HOSEA 5:9 - PATHIAN LEKHABU THIANGTHO (BSI)

⁹ Gawtna ni ah chun Ephraim chu suksiat hung hi’ntin; Israel namte lak ah thil hung tung ngei ding chu ka hun puang hi.

HOSEA 5:9 ပူးပေါင်းရင်းမြစ်များ

JOB LEKHABU 12:14

Ama’n a hisiat chu kuama’n sa kit thei ta pua’n a; ama’n a khak khum chu kuama’n hongthei ta pua’n a.

ISAI 37:3

Isai kiang in zia gual hin a vagen tau a: “Hezekiah in zia gual hin a gen hi: Tu’ni hi lungkhamna, vauna leh simmaw ah umna ni ahi; chate hung piandaw hun chu a hita’n; ahi’n la, a piansakna dingin tha leh zung a um ta puai.

ISAI 46:10

A tîl ah kipat in a tawp tiang ding ka tâklang ta’n, a hung tung nailote le tuan ah tâng ah kipat khan, ka la gen lang ta’n; “Ka thil guanggal chu guitung intin, ka lunggêl chu hung tungding ahi,” ka la ti ta’ngal a.

ISAI 48:3

Masang pek ah khan, ma lai ah thil tung dingte chu, ka la tâklang ta’n; ka kam in ka la gen ta’n, ka la hiatsak zo tai; phutlo in ka la bawl ah, a la guitung ta mai hi.

ISAI 48:5

A tîl ah kipat khan ka tâklang ta’n, a hung tun masang khan ka hun hil ta kha lam, “Ka milimte thilbawl ahi’n, ka milim siam leh sunthawte thupiak ah tung ahi,” la ti lona ding in.

ISAI 7:16

Zia naupang chun thilsia doi lo ah, thilpha doina châng a hiat thei masang in, a lengteu la huphul ma ma gam te ni hi nutsia in um in au.

HOSEA 5:12

Ziaziakchun, Ephraim â dingin nget tawhbang ka hi’n, Judah Inkuante â dingin muatna ka hi.

HOSEA 5:14

Ephraim â dingin sakeibaknei gual hi’ng ka tin, Judah Inkuante â dingin sakeibaknei vânglai gual hi’ng ka. Keima’n bottel in chia mang ta’ng ka; paw mang ing ka tin, kuama’n hukdok pua’n a.

HOSEA 7:12

A chiana lam un lên in khû ing ka tin, chunglêng vachate gual in kaitha’ng ka tin; a kikhopnau ah thu kitut dungzui in amau hun sawi ing ka.

HOSEA 8:8

Israelte chu valzaw a hitau in; namte lak ah bêl matna bei gual a hung hitau hi.

HOSEA 9:7

Gawtna nite chu a hung tung in, thukna nite chu a hung tung tai; Israel in ko intin, “Jawlnei chu mingol ahi’n, thagau mi chule a ngol ahi tai,” ti in. La khawlona huaisia tak ziakin, la huatna le a huaisia ahi.

AMOS 3:7

A dik tak in Lalpa Pathian in a suak, jawlneite kiang ah thugûk hil masa lo in, bangma a bawl ngai puai.

AMOS 7:17

Ziaziakchun, Lalpa‘n zia gual hin a gen hi: “La ji chu khawpi sung ah nawchizuak hung hi’n tin, la chapate leh la chanute chu chemjam in puk in au; la gam chu te’na khau ah hawm hi’n a; nangma chu gam thiang lo khat ah chun thi’n la tin, matheilo in, Israel chu a gam ah kipat, sal ah pui mang hung hi’n a,” ti’n a gen tai.

AMOS 7:9

Isak thoimualte chu nutsia hung hi’n tin, Israelte mun thiangthote chu suksiat hung hi’n tin, Jeroboam Inkuan lang dingin, chemjam tawh hung kuan ing ka,” a ti’n.

MIKAH 6:13

Ziaziakchun, ke’nle nasa tak in, ka hun khên pûk pan ta hen, la gitlonate ziakin ka hun sugam ta la hi.

ZEKARIAH 1:6

Ka dante leh ka thute khan ka suak jawlneite kiang ah ka la piak haw kha, la pu la pateu a la makhel man ta hilo a hem? Tichun, a kisik ua: Sepai honte Lalpa chun I chung ua bawl ding a guanggal gual tak in, I umdan leh I thilbawl dungzui tak un ei soisa ta ahi,’ a tiu kha,” a tiu a.

JOHAN 16:4

Himaleh, zia thute hi ka gen masak la hiu, a hun a hung tun tak leh ka thugente hi la hun hetdaw theina ding un. A lim lai khan la kiang ua ka um zing ziakin, zia thute hi a ka hun hil lo ahi.