HOSEA 6:3 - PATHIAN LEKHABU THIANGTHO (BSI)

³ Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

HOSEA 6:3 ပူးပေါင်းရင်းမြစ်များ

2 SAMUEL 23:4

jingkal khawvak lim gual leh, sûmpi umlo jingkal ah nisa suak gual leh; hampa chung ah gawzu, val sit set gual chu ahi.

JOB LEKHABU 29:23

Gawtui a ngaklâ gual un, keima ei la ngak sek un; chavâng gawtui ngak la’, kamka sek te gual in ei ngak sek ui.

SAM 19:4

ahi’n la, a awu chun lei chung zosia a fang suak in, a thuu chule kawl kîmvêl tiang in a thang suak tai. Vante ah khin nisa â dingin puanbûk a jak pal piak ah,

SAM 19:6

Van mong langkhat in a hung suak a, a mong langkhat lam tiang in a chia kual in; a satna’n a kât lo ding ah kisêlgû bangma a um puai.

SAM 63:8

Ka hinna nangma ah a bek den zing a; la khut changlam in lei kaibât zing hi.

SAM 65:9

Lei hi la kantha’n, tui in la vâk ah, nasa tak in la hausatsak a; Pathian luidung chu tui in a dim a; lei ah mipite chu bu la pia’n, zia gual ding him ah chu la guanggal ahi ngal a.

SAM 72:6

Lengpa chu hampa ki-âttan chung ah, gawtui kia gual leh, lei hul chung ah gawmal kia gual hita hen.

THUPILTE 4:18

Midikte lampi chu vang jingkal khawvak, sûn a hung hi masia a vâk phat deu deu gual ahi.

ISAI 2:3

Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

ISAI 32:15

chung lam ah kipat Thagau but khum I hung hi masangsiau, gamkeu gam chu gampha hung suak intin, gam phatna munte chu gammâng ah ngai hung hi’n a.

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

ISAI 5:6

Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

ISAI 54:13

La chate zosia chu Lalpa zilsakna nuai ah, hung um intiu in; tichun, la chate chu, hung hampha ma ma ding a hiu.

JEREMIAH 24:7

Chun, keima hi Lalpa ka hi ti ei hiattheina ding un lungthim khat pia’ng ka; a lungthim zosiau ah ka kiang lam ah hung kile’kit ta ding a hiziak un, amau chu ka mipite hita’n tiu in, keile a Pathian uh hita’ng ka.

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

HOSEA 10:12

Dikna nang uh â dingin kituu inla, ja’ngaina ât tau in; la pâmtûl lou uh kikhet nêl tau in; Lalpa chu a hung ah, la chung ua dikna gua a zuk sak theina dingin, ama chu hawl hun ahi.

HOSEA 14:5

Israelte â dingin jan daitui gual hi’ng ka tin; lili gual in hung pâk lûn intiu in; Lebanon gammâng thing gual in zung khaw in au.

HOSEA 14:6

A selthakte chu hung jamdok intin, Oliv gual in hung mêlpha’n tin, Lebanon tâng gual in hung gimtui in a.

HOSEA 2:20

Ginumna’n ka ji hiding in hun la’ng ka tin; tichun, Lalpa chu hun he ta’n la.

MIKAH 4:2

nam tam takte hung khawm in, “Hung un, Lalpa tâng tiang in, Jakob Pathian In ah chia to hitiu; a lampite chu I zuitheina ding leh, a lampi chanchin ei hiltheina dingin,” ti’n au. Zion ah kipat in gitlona hung pawt in, Jerusalem ah kipat in, Lalpa thu hung pawt ding ahi ngal a.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

MIKAH 5:7

Ziaphat chuleh, Jakob mi umsun te chu, nam tam tak in a ûm kîmvêl uh himaleu, mihing ah kinga lo leh, thitheite a ngak lo gual ah, Lalpa ah kipat daitui gual leh, hampa lak ah gua mal kia gual in um ta’n au.

ZEKARIAH 10:1

Nipi kipat hun a hin, Lalpa kiang ah gawpi zu dingin don un, Lalpa chun thigawpi’n a sûmte a siam in, mitin â ding leh lohing chitin â ding ah, maljawlna gawtuite chu a piai.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

MATTHAI 13:11

Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

LUKA 1:78

I Pathian jangaina chu hung kilang in, zia kipat chun chung lam vâk in ei hung kan tha’n tin;

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.

NASEPTE 17:11

Zia ah Juda mite chu Thessalonika mite sâng in a lungthim uh a kihong zaw’n, thu chu thanuam tak in a lop un, a thugenteu chu a dik leh diklo hetna dingin, nisi’n Pathian lekha thu’n a sui sek un.

DAN LEKHABU 32:2

Hampa lak ah gawnêl zu gual in, ka thuhilte chu gawtui gual in zu hen la; thâi kekthakte chung ah gawmal phîng gual in, ka thugente chu daitui gual in kia hen.

HEBRAITE 3:14

A tîl ah kipat I ginnau kingakna kha a tawp tiang ah I tûkdet ua chun, Khrista kikoppite chu I hitau hi.

2 PETER 1:19

Tichun, genlawkna thu det zaw diak I nei ui, khua a hung vâk ah, jingsol aksi chu la lung sung ua a suak masia, zia chu thim lak ah thaumei vâk a ngaisak gual ua la ngaisak ua leh a hi’pha hi’n lau.

THUPUAN 22:16

Kei Jesu hin, zia thute hi kochuamte hiatsak ding ah ka vansawlchâk chu ka sawl ahi. Keima David suan leh a phung bulpi Jingsol aksi vâk chu ka hi, a tia.