HOSEA 7:16 - PATHIAN LEKHABU THIANGTHO (BSI)

¹⁶ A phachuam lo lam ngen in a kihei un, thalpi mat tâk lo gual a hiu hi; a pau hoithawnau ziakin a milianteu chu, chemjam in pûk in au. Aigupta gam ah a phunchiak ziak un, zia cheng chu a chung un ka bawl ahi.

HOSEA 7:16 ပူးပေါင်းရင်းမြစ်များ

SAM 12:3

Lalpa‘n mi maiphatna mûk leh, kisathei tak ah thugenna lei zosia chu ât tan hen la:

SAM 12:4

“Ka kam un gual zo ing ka tiu in, I mukteu hi eimau â ngei ahi, kua a hem I chung ua thunei um?” a ti sek ui.

SAM 12:5

“Chagate chom gam ziak leh, tasamte a thûm ziak un, tu’hin kipan ing ka tin, a duthusam gual un bit tak in umsak ing ka,” Lalpa‘n a tii.

SAM 17:10

A lungthim un lainatna a nei puau; a kam un kihisak tak in thu a gen sek ui.

SAM 52:2

Mi theppâina ding bep buaipipa, la lei chu mul mêtna chem hiam tak gual ahi.

SAM 57:4

Sakeibaknei, mihing nesekte lak in ka um ah, a hateu chu cheicha leh thalchang ngen ahi’n, a lei uh chu chemjam hiam tak gual ahi.

SAM 73:9

Van lam a gensiau ah, a kamsuak uh chun leilung hi a jel suak hi.

SAM 78:37

A lungthim uh ama chung in a ginum puau a; a thuthung inle a ginum diak puau hi.

SAM 78:57

kihei mangsan nalai in, a pu leh pateu gual ah, ginum lo tak in a gamta tau ah; thalpi lamzang lo gual in a pêt kawi tau hi.

ISAI 3:8

A kamsuak leh a thilbawl dan uh, Lalpa dodâlna leh pâmpaina ngen ahiziak in, Jerusalem chu a kisui ta’n, Judah chu a kipûk tai.

JEREMIAH 18:18

Ziaphatchun amau in, “Hung tiam un, Jeremiah chung thu ngaitua hitiu, ei zilsak ding thiampu leh ei hil ding mipil tasam pua’n tin, thugen ding jawlnei le tasam diak pua’n a. Hung unla, ama do in hêk hitiu in, a thugen him him ngaisak ta puai tiu,” a tiu a.

JEREMIAH 3:10

Chutisapi’nle a suapinu, mi ginum lo Judah chunle a lungthim gil tak in ei zuan pua’n, a kilawm bep hawl ah ei bêl ahi, Lalpa‘n a tii.

JEREMIAH 42:18

Sepai honte Lalpa, Israelte Pathian chun zia gual hin a gen ngal a: Jerusalem khua chêngte chung ah ka lungnatna butthâk ahi gual ma’n, Aigupta gam zuan ah la chia suk phat ua leh, ka lungnatna chu la chung un buntha ngal ding ka hi. Mite luaksuak leh tizat, kamsia tincheng bânna leh nuizatbûk hung hita’n lau. Chuleh, zia mun hi mu kit ta him him pua’n lau.

EZEKIEL 23:32

Zia gual hin Lalpa Pathian in a gen hi: La suapinu notung lian chu dawn ding la hi; musit leh nuisan ah um ding la hi, a dawl tam ngâl a.

EZEKIEL 36:20

Ahi’n, namtin lak a hung tun phat un, a chiana lam zosiau in, ka min thiangtho a subuak un; a chianau gam ah mite chun, “Ziate hi Lalpa mipite himaleu, a gam ah kipat pawtdokte a hiu,” a tiu a.

DANIAL 7:25

Ama’n Chungnung Penpa demna thu gen intin, Chungnung Penpa mi thiangthote suchau zo ta’n tin, hunbî thiangthote leh dante chu, hun sukdanglam gua’n tin; chuleh, mithiangthote chu a thunuai ah, hun khat, hun ni leh a kimkhat sung piak hi’n au.

HOSEA 11:5

Aigupta gam ah kile’kit intiu in, ka kiangah a hung kile’kit nop lo ziak un, Assuria chu a lengpau hung hi’n a.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

HOSEA 6:4

Aw Ephraim, bang hun law ding ka hi tam? Aw Judah, bang hun law ding ka hi tam? La hepinau la phâisûm gual bep ahi’n; jing dai kia, bei kit ziang gual ahi.

HOSEA 7:13

Ka kiang ah kipat a vâk mang ziak un, a chung uh a gik hi! Ka chung ah a helnau ziakin, a chung un siatna tung in a! Amau hukdok nuam maleng, ka chung ah zuau thu bep a gen ui!

HOSEA 9:3

Lalpa gam ah hin umden pua’n au; Ephraim vang Aigupta lam ah kile’kit intin; Assuria gam ah chun an thianglo ne ta’n au.

HOSEA 9:4

Lalpa kiang ah dawn thilpiakte uain sungtha ta pua’n tiu in; a thillatteu chun ama kipaksak pua’n a. Zia gual thillatte chu lusûnte vaithum gual hi’ntin, a ne taphot chu buak ngâl in au; a vaithum uh chu a gilkialnau â ding bep ahi ngâl a; zia chu Lalpa In ah hung lut pua’n a.

HOSEA 9:6

Siatna pumpel in suakcha maleu, Aiguptate’n chom khawm intiu in; Memphis in amau vui in au. A dangka golûlteu chu zakthâite’n lua intin; a puanbûkteu ah chun lingte um in a.

MALAKI 3:13

Keima demna thu khau tak tak in la gen tau hi, Lalpa‘n a tii. Ahi’n, nang un, “Bang gual bep in ka hun dem tau em?” la tiu a.

MALAKI 3:14

Nang hawn, “Pathian nasep hile a thawn mai ahi, sepai honte Lalpa thupiak I vop un, a âng ah lusûnte gual ah thasia tak ah I chia sek uh hi bang lawkna a um em?

MATTHAI 12:36

Himaleh, ka hil la hiu, vaihawm ni tak leh vang mitin in a thu manlo genteu zosia kha hun gendok kit sik sek ding a hiu.

LUKA 8:13

Chuleh, suangteu chung ah kethate chu ziate hi a hiu: Thu a het ua kipak tak ah pom ngal ziang; himaleh, zung him him a nei puau ah, sawt lo sung bep a ging un, thepna a hung um phat leh pûk kit ziang sekte hi a hiu.

JAKOB 3:5

Zia gual ma chun, Lei hile taksa bâk neucha ahi; himaleh, nasa tak in a kisuang sek hi. Meikuang neucha’n gammâng a kâng sia nasa na e!

2 PETER 2:8

(zia midik chu a lak ua um in, dan lo gual ah a thil hi’teu chu mu leh het in a um ah; a ngaituana dik uh chu nisi’n in a hina ngal a.)

THUPUAN 13:5

Ama chu pau uanna leh Pathian gensiatna kam piak in a um ta’n; chuleh tha sawmli leh tha ni tiang thilhitheina a mat phal piak ahi tai.