HOSEA 7:1 - PATHIAN LEKHABU THIANGTHO (BSI)

¹ Israel sukdam ka guat leh, Ephraim thulimlo’na tawh, Samaria nunsiatna a hung kilang hi; zuauthei tak in a bawl un, gucha’n a phevang in, pawlam ah suammang hawn a suam kit ui.

HOSEA 7:1 ပူးပေါင်းရင်းမြစ်များ

ISAI 28:1

Ephraim ah zukhamte kiletsakpi ah, pakcha lal lukhuk mêlpha ma ma, pakcha gual ah vuaitha mai ding, zungolvei ah dim phâijawl, gam phatna zosia chung ah vaihawm ah, kiletsak ma mate chung chu a gik hi!

ISAI 59:12

La masang ah ka sukkhialnau a tam ma ma ngal a, ka gitlo’nateu chun ei hêksia zing ui. Ka bawlkhialnateu chun ei umpi zing in, ka bawsiatnateu chu ka he tau hi.

ISAI 59:13

Lalpa kilepsan in ka la hi’khial tau in, ka Pathian uh zui lo in ka la kiheimang zo tau ah; helna thu leh mi jakda ding lam ngen ka gen un, lepchia thute ngen ka ngaituau a, lunggil tak ah kipat in zuau thute, ka hun sêkdok sek zaw tau ahi.

ISAI 59:14

Vaihawmna dik chu le’bul in a um ta’n, diktatna chu gamla tak in a ding den tai; thutakna chu khawlai tualjang in, a kipal pâi ta’n; chuleh, thudikna chun mun a nei ta puai.

JEREMIAH 51:9

Babulon chu sukdam ka guau a, maleh, sukdam kit thei ding dan a hita puai. Nusiau inla, mitin I gam lam chiat un chia kit mai tai tiu; ama thiamlona chung ah vaihawmna’n van a thawng in, van sûmte chan ah vawk to ahi tai.

EZEKIEL 16:46

La u-nu chu Samaria ahi’n, a chanute tawh nang umna mallam ah chêng ahi; chuleh, la naunu chu, la umna simlam ah um, a chanute tawh chêng Sodom chu ahi.

EZEKIEL 23:4

A upa zaw min chu Oholah ahi’n, a naunu min chu Oholibah ahi. Amau chu kei â a hung hiu ah; tichun, chanu chapate a hun hing tau ah. A min uh umzia chu: Oholah chu Samaria ahi’n, Oholibah chu Jerusalem ahi.

EZEKIEL 24:13

La hûknau buakna ka hun silthian guat inle, la buaknau ah kipat in la thiang thei diak puau hi; ka lungnatna a dam masia’n, sukthian kit hita pua’n lau.

HOSEA 10:5

Beth-aven ah bawngnote ziakin, Samaria ah chêngte chu lau in a kithing tau hi. A mipite chun sûn intiu in; a lopinau amau ah kipat lakdaw ah a um ziakin, a milim ho’na thiampute chun amau chu kâ in’au.

HOSEA 11:12

Ephraim in zuau thu’n ei ûm kîmvêl un, Israel Inkuan in dawha’n ei ûm ui; himaleh, Judah vang Pathian tawh a kiton in, Thiangtho Pa â dingin a ginum nalai hi.

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

HOSEA 12:1

Ephraim in hui a khol khawm ah, sûn nitum in sualam hui a del hi; amau in zuau thu leh thagum sua’na a hi’pung un, Assuria tawh thuthung a siam un, Aigupta ah sathau a paw lut ui.

HOSEA 12:2

Lalpa‘n Judah chu maw a chansak hi, Jakob chu a umdan dungzui in gawt intin, a thilbawl dungzui in thuk in a.

HOSEA 4:17

Ephraim chu milim tawh a kizop un, a um um in, um mai tau hen.

HOSEA 4:2

Kihaksialna, zuautheina, tualtha’na, gukchakna leh ângkawmna a pung a; thisan sua’na chu thisan sua’na’n a zui hi.

HOSEA 5:1

Aw thiampute haw, he tau in! Aw, Israel Inkuante haw ngaisak un! Aw lengpa Inkuante haw, a la ngaiphau in! Vaihawmna chu la chung un hung tung ding ahi ngal a; Mizpah ah thâng kikam leh, Tabor tâng ah lên kijak tawh bang la hitau in;

HOSEA 6:4

Aw Ephraim, bang hun law ding ka hi tam? Aw Judah, bang hun law ding ka hi tam? La hepinau la phâisûm gual bep ahi’n; jing dai kia, bei kit ziang gual ahi.

HOSEA 7:13

Ka kiang ah kipat a vâk mang ziak un, a chung uh a gik hi! Ka chung ah a helnau ziakin, a chung un siatna tung in a! Amau hukdok nuam maleng, ka chung ah zuau thu bep a gen ui!

HOSEA 8:5

Aw Samaria, la bawngno lim chu pai thâk ahi tai. A chung un ka lung a na ma ma hi. Thil phalo bawl zing in bang chan um nalai ding la hiu em?

HOSEA 8:9

Gamsabiltung khât gual in Assuria lam in a chiau a; Ephraim chu a dawichâkte kiang in a kizuak tai.

AMOS 3:10

A kulpiteu ah thagum sua’na leh, kisuamna kholkhawmte chun, thil dik bawl ding dan a hepuau hi, Lalpa‘n a tii.

AMOS 3:9

Ashdod ah kulpite kiang leh, Aigupta ah kulpite kiang in puangdok un: “Samaria tâng chung ah kikhawm unla, a sung ah bang gual buaina tung ah, a lak ua nuaisiana umte chu en tiam un” ti’n gen un.

AMOS 8:14

Samaria ah Ashimah sal ah kihaksial ah, ‘Aw Dan, la Pathian a hin gual in,’ ti leh, ‘Beer-sheba khua zotna lampi a hin gual in,’ tite chu kipûk in au; bangtik inle thokit ta pua’n au,” a tii.

MIKAH 6:16

Omri thuguatte leh Ahab Inkuante thilbawl chu la vop zing in, a lemguatnau chu la zui zing ngal a. Ziaziakchun, a hawm ah nutsia in hun siam ing ka tin, la sung ah chêng sunte chule mi nuizatbûk in siam ding ka hi; tichun, ka mite minsiatna chu paw ta’n la.

MATTHAI 23:37

Aw Jerusalem, Jerusalem, Jawlneite thattu leh la kiang ah hun kisawlte suang ah a la seplumte! Jawlneite a la that a! Âkpi’n a note a tha nuai ah a awp khum sek gual in bang vei jat ahi tam, ke’n le awp khum ding ka guat hi; himaleh, la nuam puau hi.

LUKA 13:34

Aw Jerusalem, Jerusalem, jawlneite that ah, la kiang ua hun kisawlte suang ah sep sekte haw! Akpin a note a tha nuai ah a awp khum gual in, la chate tamvei tak awp khum ka nuam in; himaleh, la nuam puai!

LUKA 19:42

“La thamuanna ding ah thil hung tung chu, tuni bêk ah hin he ta mai lechin aw! Himaleh, tu’hin la mit ah kipat sêlmang in a um tangal in.