HOSEA 7:12 - PATHIAN LEKHABU THIANGTHO (BSI)

¹² A chiana lam un lên in khû ing ka tin, chunglêng vachate gual in kaitha’ng ka tin; a kikhopnau ah thu kitut dungzui in amau hun sawi ing ka.

HOSEA 7:12 ပူးပေါင်းရင်းမြစ်များ

JOB LEKHABU 19:6

Pathian in siatna hi ei tuak sak ah, a lênthâng ah ei tuam ahi ti hi he tau in.

THUGENTU 9:12

Kuama’n a chung ah siatna hung tung ding chu a helawk thei paw’ngal a. Sanga lên ah awk gual leh, vacha thâng ah awk gual in, mihingte chung ah le siatna chu a hung tung phut sek hi.

JEREMIAH 16:16

Tu’hin, sanga mante tam tak hun sawldok ing ka tin, amau chu va man khawm in au; ziazaw chuleh, gamvâk mi tam tak le sawldok ing ka tin, amau chun tâng tin leh mual tin ah kipat leh kawl suangpi kikâl ah um natiang in hun man khawm sik sek in au, Lalpa‘n a tii.

JEREMIAH 44:4

A Chutisapi’nle, ka suakte, jawlneite chu gunchu tak ah, “Ka thil ki’dak ma ma, ka huat takte chu bawl lo dingin ka don la hiu!” ti gen dingin ka hun sawl ta’n.

EZEKIEL 12:13

Ka lên in khû ing ka tin, ka thâng in awk ta’n au; chuleh, Kaldaite gam, Babulon lam ah pui mang ing ka tin, ama’n vang bangma mu pua’n a; chuleh, zia chun thiden ta’n a.

EZEKIEL 17:20

Ka lên in khû ing ka tin, ka thâng in awk ta’n ah; Babulon lam ah pui ing ka tin, ei kilepsan ziakin a chung ah vaihawm ing ka.

EZEKIEL 32:3

Lalpa Pathian in zia gual hin a gen hi: Mi tam tak tawh la kikhop lai un, la chung un lên hun sep ing ka; ka lênlian in hun chûndok ding ka hi.

HOSEA 5:9

Gawtna ni ah chun Ephraim chu suksiat hung hi’ntin; Israel namte lak ah thil hung tung ngei ding chu ka hun puang hi.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.