahem chu Torzah ah kipat chun a kuan to ah, Samaria a hung tung phut in, Samaria ah Jabesh chapa Shallum chu a kidopi ah, a that ah, ama thasâng ah chun ama chu vaihawm in a pang tai.

2 LENGTE 15:25

Himaleh, Remaliah chapa Pekah chun, a sepai hotupa tawh Geliad mi sawmngate pui in, Samaria khawpi a bulu tau ah; a lengpa In ah valut in, Argob leh Arieh tawh lengpa chu a va thatlum ua, a thasâng in ama leng in a hung pang tai.

2 LENGTE 15:30

Elah chapa Hoshea chun Remaliah chapa Pekah a thalup theina ding chu a gûk in a la ngaitua ah, a kidelpi ah, a hun that ta’n, tichun, vaihawm in a pang tai.

2 LENGTE 9:24

Jehu chun a theitawp in a thal chu a luai ah, Joram chu a îktâng a kap kha ta’n; tichun, thalchang chun a lungchang a sunthil ah; a kângtalai sung in a bok den tai.

2 LENGTE 9:33

Ama chun, “Amanu chu hun sawn thau in,” a tia. Tichun, a hun sawn thauah; a thisan chu Inbâng leh sakolte chung in a kithe’nât suk ah, sakolte chun a hun childên tau hi.

JOB LEKHABU 36:13

Pathian neilote lunggil in, lungnatna a kibualden in; hên chak ah a um phat ua leh le, panpi don in a kiko ngai puau hi.

SAM 14:4

Vaithum nêk gual ah ka mipite ne zo mi nunsiate chun, hetna him neilo a hiu em? Chuleh, Lalpa ko ngai lo a hiu em?

ISAI 43:22

Aw Jakob, a chuti sapi’nle lei ko nuam pua’n, aw Israel, lei ningtel nalai sêt hi!

ISAI 64:4

Masang lai ah kipat khan, kuama’n amau jai ngak ah thilbawl piakpa, nangma tilo ngal, kuama’n Pathian dang him him, a he’kha puau in, a bil unle a huvau a hepuau in, a mit unle a mu kha puau hi.

ISAI 64:6

Kei haw vang mi buak tawh bang ka hung hitau in, ka thil dik bawl sun uh chule, puannên ki’dak um tak gual bep ahi tai. Thingdua vuai gual in ka chuai tau ah, ka khawlonau ziakin hui in a tawma’n gual in, tawmang in ka um gam tau hi.

ISAI 64:7

La min hun ko nuam leh, nang hun tuzui ding ah kichok hal nuamle, kuama a um ta puau hi; ka mau ah kipat in la mai la sêlmang ta’n; ka khawlonateu ziakin lei pâmpai ta’ngal a.

ISAI 9:13

Mite chun amau vaw’pa lam chu a nga nuam nai diak puau a; sepai honte Lalpa lam chule a hawl nuam diak puau hi.

EZEKIEL 22:30

A gam ka hi’siat lona ding ah, gam thasang ah ka ma-âng ah ding ah, a bâng siampha ding leh, a siatna mun ah pang ding a lak un mi ka hawl ah; himaleh, ka mu zo puai.

DANIAL 9:13

Mosi dan lekhabu a kizik gual gual in, zia thil phalo zosia hi ka chung un a tung tai. Ka thulim lona teu kiheisan ah, ama dikna lampi ka zuitheina ding un, Lalpa ka Pathian uh doisakna hawl in ka pauchap nai diak puau a.

HOSEA 13:10

Nang hun hukdok ding la lengpau chu tu’hin khoitak ah um a tam? “Lal leh vaihawm ding ei pia’n,” la ti sek, khawpi sung ah lal leh vaihawmtu chu, khoi lam tung ahi tam?

HOSEA 5:15

A hi’khelnau a hun hetdawu ah, ka mai a hun hawl masiau chu, ka umna lam ah kile’kit ing ka. A lunggimna ziak un ka doisakna chu hun don ta’n au.

HOSEA 7:10

Israel kisaktheina chun a thiamlo zia a sulang in; zia zosia ah chunle Lalpa, a Pathian kiang lam un a kihei kit puau a, ama le a hawl diak puau hi.

HOSEA 7:14

A lunggil tak un ei ko puau a, a lupna chung ua thûm mai mai a hiu; a bu leh uain â ding ah amau kisuliam ahi zawu hi; ka chung in a hel zing ui.

HOSEA 8:4

Keima pang lo in leng a kisiam un, ka hetlo kâl in hotute a kisiam ui. Amau siatna ding bep in a dangkau leh, sana’n milim a kisiam ui.

MIKAH 2:1

A khum laijawl ua thil phalo suangtuate leh, thil phalo ngaituate chung a gik na e! Jalkhun ah a lunggêl zosiau chu phalvak phat leh, a bawl ngal sek un; bawltheina chu amau khut in a um ngal a.